مشاهدة النسخة كاملة : أول صالة عرض أفلام سينامائية في مكه (المركاز)
zaqe22
02-04-2007, 12:32 PM
فين تــــندر هذا المســـــــاء :645:
سـينمــــا المركــــاز تقــــدم
أحـــدث الأفلام الحجازية !!!!
اسم الفلم ... و ... نوعة
مين زهمني ... خيالي :391:
ياواد دلدل الزنبيل ... إثاره :562:
يابزوره لا تناحلو أمكم ... دراما :339:
حاره الطندباويه ... أكشن:117:
النمنم ............. .. رعب :647:
احنا اللي سرقنا اللدو ... بوليسي :117:
مغامرات البرماوي ... كرتون :652:
يواد لا تتبكبكلي .... دراما :339:
اتصلتبّك ما التقيتبّك ... عاطفي:628:
اندر برّا يا سرسري ... مسلسل اجتماعي:671:
حمتو يلعب بديلو ... بوليسي :117:
مدري اشبي دايخه ... رومنسي :628:
دوبو ندر .... كرتون :652:
الباب مشنقل والواد داشر .. خيال علمي
ستي والبساس السبعة .. سياسي ...:582:
وتشرفوا من وحده بالليل يبدأ العرض:609:
بس لاتنسو تجيبوا معاكم الشيشة وبراد المنعنش عشان لسة الكافاتريا مافتحناها !!!:566:
وعذرا ً على بعض الألفاظ المكاوية إلي بالي بالكم:172:
بنت المدينة
02-04-2007, 12:47 PM
:335: :335: :335: سرسري :335: :335: :335:
الله يرحمك ياجدي ماسرت اسمعها
بس نفسي اعرف ايش معناها
:335:
:207: مرررررررررررررررره حلوة
:513:
sami haroon
02-04-2007, 02:42 PM
هههههههههه روعة يسلمووووووووووو ياباشا
همســ قلم ــات
02-04-2007, 03:33 PM
ياسلام مرة خرافه يسلمو زكي :302:
zaqe22
03-04-2007, 07:37 AM
بنت المدينة
السرسري عند أهل مكة ! تعتبر كلمة جارحة شوية لكن خليني أحورها شوية وأقول إنها تعني :
(الداشر) ، (قليل الأدب) ، (الصايع) .... يعني مانبغى نندر عن دي الحدود !!!
ولا كيف يا أهل مكة ؟ ما في أحد من الطندباوي أو المسفلة يشاركنا في التعريف ...!!!
zaqe22
03-04-2007, 07:37 AM
تسلملي يا عم سامي
وشكرا ً على المتابعة.
zaqe22
03-04-2007, 07:38 AM
يديكي العافية همسات
مع التحية.
بنت المدينة
03-04-2007, 12:49 PM
:332: أف يعني كلمة بايخه وطول الوقت كنت افكرو بيدلعنا :122:
الله يرحمك ويهديك يا جدي
:207:
:513:
جداوي
03-04-2007, 01:35 PM
:335:
انا داخل ومفكر انه من جد في صالة سنما
قلت الحق اقطع كم تذكرة بسرعه
:207:
اعتقد ان السرسري يعني الثرثار الي يهرج و يتكلم كتير
السربوت هي الى مو كويسه
:617:
بنت المدينة
03-04-2007, 01:39 PM
:207: شكرا عالمعلومات جداوي
:513:
JuSt a GiRl
03-04-2007, 09:51 PM
هههههههههههههههههه :335: حلووه مع اني مفهمتش كلام كتير منها
مشكوور :476:
zaqe22
04-04-2007, 08:34 AM
بنت المدينة
الحمدلله أهو جداوي رطب الجو شوية ، والله يرحمو جدك ماغلط!
بس في نقطة ممكن أوضحها إنو ممكن إستعمال المصطلحات في مواقف معينه هوا إلي بيعطيها صفتها الجارحه وأظن جدك مايهون عليه يئنبكم بكلمات نابية...
وتسلم جداوي علتوضيح وما تنسى تجيب الكيف حقك معاك! وإنتا جي علسينما...
