|
قصه حقيقيه شفتها بعيني
يوم من الايام وانا راجعه من المدرسه رحت اخد ماما من المستشفهى هي تشتغل هناك و دقيت على جوالها و كان مقفول مرت نص ساعه فنزلت من السيارة و دخلت المستشفى و مو عارفه فين بأمشي و سألت الدكاتره قالولي امك في غرفه العمليات عشان كدا الجوال مقفول المهم و انا بمشي جات سيارة الاسعاف و فيها ولد صغير عمره 4 سنسن و انا من لقافتي قربت اتفرج ايش بيسير واحت الدكتوره قالت : يا بنت انتي
طالعت فيها:انا قالت : فصيلت دمك ايش قلتلها الفصيله سارت تكلم نفسها و قالت ايوه ينفع قالت تعالي وانا ما ادري ايش اللي بيصير بس رحت وراها سحبت مني دم و ما قالتلي ليش ما ترد تطنشني لمن ماما طلعت قلتلها كدا كدا سار راحت سألت و قالتلي تعالي اوريكي شي و دخلتني الغرفه اللي فيها الولد اللي عمره 4 سنين وقالتلي الدم اللي سحبو منك لي الولد دا عشان انتو نفس الفصيله وشفت ولد محروق من فمو لرقبتو ولون جلدو اسود و باين عضمو و جلدو اللي مغطي قفصو الصدري سايح و اسود الولد من جد يحزن سألتها ايش سار قالتلي الولد كان عطشان و قال للشغاله ابغى مويه قالتلو افتح الدرج و خد مويه كانو حطين كرتون مويه في الدرج و كان جنب كرتون المويه قارورة مويه كبيره بس اللي جواها ما كان مويه كان جواها (منظف ) اعتقد اسمه (فلاش) المنظف دا ينظفو بيه البلاط و هو قوي جدا و مفعوله زي موية النار الولد يا حرااام شربوو و انحرق و بعد 4 ساعات على قد عمره لا دقيقه زايده ولا دقيقه ناقصه اتوفى الله يرحمه(مات) و للمعلوميه كان وحيد امه . انتبهووو على اطفالكم و حطو الخرابيط دي في مكان امن بعيد عن البزوره والله يحفظ اولادكم و يهديهم ويديهم طولت العمر. |
يالله حاجة تحزن مرررررررره وسويتي خير بالتبرع بدمك
|
يسلمووو على المروور الحلو يا سوسو نورتي الموضوع:313:
|
الله يسامح من كان السبب الله يغمد روح الولد الجنه
|
والله قصة تحزن ب2
يسلمو سنكرز |
يسلمو على المرور الحلو :627: و الله يرحمه و يصبر ماماتو
|
وي يا ماما يخوووووووف
بس ماما ما حكتني عن هده القصة غريبة يا بنت وحشششششششششتيني و مرررررررة شكرا على الموضوع |
يسلمو رفوله على المرور انتي تعرفيني و انا مدري؟؟؟:174:
|
يسلموووو سنكرز على القصة الحلوة
الله يعطيكي العافيه والله يرحمو الولد ويصبر امو |
يسلوووووووووووووووووو على المرووووووووووووووووووووور:313:
|
تسلمي سنكرز على القصة المؤثرة و الله يرحمه و يصبر اهله
يا رب ... |
yeslmo 3ala almroor :174:
|
شئ محزن .
لا حول و لا قوة إلا بالله . |
:235:لاحول ولاقوة الا بالله العلي العظيم
الله يصبر اهلو ويجزاكي كل خير علي تبرعك ويابختك مشاء الله جاتك من ربنا انك تعمل عمل خيري عقبالي يارب ومشكوره حبيبتي من جد قصه هادفه انو الواحد يااخد بالو من الاطفال الموجودين بالبيت لانهم امانه نسئل عنها يوم القيامه والله يحفظ جميع الاطفال ويرعاهم اللهم امين |
| الساعة الآن 04:50 PM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd