الذهبية - هل انت معقد فكريا؟؟

هل انت معقد فكريا ؟؟

نسمع كثير من الناس يتكلموا على الكبار في السن ويوصفوهم ببعض الأوصاف الغريبة لكنها للأسف صارت شائعة مثل: فلان دقة قديمة ،، فلان معققققد ما يخلي بناته يروحوا الكباين لحالهم

لووووول

سبحان الله ،، الرجل عشان بيحافظ على بناته وعلى سمعتهم ويمنعهم من الأنحراف صار مقعد فكرياً

--------------------------------------

وحدة بنت تتكلم مع صاحبتها: أخويا الكبير مرررررره معقد
صحابتها تسألها ليش؟
تجاوب: قاعدلي على كل شي ،، ما يخليني أطلع مع البنات نلفلف في التحلية ،، ما يخليني البس عباية ضيقة ،، ما يخليني أفرد شعري ،، ودايما عينه عليا وماخد باله مني ،، أخويا مرررررررررره شكاااااااك و خانقني ،، حتى "فلان" مني عارفة أخرج معاه زي ما صاحباتي بيخرجو مع أصحابهم

لووووووووووووول

سبحان الله ،، صار أبو الشباب اللي يخاف على أخواته وياخد باله منهم شكاك وتفكيره مقعد

--------------------------------------

واحد غبي ،، غلط زي ما باقي الشباب بيغلطوا واتعرف على بنت حلوه وعجبته البنت ،، وزادت نسبة الغباء عنده وصار يحب البنت بعد ما سوتله فيها شريفة فاضل وأقنعته انها بنت ناااس ،، صار أبو الشباب يغير على حبيبة قلبه ويخاف عليها ،، وبيحاول يهتم وينتبه عليها الين ما ربنا يكتب بينهم نصيب ويتزوجوا

أبو الشباب: أنتي فين؟
أم الشباب: أنا مع صاحباتي
أبو الشباب: ليه ما قلتيلي أنك خارجه مع صاحباتك؟
أم الشباب: عادي حبيبي أنتا منتا واثق فيا؟
أبو الشباب يسمع صوت واحد جنبها يتكلم: مييييين دا؟
أم الشباب: آه آآم آآه هادا السواق
أبو الشباب يروح ويشوف بعينه أو يكتشف بطريقته الخاصة ويطلع اللي سمع صوته واحد من أصل 3 أو 4 شباب خارجين معاها ومع صاحباتها
أبو الشباب: أنتي كيف نفسك تسمحلك تسوي زي كدا؟
أم الشباب:انا ما سويت شي غلط ،، هدول مو أصحابي ،، وأنا مالي علاقة فيهم (وهيا راكبة معاهم السيارة) لوووول
أبو الشباب: طيب ليه تكدبي عليه؟ ليه ما قلتيلي انك بتسوي كدا
أم الشباب: عشان ما تزعل حبيبي (سبحان الله لسه تقول أنه هيا ما بتعمل شي غلط وهيا عارفه أنه الشي دا يزعل أبو الشباب) لووول
أبو الشباب يرفض ويستنكر ويزعل من اللي صار وأم الشباب تقوله بكل برود: حبيبي أحنا ما أتزوجنا لسه ،، لما نتزوج حياتنا حتكون مختلفة ومح أسوي زي كدا ،،!!!! لوووووول

على مين

وأصلا كيف تبغيه يفكر يتزوجك بعد كدا

سبحان الله أبو الشباب عشان يحبها و يخاف عليها صار تفكيره مقعد

--------------------------------------

وحدة متزوجة ونشفت ريق زوجها ،، تقوله انا رايحة عند صاحبتي ،، ويكتشف انها مع صاحباتها في التحلية سنتر لفلفة وقلت حيا

تقوله أنا عندي ملكة ويكتشف انها بمكياج ولبس الملكة المزعومه بتلفلف في الرمال ولا في الدرة

وبعدين لما يبدأ يصير صارم معاها و يمنعها من الخروج إلا معاه أو مع أهله

تقول المليحة: زوجي شكاااااك ،، زوجي معقد

سبحااااااااااان الله ،، من جد ما عندي تعليق

--------------------------------------

الأب انسان على قد حاله

راتبه 7000 ريال

والام على بنتها زي التماسيح

هات فلوس هات فلوس

وفي الاخير البنت على أمها

زوجي بخيييييل

بابا مررره بخييييل

يعني انا مني فاهم ،، تبغوا الآدمي يسرق؟؟ ولا تبغوه يقولكم يالله يا بنتي وزوجتي العزيزة روحوا اتعرفولكم على ولد كوول وكاش يصرف عليكي؟؟ يا سبحان الله

الأب صار بخيل

وعشان ما يخلي بنته تتعرف على واحد يصرف عليها صار مقعد

--------------------------------------

تقوللك أنا بنت نااااااااااااااااس

وهيا صايعة ضايعة كل يوم تديت مع واحد ،، وتطلع مع صاحباتها مع شباب أو تحشش وتسكر وحفلات ورقص زيها زي الشـ***** الله يكرمكم

ولما تسالها انتي كيف بنت ناس؟؟ تقولك انا بنت العيلة الفلانية لووووووول

هل صار تقييم بنت الناس يعتمد على اسم العيلة بغض النظر عن اللي هيا بتسويه؟؟

أنتبه

ترا لازم جوابك يكون( نعم) ،، عشان ما يقولوا عليك مقعد فكرياً

والله القصص كثيرة

وكل ما الواحد يسمع أو يشوف أكثر ،، كل ما يكتئب أكثر

وعشان ما نصير معقدين فكرياً لازم نتنازل عن مبادئنا كمسلمين ،، لازم ناكل لحم الخنزين عشان ما نغير على بناتنا ،، لازم نصير ناس فررري وعااادي

ولا تضيقها يا عم لووووووول خلييك كووووول

آه يا قلبي يا كتكت ،، ياما تشوف ،، وياما تسكت ،، ـ

إذا مو عاجبك الكلام أو عجبك وريني رايك في المناقشة هنا
هـــنـــا