الذهبية - ما رأيك في اشتراك المرأة بمركز رياضي نسائي

أنا بصراحه مع الفكره وأنا عن نفسي وحده من النساء إلي تشترك في نوادي رياضيه مو شرط تكون متزوجه الست عشان تروح نادي وعشان تعجب زوجها يمكن يكون سبب تاني انها تحافظ على جسمها أوتنزل من وزنها ولاأذكر أنه في آيه قرائنيه أو حديث مثبت يحرم خروج الست من بيتها لتمارس الرياضه او حتى لترفه عن نفسها وتغير جو طالما أنها مابتسوي شي غلط أو شيئ حرام ينافي تعاليم دينها وانا مع حديث الرسول عليه الصلاة والسلام الي ذكره أخي بريق (ولبدنك عليك حق) يعني في أنو الانسان يرتاح ومايرهق نفسو ويحافظ على جمال جسمه
وانا ليا صديقات في النادي ملتزمات جدا ومع هذا مشتركين يعني الموضوع جدا عادي طالما الست بتحافظ على تعاليم دينها ومابتسوي شي حرام أو يغضب ربها
مشكور اخوي البدر علي طرح الموضوع
وصراحه الموضوع يستاهل الطرح لانو في رجال بيمنعو زوجاتهم من الذهاب الى النوادي وتفكيره انو النادي كله خراب مع انو الخراب في كل مكان والي يبغى يحافظ على نفسو حايحافظ على نفسو والانسان لمن يبغى يعمل شي راح يعمله محا يحتاج لانادي ولاغيره
وثانكس على الموضوع بجد برافو عليك من جد موضوعك مميز وكان غايب عن البال
تقبل مروري:157: