من طرائف الشعر [الأرشيف]

العرب أهلي

03-12-2004, 03:00 AM

من طــــرائف الشـــعر هذه بعض القصائد التي ألفها شعراء تجد فيها الطرفة الغرابة :<?xml:namespace prefix = o ns = "urn:schemas-microsoft-com:office:office" /><o:p></o:p>
<o:p> </o:p>
 يامرحبا بك عدد ماطار تمساح .... او عدد ماتـنقش سنون نعامه او عدد مايزعل على الموز تفاح .... وعداد قشر في بعير وسنامه او دب امعط لابغى يطير ماطاح .... الا بجــرف بعيد ولا عــدامه والا خروف دايم الدوم نواح .... ضيع ثغاه وجاب صوت الحمامه على عشير كن زوله لاراح .... كنغر وشكله مايعرف الوسـامه ماشافني وانا مع السوق رواح .... صد وتركني بين شبه وعلامه ــــــــــــــــــــــــــــــــــــــــــــــ انا وليفي طش راسي غرامه ....... لولاي اكافح حبها بالبـــندول خلي ذبحني طسمته واللثامه .... والعين تشدي لابرق الريش مع جول يقطش وليف الروح قطش الحمامه .... يامحلا ريقه مع الشدق سعبول ياناس انا هلي واحف السلامه .... واموت من حب اريش العين لاحول خلي لمع في راس خشمه زمامه .... ومعلق في الحلق فضه بدلــدول تقول قرد في روابي تهامه .... يفجعك شكله لاضحك كنه الهــول لا هوب دبه ولاهو هلامه .... ماشفت مثله سيد الاحباب عصـقول ــــــــــــــــــــــــــــــــــــــــــــــ لا تسأليني ليه طبع العرب غير .... لا تسأليني وين عصر الصحابه صارت ثقافتنا مظاهر وتزوير .... نرقص مثل جاكسون ونلبس ثيابه نشري الحضارة بالذهب والدنانير .... ياويلنا لاسكر الغــرب بابه كم واحد بيبدل البنز ببعير .... ويبدل الدســكو بصوت الربابه ــــــــــــــــــــــــــــــــــــــــــــــ لي صاحب منه تبي تطلع الروح .... خبل ومنهي مولــعه فيه خبله عامين أوضح له مع الجد ومزوح .... واقول ياعنتر تـنــاديك عبله طال المدى ثم قلت انا اغليك يالوح .... مجروحه جرح مخاطره عجله دنق وقال انا من العام مجروح .... واشر لجرح مبطي وســط رجله ــــــــــــــــــــــــــــــــــــــــــــــ ياوجدي وجد من ضيع نعوله لاقى وحده والاخرى مالقاها عايش معاها من ايام الطفوله شاب راس العود نعله مانساها ــــــــــــــــــــــــــــــــــــــــــــــ يالهو بالي ياحلي الغزالي .... ازاي سنيت الهــجر للمحـــبين يادي المصيبه يوم قربك صفا لي .... جنبت عن درب السنع ليه ياشين دابؤك احـلى من حليب المتالي .... طب ليه تقهرني بلا ذنب يازين ماتفتكرش ازاي سميت حالي .... وحنيت لك حنة خلوج البــعارين ابــسط ياعم اشيل حملي لحالي .... دنتا ماتستاهلش تبكي لك العين عاوزني اترقــاك ياهملالي .... صحصح دا بعدك رجــعتي يابو وجهين مش ممكن ارقع عقب شي مضالي .... أأطع دراعي لا طلبتك تراضين منك لله بكل هما جـــرالي .... بس افتكر حتروح من ربنا فــــين دنا حـــقيلك لاتدور بدالي .... اديني العنوان ماتؤلش بـعدين -------------------------------------------------- المطرب اللي يهز الراس ويفـــــجر اذاننا بصوته الله يبلاه بالوســـــواس ويطيح له في نحر حوته اشــــباه هذا يغث الناس ودك بمن يرقعه شــوته والا يصــكه بحد الفاس وليـا صرخ ياخذ النوته ــــــــــــــــــــــــــــــــــــــــــــــ من كثر حلفه برأسي و ف عيوني .... انحولت وصار بعيوني رمد ومن كثر مااكلــــمه من تليفوني .... انقطــع خطي ولا شفته ابد يابنات الناس تكفون اسمعوني ..... الرجاجيل انتهوا ما ظل احــد ــــــــــــــــــــــــــــــــــــــــــــــ لا بغيت تصير شاعر احرق اوراق المشاعر واكذب وجامل ونافق وزور بكل الحقائق وكلها حفنة ورق مايضرك .. لو تقول الليل اصفر وعبلة كانت اخت عنتر المهم الناس تضحك معك .. او تضحك عليك ماعليك يعني شاللي راح تخسر منته شاعر بالاساس ولا شغلت عيون الناس يعني معروفة النتيجة انت في اي حال تكبر ــــــــــــــــــــــــــــــــــــــــــــــ والله كبيره يا بو ساره ... للديرة ترفض توديني مشتاق لشوفة الحارة ... اللي بها داعج العيني والنوم منخش في داره ... حاولت به مير جافيني لكن اب اجيب سيارة ... موديل تسعه وتسعيني واصكها يمها غارة ... وادوس في كل رجليني وارمي على باب سناره ... واصيدها وارجع بحيني ــــــــــــــــــــــــــــــــــــــــــــــ انا عــجوز مطلقة وأم ورعان ... وايضا مــدام وآنس وعانس انا بدوية وعايشة عند حضران ... وبنت البحر وابوي زارع وغارس أمية ماتعرف حــروف والوان ... وتلميذة دشت جميع المـدارس خلوني اعيش العابرة دون عنوان ... طيف يمر بلا رقابة وحـارس ــــــــــــــــــــــــــــــــــــــــــــــ يقول شــو بدك وانا اقول بدي ... افرك خشمك ياعشير النسـانيس قال: اوعى ...