|
الرجال خلاص بينقرضون
كنت اشاهد فيلم اجنبي الا وانا اقرأ الترجمه (اكيد راح تقولون وي ما تعرف انقلش) المهم يا سادتي ويا انساتي 00
الا البطل يقول للبطله انتي متزوجه ؟؟قالت لا قال لها عندك صديق؟؟ قالت لا قال هاه؟ وشلون؟ قالت ابدا انا من الان استعد انى اعيش بدون رجل لان الرجال خلاص بينقرضون وافطططططططططس من الضحك واتخيل اقول الله لو العالم مافيه رجال معنى كذا ان محد يقول وراه ماتزوجتي مسكينة عانس الاخت !!!!!! ومعنى كذا انى اذا تاخرت من البيت امى ماتدوشني لان خلاص مافي شي تخاف منه خطف مثلا سرقه لان مافيه رقاله معنى كده انه نحنا مانلبس عبايات وجلست افكر افكر افكر مسكين البسام راح يفلسوا بناته لانه ما أحد شاري شمغ !! وعلى كذا بتخسر الشوت تايم والاوربت وبتنتحر رولا على الهواء لان البرنامج بيفلس00 مافيه ممولين سعودين وعلى كده السروايل الى بالاسواق بنخليهم فوط مطبخ والثياب البيض بنخليهم ستاير حمام والزبيريات بنخليهم اداه لتصفيق الاطفال يعنى بدل مانقول بالخيزرانه نقول بالزبيريه والعقل بنخليها معاليق للثياب والطواقي بنخليها نجمع فيها المناديل 00 وشركه الاتصالات بتخسر لان مافيه مغازل بيكون يدوب تطلع راس مالها الاشتراك وكمان بنطلع الشارع وشي عادي تشوفين بنت الجيران لابسه شورت وتغسل سيارتها ومعها سطل فيري وفوط وعلى كذا المكياج بيخيس لان خلاص ماعاد حنا محتاجين نتمكيج لان مافيه خطوبه ولاعرس لذلك بنخلي بودره الاساس الاسفنجه الى فيها ممسحه سبوره واقلام الروج طباشير وعلى كذامافيه ابو يعطينا فلوس يعنى لازم نشتغل ونصرف على انفسنا اما بنشرجيه قد الدنيا او معلمه خضرا واذا انتى شاطره بتشتغلين تقطعي شاورما ومعنى كده انه مافيه زوجات ولاطقاقه ولا عروس ولا ولا ولا لكن مين هو الي راح يولع المكيف في غرفة النوم وهو طالع للدوام والحرمة نايمه . ومين هو اللي بيلحف الحرمه كان لحافها طايح . ومين هو اللي بيجيب الغداء لأن الحرمه ماتقوم الا الساعة ثلاث العصر. ومين هواللي بيجيب الشغاله ويدفع راتبها عشان ترتاح الحرمه. ومين هواللي بيحاسب الخياط عن فساتين الحرمه. ومين ومين ومين !!! لالالالالالالالالالالالالالالالالالالالالالالالالا لالالالالالالالالالالالالالالالالالا واقوم اطفي التلفزيون واقول الحمد لله انها احلام يقظه هههههههه |
والله شئ مفرح ان الحريم عرفو قيمتنا
ههههههههههههههههههههههههههههه صح لسانك يا اخت جداويه عسل :157::157::157: |
وسعولي الطريق ومين قال إن الشي هذا رايح يصير يا جداويه عسل
!!!!!! ليش سموني أبو جلمود ها على العموم أنا كمان شفت فيلم مصري إنو أنتهوا الرجال لكن بعد البحث والتدوير أكتشفوا رجل واحد فقط !!! وعلى طول عيشوا في قصر وأكلوا وشربوا وماأدري أعتقد إنوا في النهاية طلع ماينجب عقيم وعلمياً الرجال فعلاً قلوا وأحسمي أمرك من دحين ---------- رجال بعدين !!!!!!. ظريف مرررررررررررررررره |
كلنا حننقرض مع بعض ههههههههههههههه |
سعدت كثيرا بتواجد اخواني سندباد و جلمود و بقايا منكسر في موضوعي المتواضع |
الله يسامحك جداوية عسل خليتيني اعيش حلم مزعج فعلا شئ غريب :144::144::144: |
مشكور اخوي وفي ولاتزعل دي مجرد تخيلات بس ماشاء الله الردود هنا الطف بكثير من منتدى اخر كتبت نفس الموضوع فيه ودا يبين ان اعضاء المنتدى هنا راقين لدرجه كبيره شكرا للجميع |
لالالالا مسسسسسستحيل..
**جداويه عسل***..مستحيل نقدر نتحمل نعيش من دونهم.. لو انقرضوا ما ح ينزل البوم جديد لـ**حسين الجسمي***وراح نمل من اغانيه لأنها ح تكون قديمه مرره... وإذا انقرضوا الرجال مين راح ينظف الشوارع؟؟؟؟ ومدري بس صعبــــــــــــــــه.. بجد حلم مزعج لا بل كابوس... مشكوووووووره **جداويه عسل***ع الموضوع المخيف. يلا باي تقبلي تحياتي:/صغنونة**جدة*** |
ههههههههههههههههه يعني يا nona155 انتي مشكلتك بس في حسين الجسمي وتنظيف الشوارع مشكلتك على كده بسيطه ومشكوره لمرورك بالموضوع |
طيب وبرأيك ايش الحل؟
|
ههههههههههههههههههه حلوه ياااجداوية بجد شئ بيفرح
|
مشكوره جداويه المفرح مرورك بموضوعي |
تبغي الرجال ينقرضوا بعدين مين يكتب فينا أشعار الغزل وكلمات الحب حراااااااااام اللي بينقال دا وي شيء يخوف . نخن النسوة لانستغني ابدا عنهم فهم القوامون علينا وكلِ فخر بذلك. والحمد لله اني مني غربية. |
والله ماسميتي نفسك جداوية عسل إلاو إنت عسل المهم مشكورة على هذا المقطع الذي جعلنا نحلم لوصار حقيقة وعلى فكر كلام اخوي جلمود في محله لأنه في آخر الزمان الرجال تقل والنساء تكثر الله يعطيكي العافيه ويحفظك
|
روزا كل الحب تعليقاتكم واضافاتكم الرائعه للموضوع اثرت الموضوع واعطته طعما خاصا |
شكرا جداويه عسل على الموضوع المزعج ولكن لا تنسي اذا احنا انقرضنا اكيد الحريم راح ينتحروا واولهم صغنونه ورد روزا صح 100%
|
يسلم مرورك يا ابورتال |
انا سمعت انه بيسير بعد مدري كم
الراجل بعشر حريم يعني احسبوا 100 راجل عليهم 1000 حرمة ويصير حلقة طاش ما طاش حقيقة الحرمة تخطب الرجال وردد( عربي انا شخشخيني) هههههههههههههه موضوع حلو زيك يا جداوية عسل |
| الساعة الآن 05:52 AM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd