مشاهد من الحياة

[بنت المدينة]

كلمات الشاعر عبدالرحمن بن مساعد


المشهد الاول

وحدة مزيونة بالحيل.......و حبيبة ...

بس تخون!!

وش اسوي بجمالها؟؟

بياخذها الزمان و تبقى عجوز..

عادي..طاح الحطب .. و حلوة الحياة




المشهد الثاني


ملتزم ..


يصلي كل الفروض..


و اذا تعب..... فوت صلاة الفجر


واذا شبع راحت صلاة العصر ..


و عنده دش....و يكذب كثير


و اذا صحى الصبح ...مشط اللحية


عادي..طاح الحطب.. و حلوة الحياة



المشهد الثالث


غني و ظالم ..

يطرد المساكين...و يستغل الضعوف

مغرور و فاسق..

و مجلسه عامر ..

كلٍ يبهر له..

و مع ذلك يجمع حسنات...من كثر اللي يسبونه

عادي...طاح الحطب.... و حلوة الحياة




المشهد الرابع


يكد يدرس و يشتغل..

لاجل يبني مستقبله..

تزوج و جاب عيال .ثم تقاعد

صار يسكن في مكان...و أم عياله في مكان

والسبب العيال..

صار دار المسنين بيتهم..

عادي...طاح الحطب.... و حلوة الحياة


المشهد الخامس

تغازل و تاخذ ارقام..

و تطلع مع هذا.....و تواعد هذاك..

و يوم طاح الفاس في الراس..

بكت .

و راحت تشكي لامها غدر الزمان..

طبطبت عليها امها وقالت:

ولا يهمك ...سفرة لمصر.. وشوية سيولة

و ترجعين بنت...

عادي...طاح الحطب... و حلوة الحياة



المشهد السادس

مرفوع الكفن أبيض ..

وصاحبه وسط البياض...

بعضهم يبكي...و بعضهم عادي

دفنوه..و تبكبكوا

شوي

و اخر الليل سكارى...

عادي...طاح الحطب... و حلوة الحياة



المشهد السابع

سيارة مسرعة ..

و تدعس لها واحد..

مسكين هندي..

و العسكري صديق الطايش ..

والخطا نصه على الهندي..

والباقي على أبو الطايش ..

و في الليل..الطايش يلعب بلوت

عادي...طاح الحطب .. و حلوة الحياة


المشهد الثامن

قارورة مويه ..

ما تضره ...طايحة في السيارة

يناظرها بغضب .. زعلان منها

و يفتح الشباك ..و رماها وسط الطريق

واذا اجتمع مع الشباب قال:

متى بنتحضر؟؟؟

عادي...طاح الحطب .. و حلوة الحياة


المشهد التاسع

اهم شي الثوب نظيف....و الشماغ مكوي..

و القلم ماركة...والساعة تضوي..

و الجزمة جلد...والسيارة عجب ..

و تلفونه ما

يسكت..

إما بنات..

أو البنوك تبي فلوسها...

..عادي...طاح الحطب.. و حلوة الحياة



المشهد العاشر

سطحية ...و مغرورة

غبية..و متكبرة...و يا ريتها حلوة

تبي زوج مواصفات..

ما يقول لا...ويكره الاستراحات

لازم وسيم...و انيق...و متعلم..و دخله ممتاز

و يحب السفر...

و بعد سنين...تلاقي

نفسها في الانترنت

تدور واحد يقبل بها..

عادي..طاح

الحطب... و حلوة الحياة


المشهد الحادي عشر

فتح الكمبيوتر..

و دخل للمنتدى..و كلامه ما يتعدى ان الموضوع روعة و رهيب

و هو ما قراه و لا يعرف كاتبه..

بس يبي يزيد المواضيع موضوع ..

ويزيد همومنا هم...

علشان يصير صاحب الألف موضوع..

و يتميز..

والمشكلة انه يتميز ..

عادي..طاح الحطب.. و حلوة الحياة


المشهد الأخير

الكذب اثم...ومع ذلك نستخدمه

و ندري ان هذا حرام..و مع ذلك نجربه

نتذكر السهرة و الفرح و السفر..


و ننسى الجالسين على كتوفنا ..

و نتناسى ان معهم كتاب يسجل افعالنا و نياتنا..

كل شي محسوب..

حتى النظر ..

نسينا ان ورانا يوم..علاماته قربت

ومع ذلك كلنا ناسين..

أن بقيت على حالك تتناسى ..لازم تعرف

إن ذاك اليوم مهوب عادي

وانت الحطب

و ما به حياة

[همســ قلم ــات]

يسلمو يا عسل عالمشاهد

[بنت المدينة]

الله يسلم قلبك ياقمر

نورتي

[لحظه حب]

يعطيكي العافيه بنت المدينه :174:

[بنت المدينة]

الله يعافيك يالحظة
نورتي

[الحالم]

المشهد الثامن

قارورة مويه ..

ما تضره ...طايحة في السيارة

يناظرها بغضب .. زعلان منها

و يفتح الشباك ..و رماها وسط الطريق

واذا اجتمع مع الشباب قال:

متى بنتحضر؟؟؟

عادي...طاح الحطب .. و حلوة الحياة




يعطيكي ربي الف عافيه


مشاهد من الصميم يامبدعه

[ورقة خريف]

عادي.......... طاح الحطب ...... وحلوه الحياه
:157:

[بنت المدينة]

المشهد الثامن

قارورة مويه ..

ما تضره ...طايحة في السيارة

يناظرها بغضب .. زعلان منها

و يفتح الشباك ..و رماها وسط الطريق

واذا اجتمع مع الشباب قال:

متى بنتحضر؟؟؟

عادي...طاح الحطب .. و حلوة الحياة




يعطيكي ربي الف عافيه


مشاهد من الصميم يامبدعه





الله يسلمك ياقمر

واكيد منقول للشاعر عبدالرحمن بن مساعد

نورت

[بنت المدينة]

عادي.......... طاح الحطب ...... وحلوه الحياه
:157:


اكيد حلوة ... الحلو بيشوف الحياة دايما حلوة

تسلمي ياسكر نورتي