الشيش طاووووق

[بنت المدينة]

بسم الله الرحمن الرحيم
اليوم حكتبلكم طريقة الشيش طاووق اولا الطريقة مره سهلة ولزيزة وتنفع للموظفه عشان اعدادها بيكون بدري او قبل بيوم المهم لا اطول عليكم

خدي زبديه تكون زجاج ( صحيا افضل) حطي نص زبديه لبن + نص علبة سفن اب + فص ثوم مدقوق ناعم + ملح حسب الرغبه + فلفل اسود + ملعقه ملح اندونيسي

وبعدين اشتري دجاج من غير عضم او صدور الدجاج من غير عضم طبعا وقطعي الدجاج مكعبات صغيره وحطيه عالخلطة الي في الزبدية
طبعا دى حتسويه في الليل او الصباح بدري عشان يتخمر الدجاج والسفن يطريه
خلاص غطيه وحطيه في التلاجة

بعدين حمري الزيت واشتري الاسياخ الخشبية وسيخي قطع الدجاج وبعدين قلبيه فشويه بيض وبعدين بقسماط او ازا تحبي تقليه على طول ( حسب الرغبة ) واقلي ف يالزيت لين يتحمر واقلي معاه فلفل رومي وبصل


في طريقة تانيه انك تشويه عالفحم ودى بيعطي كمان نكهة تانيه لزيزة

وبالهناء والعافية
:605:

[sami haroon]

ياسلام شي يفتح النفس بجد

مشكورة يا ست البنات

[بنت المدينة]

العفو يابطة سويها ترى سهله
:513:

[همســ قلم ــات]

يسلمو بنت المدينه على الاكله الحلوة

[بنت المدينة]

بالعافيه هموسه وشكرا عالمشاركة

:513:

[$ M.E.D.O $]

نبغى ندووووووووووق حرام عليكم :110:

[بنت المدينة]

بلاش كسل ادخل المطبخ وسويها سهله:207:

:513: