|
توته هانم
إسمها أريج عبدالله فتح الدين مكان المطعم في الهايبر بنده - الجامعه وإسمو أريج زمان وهي ما بتقوم بتقديم الطلبات بنفسها ولا بتستعين بفتيات لتقديم الطلبات زي ما ذكرت الكاتبه ... دورها فقط مشرفه لأنها أستعانت بالغرفة التجارية للحصول على قرض وكملت الباقي من عندها والحمدلله المطعم بيقدم وجبات لزيزه بلمره زي المنتو والفرموزه والبخاري والششبره والشورب بأنواعها وأرزار أشكال وألوان مع اطباق مشكله وحلويات يقوموا البنات داخل المطبخ بإعدادها ...وفي جرسون للتقديم وأماكن منفصله للعوائل مع كوفي بار وشاشة عرض للقنوات الفضائية ...وإطلاله ساحره على الخارج ... مين يبغى تفاصيل أكتر يقول ؟ وبالنسبة للأخ العرب أهلي ... لا توصي حريص عيالها في أحسن الجامعات بره وتربيتهم ميه الميه ! وزوجها راجل جدا ً محترم بوظيفة مرموقه لدى جهه معروفه و هي مهي مقصره في واجبات بيتها ! وزوجها واولادها لأنها درست المشروع تمام التمام... وبلنسبة لمشروع بهذه التفاصيل وهذه المعايير ... لازم كلنا ندعموا ونوقف معاهم مو نحطمهم ! |
مشكور على الاضافه المفيده الوافيه ........ واعتقد مشالله عليها بالهمه العاليه وطموحها اكيد ماراح تقصر في بيتها وتربية اولادها
الله يفتح عليها ... |
توته هانم
ياريت تشدو على إيدها وتشرفوها بمطعمها ... عدى يوم الجمعه ... لأنها للأسف أتعرضت كما هو متوقع بعد المقال الغير منصف ! لهجمة من دعاة الرجعية والتزمت إعتقادا ً منهم بوجود مخالفات شرعية ! وكان من الأجدر يتوجهوا بجهودهم لأماكن ... أقل شي ممكن نقولوا عنها إنهم ما يقدروا يدخلوها ويشوفوا الفساد إلي على ودنو ! رجاءا ً لحد يحكم بدون ما يشوف بنفسوا ... والهايبر مو بعيد عنكم ! |
البروفيسور
(العموم أهم شيء العفة والطهارة وضرب الخمر...) صدقني لو الأمور ذي تشوب المطعم كان الهيئة قفلته من زمان !!! روح وجرب ... وقولي طبخهم كيف ؟ تراهم يترزقون ! وما يدورون ورا الخرابيط ! ولا كان المحل مقهى للمعسلات والشيش ... |
ما شاء الله يا زاكي عندك معلومات تفصيليه عن الموضوع
صحيح كلامك دعاة الرجعيه كل همهم احباط اي تقدم او نجاح لاحقاد في انفسهم والله المستعان :110: |
ليش مايسيبوا العالم تشوف حالها ... مساكين الستات .. الاحباط دايما ورانا .. يعني نلاقيها من فين ولا فين ؟؟؟
الله يكون في عونها .. وراح ازورها بنفسي وادوق اكلها وماعندي مانع اعملها دعايه |
اقتباس:
هذا الكلام |
ماعرف ايش تقصد بهذا الكلام بس عموما اهلا بيك
|
جداوي
دعاة الرجعية ... مجموعة من المتفيهقين ! ناس مسوية نفسها فاهمه وهيه ... الله يهديهم. يعني تحصلهم أمام كل شي (واقفينلوا بلمرصاد) ! لما جا الراديو ... وبعدو التلفزيون ... وبعدو الدش ... والنت والجوال رافضين حتى السيارات والطيارات و التلفون ... يعني احسنلهم يرجعوا العصر الحجري ! بس صدقني حيذوبوا مع الوقت ... لما يتعلمو ويفهمو ويشوفوا إنو لكل شي محاسن ومساوئ بس الكلام كيف نستفيد منو بالطريقه الأفضل ولي ما تضرنا ! ويا ريت كان حطو همهم ومجهوداتهم في شي يفيد الأمه ... بدل ما يتصدو لكل جديد ! تسلم |
توته هانم
على الأقل الستات معذورين ... يعني الوحده لو جلست فبيتها ماتنلام ! فما بالك (3.000.000) ألف عاطل من الرجال إلي مهم محصلين وظايف !!! ولسه في ناس يتشدقوا بالتحرج من عمل المرآة ! وياستي بإذن الله حيعجبك أكلهم ... أنا عن نفسي ... ناسبني . ودي من جنسكم يابنات حوى ... ومستنيه دعمكم لها . |
| الساعة الآن 11:26 AM. |
Powered by vBulletin® Version 3.8.6
Copyright ©2000 - 2026, Jelsoft Enterprises Ltd