الرز المندي ..

[بنت المدينة]

مرحبا ياحلوين


اليوم طبخت طبخه سهله وحلوة وقلت لازم اقولكم عليها


اول حاجه خدي دجاجه قطعيها نصفين طبعا بعد ماتتغسل وتتنقع بالملح والخل.....

اخلطي فزبديه صغيره ملعقة صغيره من كل البهارات مطحونة..( فلفل أسود , ملح , كمون , هيل , قرفة , قرنفل ,هرد , ملح ليمون , زعفران , صبغة )

وتبهري بيها الدجاجة تمام وتخليها شويه

إزا تبغي تسويها لحم اسلقي اللحم نص سلقه وبعدين بهريه بالبهارات دي

خدي صينيه تكون مرتفعه او قدر ممكن يخش الفرن

حطي قليل زيت وقطعي حبة بصله وقلبيها شويه عالزيت وحطي ( هيل , قرفة , قرنفل ) بكبارهم 3 حبات مع البصل لين يسير اشقر

وتكوني مغسله الرز ومصفيتو ارميه عالبصل وحطي ملح واطفي النار

إزا تحبي حبات الرز واقفه احسبي على قد كاسات الرز مويه وزيدي كاسه

ازا تحبيه مطبوخ تمام حطي مويه لين تغمري الرز

غطي الصينيه بورق قصدير وخرميه ( زي راس المعسل )

حطي الدجاج أو اللحم فوق القصدير المخرم وارجعي غطيه كمان قصدير تاني وقفليه كويس

وحطيه بالفرن على درجه 200

حياخد تقريبا ساعه ونص

لمن تشوفيه انو خلاص استوي افتحي القصدير وارمي قطعة جمره فوق الدجاج واقفلي عيله تاني ودقايق
.
.
.
.
.

وبالعافيه عليكم

ماهي منقوله ولا منسوخه
:667:

[sami haroon]

يعطيكي الف عافية علي الاكلة الحلوة يا حلو

شامم ريحة الطبخة حتي عندي

[بنت المدينة]

بالعافيه ياسامي

وسويها ترى مرره سهله

[توتة هانم]

مره سهله ودايما تنقذني الطبخه وقت الزنقات ....... مرسي ياقمر

[بنت المدينة]

ايوة ياتوته ساعات اقوم متأخره بسرررعه عالمندي :302:

مرسي ياقمر عالمشاركة

[الحياة أمل]

يسلموا اختى

لا هنتى على ها الطبخه الحلوة

[بنت المدينة]

الله يسلمك اختي الحياة امل عالمرور

وبالعافيه على قلبك

[ورقة خريف]

يعطيك العافيه بنت المدينه:553:

[بنت المدينة]

الله يعافيكي ورقة وانتي دقتيه طبعا لزيز صح :553:

:513:

[لحظه حب]

يعطيكي العافيه على الرز المندي :302:

[بنت المدينة]

الله يعافيكي لحظة ومرسي عالمرور