هل كلمة انا اسف تداوي الجراح -- موضوع للنقاش

[DoDa AlBtOoOtA]

بسم الله الرحمن الرحيم

السلام عليكم ورحمة الله وبركاته


كل بني ادم خَطّاَء وخير الخطائين التوابين

كل منا قد يخطئ عليه أحد أو يتأذى من الأخرين ، وقد يكون الشخص المخطئ عليك قريب جداً لك وقد يكون من أعز أصدقائك الذي لا تتوقع أن يصدر منه مثل هذا الخطاء ، وقد تختلف درجة الخطاء من شخص لاآخر...

لكن عزيزي القارئ هل كلمة (أنا آسف) تكفى لتداوي الجرح وتغفر هذا الخطاء؟

وجهة نظري عن هذا الأمر فأعتقد بأنه على حسب الموقف فبعض الأمور تغفر بالتأسف والبعض منها لا يغفر مدى الحياة.

أرجو من الجميع التفاعل

[الحياةكلمة]

كلمة اسف من وجهة نطري لاتداوي الجراح
اضرب لكم مثال
لو انك غرزت مسمار بجدار
ثم خلعت المسمار
الا يكون هناك اثر
بلى
فهذا لايزيل الاثر مثل كلمة اسف او انا اسف

[DoDa AlBtOoOtA]

انا معاك في دا الكلام

بس بسالك ايش ممكن يقدر يسوي عشان يعتذر ؟

[فرااااااولة]

كلامك مضبوط يااخت "الحياة كلمة" كلمة اسف لوحدها لا تداوي الجرح لذا لابد بعد الاسف نعمل على
تصحيح الخطأ بكل الطرق وممكن نستعين بهدية ولو بسيطة مع الاسف كالوردة مثلا فلها تاثير جبار ع النفس
هذا رأيي
ويعطيكي العافية دودا ع موضوعك ال رائع

[DoDa AlBtOoOtA]

وردة خخخخخخخخ لالا ماتننع :207:



فراولة الحياة كلمة اصلو ولد لو دري بس حيموتك خخخخ

[ورقة خريف]

با العكس يا جماعه كلمة اسف تكفي اننا نسامح طالما جاء الشخص واعترف واتأسف هاذي كفاية اعتقد
والجدر اللي في مسمار مع شويت تليس وبويه يسير يا سلام
وقلوب البيضاء تنسى كل الاسأه
وحتى لو في بقايا في القلب مع الزمان تزول ان شاء الله
والله يجمع قلوب المسلمين على المحبه والوداد

[بنت المدينة]

وجهة نظري عن هذا الأمر فأعتقد بأنه على حسب الموقف فبعض الأمور تغفر بالتأسف والبعض منها لا يغفر مدى الحياة.

للاسف في اخطاء ماتنفع معاها اسف

[DoDa AlBtOoOtA]

يا ورقة الشويا تلبيس والبويا هادي هي الاشياء اللي لازم يسويها بعد الاعتذار يعني لازم يبين انو هوا من جد غلطان

[ورقة خريف]

يالطيف على الذل انسى
كلنا الا فناء ولازم نصفي قلوبنا مهما كان الغلط

[DoDa AlBtOoOtA]

بس في بعض الاغلاط مستحيل احد يسامح

[rorita]

مااضن كلمت اسف تكفى لانى اسامح ...

[يويو 2008]

انا مع الاخت ورقة خريف

وكمان احب اضيف كلمة اسف تقبل منو حسب الشخص لازم الشخص الاخر يعرف ظروف المتأسف
لازم يسمعلو وبعدين يحكم.

مثال بسيط

القاضي يقدر يحكم على المتهم من غير ما يسمعلو ولا يسمع للشهود؟

فانا عن نفسي اتقبل الاسف حسب الشخص وحسب ظروفه وحسب علاقتي معاه مو قلبي قاسي زي روريتا .
ويادودا مهما كانت الاغلاط قلتلك حسب الشخص وعلاقتك معاه ومعاكي بنت المدينه بس اكرر واقول حسب الشخص وظرفه لان فيه اشياء تصير فوق ارادة الواحد اهم شي الي بعد الاسف.

ومن أجمل الأحاسيس هو الشعور من داخلك بأنك قمت بالعمل الصحيح حتى لو عاداك العالم أجمع

[ليالينا الحلوه]

أنا معاكي يادودا بعض الأحيان الأسف ما ينفع لأن الآسى ما يتنسى والكلام يفضل أثره في النفس:107:

[ورقة خريف]

سؤال يطرح نفسه
لو ما سمحنا اش حنستفيد ؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[DoDa AlBtOoOtA]

حتى لو سامحنا عمرنا مارح ننسى اللي صار وفي بعض الناس بيعيدو نفس الغلطة

[صمتي جرحني]

الحب عطاء ومسامحة وغفران وكل ابن ادم خطاءون ...
واللي يحب حب صادق لازم يسامح ويغفراذا اعتذرله الي يحبه..
لان المسامحة صفة انسانية :627:

[DoDa AlBtOoOtA]

ايش فايدة الحب الصادق دا الطرف التاني كداب

[يويو 2008]

ورقة خريف الي ما يسامح يكون انسان بلا قلب
وكمان اعرفو شي واحد ان كلمة اسف هذي ما تطلع من الواحد الا وهو عارف ان اخطاء وندمان
صحيح امكن تترك اثر بعد كدا بس لازم الواحد يعطي فرصه للاتاسف بس يكون بحذر لين يبان اسفو من القلب ولا لا.
باختصار لازم نترك فرصة للاتاسف.