اوعى قلت توعى لجدي ... شايب ولكنك حمر... ول ياابليــس صد وشتم انت البســـينا وعندي ... إلــك مصيبي هيك أد البــحر ئيس قلت ايه اقيــس انك تبي دبل كبدي ... مير تخسى قال : وعم تســب ياتيـس وش عرفه بالتيس وماادري ويمدي ... لارحت زحله اعرف اش مقصد الهيـس ــــــــــــــــــــــــــــــــــــــــــــــ قال الذي بطنه من الرز مليان ... يلهم من المزه على غير قـــادي عمره وصل خمسين ماذاق قرصان ... ولا ناظر المرقوق وسط البوادي يدربي كرشه ويزنت بليهان ... وان قلت له وين انت به قال غــادي ماهو بمثل اللي مر دكان ... شرى طحينيه وخبز وزبـــادي الـــــــــــــــــــرد حي الكلام اللي منقيه فنـان ... اللي بتكريم البشـاور ينادي زدني نهم زدني عطش زدني ادمان ... زدني كسل زدني جهل بالنـوادي بكيت متأثر وغنيت طربان ... ياريحة العنبر ســـرت في فـــــؤادي اسمك لنا ياطيب الفال عنوان ... مثل العلم بين الحضر والبـــوادي خلك بشانك واترك الناس تشتان ... بالضغط والسكر ونم وانت هــادي لين اتغدي كنك دعايات ميشلان ... ماعاد تقدر تلتـفت للمنـــادي ــــــــــــــــــــــــــــــــــــــــــــــ انا هبــيل واحب العــــــض وابوي زيـــــي وانا زيـــــه وطحنا بساحه لحمها غض وكفته على نار مشــــــوية ــــــــــــــــــــــــــــــــــــــــــــــ ودي اغنـي وينهاني عفيشه ... وش أبسوي الي ضاق بــالي البحر ماالله كتب لي فيه عيشه ... جعل رزقي فوق مومية الحبال ِ فر قلبي فر طير صف ريشه ... لاجت امه والا مكانه منه خالي قرع حسي قرع بيبان دريشه ... يــوم تقرع من يمين وشمالي ــــــــــــــــــــــــــــــــــــــــــــــ ضيدان ماودك نشكل عصابة ... نحتل بعض بنوكها والمحلات ام يجي لي ولك قدر ومــهابه ... والا تبـــيـتــنا بيات الشريفات والرجل ودك يشتهر في شبابه ... بالطيب والا بالعــلوم الرديات ولا يهتـني ف اكله ولا في شرابه ... الين تطلع صورته بالمجلات الـــــــــرد لا تحسب انا ياسعد وسط غابه ... هاللي تراوى لك تراهن عمــارات وموضوعك اللي جبت كله غرابه ... والظاهر انه سابع المستحيلات واخاف لاتـنبح عليك الكلابه ... ثم هات نسلم من مخاليبها هـــات يابوك ماعمري دخلت النيابه ... ومن العمر مابقى كثر مافــات وان كان تبغي الرأي قبل يغدا به ... من واحد جرب جميع الحيلات خل الخطب للي يعرف الخطابه ... نهارنا شمس وفي الليل لمـبات ــــــــــــــــــــــــــــــــــــــــــــــ ياراكب من عندنا فـــوق سمبوك ... متوجه صوب المنــــامه بشايب مع البحر كنك على القار ف بيوك ... يلحق ويفهق مسرعات الهبايب وان طحت في خفر السواحل وردوك ... دارك على عود من الحول ذايب وان باركوا لك بالسلامه وهنوك ... لك في الدلاله ياابن الاجواد نــايب ترى خويك كان من قبل صعلوك ... ويدل حتى موحشات الخـــرايب وصحيح لو تنشد هل الدار دلوك ... واهل الوفــا ماعابهم ربع عايب ويامقدرين الضيف لو مامعه بوك ... باخلاقكم صارت ثمان عــجايب وارجوك انا ياصاحبي وارجع ارجوك ... اياك تنسى انك مودي وجايب رجــع لنا خريج بومبي وبانكوك ... وخلك على الزله بعيد الحضـايب سعد بن عبدالله العجمي الـــــــــــرد اخطوا عليك اللي بها الاسم سموك ... اسمك سعد وانت السعد منك غايب والظاهر ان اهلك على العنف ربوك ... وطلعت تبحث للنشب والطـلايب وظلمت حظك مااشين الظلم يابوك ... وهجيت عود عن هل الــغي تايب ماتدري اني صرت هادي ومبروك ... وعلي تــثـني عمتي والنسـايب وان شفت ديواني على طول مصكوك ... اطرد ورا حظ ورزق نهــايب وحتى انت تــنغزنا مع الحكي بالشوك ... ياهي علينا من كبار العقـايب ــــــــــــــــــــــــــــــــــــــــــــــ شيشه إرتخى الحيل وتراخا وارتخينا ومرنا شايب نشيط وراح يتمسخر علينا قلت يابو فلان وش فينا يداهمنا التعب لامن مشينا قال يافلتان هذا الفرق بين اللبن والفخفخينا ــــــــــــــــــــــــــــــــــــــــــــــ<o:p></o:p>
<o:p> </o:p>