امثال مكاوية
 

عقله زي الكيلون كلمة توديه وكلمة تجيبه( الكيلون قفل الباب يمين قفل ويسار فتح)

القدر قال للمغرفة ياسودة و معجرفة قالت كلنا اولاد مطبخ

زي بغل الطاحون لا عافية و لا نظر(و في رواية زي موظف .....الخ)

سوي طيب وارميه في بحر جاري ان ضاع عند العبد مايضيع عند الباري

لا من خيره اعطاني و لا من شره كفاني

و حياة خالقك ماني مفارقك مو محبة فيك بس عشان اضايقك

قبل ماخطب عبى الحطب وقال احط الكوانين فين؟ (الكانون: طباخة تعمل بالفحم)

لا يتسرى ولا يبات بره( دلالة على الاستقامة)

ارسل مرسول ولا ترسل فلوس

حلم البساس كله فيران

لا قدرك يغلي ولا مقلاتك تقلي وانا زليت (مريت) عليك من قلة عقلي

قال يا حلاق شعري ابيض ولا اسود؟ قال دحين ينزل قدامك و تشوفه

قالوا لفرعون ايش فرعنك قال ما لقيت احد يردني

خنفسانة شافت بزورتها ع الحيط قالت ياعمري لولو في خيط رد أبو وردان هو اللي زي وزيك يجيبوا وحشين؟

بده يعرف القار و القرير والبيضة كيف تصير

مكسحة وتقول للصايغ تقل الخلخال

خاطر الاعمى قفة عيون

تفلوا ف وجه الرزيل قال دي مطرة

زي يوم الشتا قصير و نكد

ايش ينفع الظراط عند طلوع الروح غير يقرف الحاضرين و يفرق الملايكة

أعمى قال لآأطرش خلينا نشوفك

الباب مفتوح و الصدر مشروح و اللي يجي يجي واللي يروح يروح

اللي عنده قرش محيره يشتري حمام و يطيره

اللي ما عنده شي يشغله يفتح الباب و يقفله

زي الحلاق يضحك على الاقرع بطقطقة المقص

زي الشيال ما يذكر ربه الا في الحملة الثقيلة

زي القنفذ لاينحضن ولاينباس ) شرس البعيد)

زي أباريق المسجد كل واحد شكل

زي سلاقين البيض اول بأول

زي قبور اليهود بياض و قلة رحمة

زي قراية اليهود ثلثينها كذب

زي كلاب الازقة يعضوا ع الماشي

زي مزح الحمير كله عض و رفس

زيطة و عيطة على مخيطة( المخيط: ثمرة شجر النيم)(يطلق فى الخلاف على الشئ التافه)

صباح الخير يا أعور قال دا شر بايت

ومسك الختام مثل كانت ستي الله يرحمها تقوله لمن البنت ترجع بيت اهلها غضبانة: وقت الكباب صكوا الباب ووقت الملوخية اجمعوا الاهلية

عاد اتخيلو المكاويين وهما يقولوها http://forum.zgoldz.com/s/7/001.gif زي نينتي يعني ستي

الله يسعدك يا طعومة على المشاركة الحلوه

مشكووووووووورة جدا
حلوة الامثال يا طعومة

الأخت طعومة جدة شكرا على مشاركتك المتميزة وأتمنى نقل الموضوع إلى منتدى الحجاز فهو الأنسب وشكرا

تم نقل الموضوع

وجزاك الله خير يا ابوعبدالكريم للتنبيه

أمثال لذيذه زيك ياطعمومه


تسلمي والله

ايش دا ياطعومة

امثال مكاوية قح القح.

بس آخر لذه :99: :99: :99:

تسلمين والله على هالامثال الروعه

يا ابويا ايش الكلام هادا كلام خطيررررررررررررر مرة

تسلمي يا اختي طعومة :145: :145:

مشكورييييييييييييييييين عالمرور الجميل :341:

هههههههههههههههههههههههههههههههههههههههههههههه تسلمي طعومة يا بختك يا شيخة :262:

تسلم لمرورك الجميل:320:

الله لا يحرمنا من اهل مكه وجده والمدينه كمان علشان لا يزعلوا

الف شكر لكي طعومه بصراحه في امثال جديده علي .

كويس زوتي ثقافتي .

عفوا ابو رتال
الحمد لله استفدت منها

شكر على الامثال الحلوووووووووه

بصراحه بعضها حسيتها زي النكته.

تسلم ابو رتال لمرورك

:536: :536: :548: :536: :536:

اكثر من كلااااااااااااااااااام خطير الى حلوة مررررررررررررررة تجنن

بعضها سمعتها من سيدي وستي :159:



يسلموووو طعمطم (كتري منها) :157:

والله من جد شكلك مكاويه انا كل يوم اسمع من الكلام هذا سوائا سيدي ولا ستي الله يحفظهم
ولو سمحتيلي اضيف امثال بصراحه انا احب استعملها فحياتي كتير
ارضا بقردك لايجيك الي اقرد منو
ماطار طير وارتفع الا كما طار وقع
اتلم تنتون على تنتن طلع واحد نتن والتاني انتن (هذا مو مكاوي )
ويعطيكي الف عافيه على مشاركتك الجميله

hhhhhhhhhh 5a6eera

تسلمي طعومة على الامثال الحلوه

وقت الكباب صكوا الباب ووقت الملوخية اجمعوا الاهلية:207: يسلمو امثال رائعة

ههههههههههههههههه
فلللللللللللة مرة الامثال من جد امثال مكاوية قح

يسلمووو طعوومة

ميرسي طعومة على الأمثال الحلوة

من جد حلوه
ومن الأمثال القويه بين الشياب لمن يهزؤا واحد شباب غلط يقولوا
آآآآه مال ماتتعب عليه يروح يانفس ماتندم عليه

يسلمووووووووووو..
ترى امثال مكة ولا احلى منها..
امووت انا في المكاويين..
يعجبوني...