بنت المدينة
04-04-2007, 11:54 AM
:513:
اكيد كلامك صحيح بس تعرف كبار زمان :553:
راحو وراحت ايامهم وكلامهم
zaqe22
04-04-2007, 03:23 PM
مجرد بنت
دي (slang) مكاوي ، يعني أهل مكه أدرى بشعابها!!!
بس تعالي إنتي وهاتي معاكي كيس الفوشار ! و حتستمتعي بالأفلام !
سلام
zaqe22
04-04-2007, 03:29 PM
بنت المدينة
إيش رايك تشاركيني في موضوع نشرك كل الأعضاء فيه ... عبارة عن قاموس ظريف لطيف ...
عن الكلمات البلدية في المدينة ومكة وجدة والطايف والرياض والدمام ...!
أكيد حيطلع موضوع لزيز ؟
ومنها نتعلم معاني لمصطلحات أكيد ماعاد بتستخدم ايامنا دي!!!
ها... ايش قولتي ؟
بنت المدينة
05-04-2007, 04:50 PM
في كتير مواضيع في المنتدى زي كدى ..... بس ماادريس ليش حاسه كدى انك بتتبهلل :332:
وتاني شي مصطلحات مكه اوكي جده اوكي مدينه اوكي وبسسسسس غيرو مايخصني انا ((( فين ايام روم مكه جده مدينه))) :107:
zaqe22
07-04-2007, 07:55 AM
بنت المدينة
صدقيني أنا معاكم في المنتدى ماكملت شهر !!!
وماشوفت كل المواضيع السابقة ؟
ومسألة البهلله مهي من طبعي و ما اعتقدت إنو الهرجه حتقلب كده !!!
ومافيها شي لو اعضاء من مدن تانية أضافوا للموضوع شوية مشاركات ؟؟؟
ما ادري ممكن توضيح اكتر !
بنت المدينة
07-04-2007, 08:07 AM
والله اخي المواضيع حقت المصطلحات كترة هنا فاذا عندك شي جديد او اسلوب جديد لعرضها انا معاك بس معليش فقط مصطلحات حجازية بحته ( متعصبه من الناحيه دي )
وشكرا عالاهتمام والمتابعة
zaqe22
09-04-2007, 07:17 AM
بنت المدينة
متعصبه من الناحيه دي!!!
وسعي صدرك شوية دا أنا مولود في الرياض وعشت 15 سنة في الطايف .........
يعني لا تشكيلي لا أبكيلك!
و كلنا أولاد تسعة !
أو تمنية !
وفي بعضهم ينولدو في سبعة .......!
بنت المدينة
09-04-2007, 09:25 AM
اوكي اولاد ميه ماقلت شي
كلنا بنو ادم وادم من تراب
لاتدقق انت كمان :332:
وما نبغى نفتح مواضيع إحنا فغنى عنها لأنها راح تتشعب وبعدين نلاقي نفسنا خرجنا من المنتدى مرره وحده :207:
جداوي
09-04-2007, 09:35 AM
نقاش جميل
صحيح في مواضيع كتير في المنتدى متشعتره عن المصطلحات الحجازيه
ياريت في الاول نلمها في موضوع واحد وبعدين نبدأ نضيف الجديد
ايه رأيك يا اخ زكي تبداء تلم المواضيع دي
ولك عند الله الاجر و الثواب
:157:
بنت المدينة
09-04-2007, 09:42 AM
ههههههههههههههههههههههههههههههههههههههههههههه ههه
جداوي حرام عليك شكلك نفسك تلمها من زمان ولقيت الفريسه المناسبه :207:
إيش حتديلو حق تعبو
جداوي
09-04-2007, 09:47 AM
:335:
احنا قلنا الاجر و الثواب عند الله
:322:
بنت المدينة
09-04-2007, 09:51 AM
:553:
zaqe22
10-04-2007, 07:30 AM
بنت المدينة
جبتي الغايبة !!!
هوا دا المطلوب ... كلنا بنو آدم وآدم من تراب....
وإن شاء الله طالما بنحاسب أنفسنا على إلي بنكتبه ... ما حنلاقي نفسنا خرجنا برة المنتدى!
تسلمي
vBulletin® v3.8.6, Copyright ©2000-2025