htan
04-08-2008, 02:32 AM
:589:لما كنا صغار كان الواحد منا يحاول انه يكون رجال من كثر ما يسمع هالكلمه خلك رجال وعلوم الرجاجيل , ولواحد فينا يتقرب من هالشايب ماشاء الله لسانه سليص يخليك مذنب في لحظات, وهو ماله حيله علشان يقدر يسيطر على هالعيال والاسلحه الى يستخدمها كثيره, وش يقولون الناس عليك, وياويلك ماتقوم الصبح بدري, الا وتسمع الاشعار ( لا تتبع نوام الضحى لا يعاديك وان زعلت امه لا تخليه يالاك ) . المهم بداية كورس دله القهوه ( القهوه الي ماتبهر من الهيل مثل العجوز الخبيث نسمها) يبداء هالكورس اذا حضر الضيوف لا بد انك تعرف تصب هالقهوه وتعرف تمسك هالدله وماشاءالله مابي احد يحسدني اصبحت دكتور في مسكت هالدله حتى الفنجان ما امليه حتى اخليك تسمع طقةهالفنجان حريف مايحتاج. المهم كان هدف الواحد فينا ان يكونون هالضيوف راضين والمهم اني اترك انطباع جيد, ولكن الشايب بعد مايرحون هالرجاجيل يصفر هالعداد من جديد يعني كل الي سويته ماله قيمه , المهم فكرت اني لا بد ان اعلن الاستقلال عن سلطه هالاب النهائيه, لقد كان الكورس ياطاعه ولا مواجهة هالعواقب. وبدايه العواقب الشعر ولها قصة ولد بن نعمه . المهم الي ابي اقوله ان الخضوع شر على النفس ولي يقع في هالعاده نادرا ما يحقق الشخص اهدافه في ان يكون شخص مستقل وصاحب عمل , اذا كان دافع هالشخص قبول استحسان هالناس. ولكن اسلوبه جزاه الله خير اسلوب عسكري فعلا دفعني ان اعتمد على الله وعلى نفسي الى ان اصبحت من رجال الاعمال .