ومهما يكون الاثر فان الايام تخلي الواحد ينسا وطبعا حسب الي اتاسف سوا كان حبيب او صديق.

الحب عطاء ومسامحة وغفران وكل ابن ادم خطاءون ...
واللي يحب حب صادق لازم يسامح ويغفراذا اعتذرله الي يحبه..
لان المسامحة صفة انسانية

صح لسانك صمتي جرحني وياريت يفهم الكل كدا

وانا عن نفسي امام الجميع بعتذر لاغلى انسانه عندي وارجو ان تقبل عذري.

[DoDa AlBtOoOtA]

لا يا يويو ساعات الاتاسف يكون مخرج للغلط ويرجع مرة تاني يعيدها

[يويو 2008]

معاكي بالكلام هذا ياحجه بس لو تلاحظي قلت
(الواحد يعطي فرصه للاتاسف بس يكون بحذر لين يبان اسفو من القلب ولا لا.)

امكن يكون صحيح ندمان وما يرجع وامكن يكون الغلط الي صار غصب عنو
فلازم ما تصدري الحكم لين تعرفي الظروف.

وما في احد فينا ما يغلط ما تتوقعي انك تلاقي ملاك بس اهم شي الانسان الي يعرف غلطو ويتاسف ويندم عليه.

[ورقة خريف]

الحب عطاء ومسامحة وغفران وكل ابن ادم خطاءون ...
واللي يحب حب صادق لازم يسامح ويغفراذا اعتذرله الي يحبه..
لان المسامحة صفة انسانية :627:

احسنتي صمتي جرحني هاذا الكلام المظبوط ومهما كان الانسان لازم يصفي قلبو با الله عليكم مين منا ما غلط على احد بقصد او بدون لكن القلوب الصافيه تنسى
(((وانت يا يويو يسلم فمك )))
خلي الحياه حلوه :637:

[يويو 2008]

الله يسلمك ورقة خريف وان شاء الله كلنا قلوبنا صافيه

بس ادعو للي قلبو مو صافي يصفا ويسامح

[صمتي جرحني]

DoDa ليش السوداوية اذا كان موب قاصد الغلط ليش مانسامح ونعطي فرصة .....
عشان نكون مع بعض

[يويو 2008]

صح لسانك صمتي جرحني

ولكي تحياتي

[DoDa AlBtOoOtA]

في الزمن دا مارح تعرف مين الصادق ومين الكداب

[صمتي جرحني]

الله يسلمك يويو...

[يويو 2008]

دودا اخرتها معاكي شكلك ما تسامحي بسهوله

كمان معاكي بدا الكلام بس انا مو قصدي احد لسه تعرفيه من يومين وغلط وتسامحي

المقصد احد عزيز عليكي لكي فتره معاه سواء حبيب او صديق واتوقع الفتره هذي كافيه انك تعرفيه كويس.
ومهما كان سواء صادق او كذاب طالما اتاسف لازم نعطيلو فرصه.

الموضوع كبير هذا فيه كلام كثير نفسي اقوله بس ما اقول غير خلي قلوبكم صافيه واعطو فرصه للي بيعتذر.

[DoDa AlBtOoOtA]

انتا اللي بعدين معاك


اقولك شي انا صح طيبة بس اكتشفت انو طيبة القلب دي ماتنفع في الزمن دا

وليه اسامح دام كدب ولا غلط انتا ماتضمن انو رح يعيد الغلط ولا لا واذا عادو رح تزعل مرة وليش اوجع قلبي

[يويو 2008]

معاكي حق بدا الكلام طيبة القلب ما تنفع بالزمن دا

دودا انا قلتلك ما تتوقعي احد ملاك كلنا نغلط وغلط عن غلط يفرق بس لاحظي انا قلت ان لما يكون انسان عزيز عليكي وتعرفيه كويس وطلع منو غلط غصب عنو وندم واتاسف.

كمان انا قلت اعطيلو فرصه بس حتكون الفرصه بحذر وكمان ممكن اذا سامحتيه يكون دا سبب ان يهتدي ويصير كويس اذا سيء وكذاب.

فلازم الواحد ما يستعجل بقرارو ويستخدم مخو مو بس قلبو عشان ما يخسر حبيب ولا صديق.

طبعا دودا الي مستقصد يضر ومستقصد الكذب هذا ابدا لا يغتفر له.

[DoDa AlBtOoOtA]

مو ضروري يكون عزيز عليا مدام كذب عليا ولا غلط ولا خان يطيح من عيني

واذا سامحت مانساها لو ايش يصير

[يويو 2008]

اوف دودا ايش قصتك

عموما لي تفاهم معاكي ياانا يانتي:560:

[*snickers*]

اممممممممممممممممم على حسب لو حسيت انو الكلمه اسف دي من جد حسامح و يبان لو كانت من جد

[hazmi jeddah]

ارحم من في الارض يرحمك من في السماء