ماالذي لايعجبك في جدة؟؟ (هام)
 

بسم الله الرحمن الرحيم

السلام عليكم ورحمة الله وبركاته.

اخواني/اخواتي



للإستفاده من المنتدى لخدمة مدينتنا الحبيبه جدة.. ولكيلا يكون مجرد مشاركات مقتضبه.. ولنكون ايجابين ولنساهم في تطويرها, بدل الإنتقاد فقط.



الفكره بسيطه يقوم كل عضو بطرح رأيه بكل شفافيه.. بالإجابه على مايلي:



1) ماهو الشيئ الذي لايعجبك في جده؟

2) تريد تغييره الى…….

3)ما الجهة التى تود مخاطبتها للتغيير ؟



تناقش الملاحظات مع الأعضاء, تنقح وترسل الى:



1) الجهة المسؤوله عن طريق موقعهم , او الفاكس. (مطلوب منسق من الأعضاء)

2) الكتاب في الصحف المحليه.

3) اعضاء المجلس البلدي





فما رأيكم؟؟

رائع رائع يا ابوعمر

وانا ارشحك بقوة انك تكون المنسق الذي يمثلنا خارج المنتدى

ياريت يا ابوعمر تشاركني الاشراف على المنتدى العام لعدم تفرغي

طبعا بعد اذن الريس على قولك

يا سلام عليك يا ابوعمر

ياريت في زيك اثنين في المنتدى كان حالنا افضل كثير

فكره رائده ومبتكره اننا نخصص موضوع يخدم اهل وسكان جدة في منتدى يحمل اسم مدينة جدة

الموضوع يستاهل التثبيت وانشاء الله نعمله رابط مع المواضيع المميزة

الف شكر لك مره اخرى


http://forum.zgoldz.com/s/7/000.gifhttp://forum.zgoldz.com/s/7/000.gifhttp://forum.zgoldz.com/s/7/000.gif

نا لو من جلمود اخليه مشرف عام أبو عمر مجد ويستاهل والله كل خير

اخواني شكرا على التفاعل الجميل, ولو تبعدوني من حكاية الإشراف اكون شاكر لكم.

شكرا على التثبيت ياريس.

اما بخصوص ترشيح جداوي لأكون منسق المنتدى والتخاطب مع الجهات الخارجيه اوافق اذا لم يكن هناك عضو آخر يرغب في ذلك.
مع ملاحظة ان الجهات الرسميه لاتقبل المخاطبه بأسم مستعار, ولااجد اي حرج ان اخاطبهم باسمي الرسمي وعنواني وتلفوناتي لأننا نسعى للمصلحه العامه من خلال قنوات رسميه وبأسلوب حضاري.

في انتظار الأعضاء الأعزاء, وعلينا التحلى بالصبر وعدم استعجال النتائج.

في انتظار الأعضاء الأعزاء:657: :657: :629: :629:

ياريس الظاهر ماحد للأسف يهمه الموضوع , فلاداعي للتثبيت!! :657: :657:

انا اشوفه الموضوع مهم جدا لمدينة جده
ياريت مايتوقف يا عزيزي ابوعمر

لاتستعجل يا ابوعمر

الموضوع حيستمر على طول

وسع صدرك شويه


http://forum.zgoldz.com/s/9/014.gif

حاضر :599:

شكرا ايها الفتى الفضي.

تسلم يا ابوعمر على الموضوع الرائع

وسجل عند طلبين تحت الحساب

اولا: لايوجد سوق خضار راقي في جدة. الحلقة ماتنفع للعوائل لانها ورشة عمل وتحميل وتفريغ للتريلات
ياريت يكون في سوق خضار راقي ومنظم في شمال جده وياريت يشيلوا سوق الخضار الى على شارع قريش الشارع ضيق وموناقص زحمة


ثانيا: لماذا لا يوجد دورات مياه نظيفة ومرتبه حتى بالفلوس. اتمنى انشاء دورات مياه في الاماكن العامة مقابل مبلغ مادي بحيث تكون نظيفة ومجهزة بجميع اللوازم


واذا افتكرت شي ثاني انشاء الله اضيفه

قرأت جميع التعليقات ولم يتحدث أي عضو عن الأشياء غير المرغوبة في مدينة جدة ولكن سوف أذكر بعض منها وهي كالتالي:
1- كثرة القمائم ومخلفات العمران دون تحديد حي بعينه.
2- عدم وجود أحياء أو مواقع مخصصة لسكن العزاب فبعد فترة من الزمن وانت صاحب بيت ملكته بشق الأنفس تجد اغلب من حولك عزاب
3- كثرة المطبات سواء كانت صناعية أو حفر
4- امن الأحياء الذي فقدناه فقدكان للعسس دورا إيجابيا في الماضي وأغلب الأحياء القديمة كان بها عسس وكنا نسمع ونحن صغار صوت الصافرة بين العسس.
5- تكدس الأجانب في بعض أحياء جدة بصورة مخيفة
6- كثرة الأسواق المتقاربة ولا توجد مواقف مخصصة لوقوف الزبائن
7- عدم وجود باصات حكومية لنقل الطالبات كما كان في السابق
8- حرمنا من بحر جدة بكثرة المتنزهات التي على الكورنيش
9- وجود مدارس داخل الأحياء ذات الشوارع الضيقة
10- كثرة السرقات
11- إنتشار الفساد الاخلاقي بين عدد كبير من الشباب من الجنسين

ما رأيك يا أبو عمر

يا اخوان لا تنسوا وايتات المياه وايتات تصب المياه ووايتات تشيل المياه وشبكة المجاري تحتاج سنوات والموية تصل لكثير من الاحياء بالقطارة .

:589: :589: :589: :589: :589: :589: :589: :589: :589: :589:

مرحبا جميعا
الظاهر ان الموضوع من أول وانا ما انتبهت له فعذرا
بس ممكن قبل لا أكتب اعرف وين الناس؟

نكمل بعد عودة الجميع من الاجازة الطويلة

:613:
بس خليني اقول انا وايش الي قاهرني من جد
الشحاتين يا كثرهم وعلى كل اشارة تلاقي جنس واتنين

والحجات الي يجمعوا الكراتين يططلعوا الزبالة كلها برة الصندوق الي يادوبك متحمل الي فيه وتاخد بغيتها وتروح
انا سمعت ان هالحجات في فئة معينة داعمة جهودهم

وتعال شوف حي السلامة وانت تنبسط على قارة افريقيا الي عندك
والوسخ والدمار وبدون مبالغة مناظر هذي تتحمم وهذي تصلي وهذي تغير لولدها
وذي مسدوحة
ومرة بس شفناهم قال ايش هجمت عليهم البلدية وكان هجوم رائع ما مسكوا ولا وحدة
كانهم بيسكتونا

ثم عندك الميادين
تحصل ميدان الفلك وكانه سابح في فلك واخد نص الشارع
انا نفسي الغي كل الميادين وارتاح منها على ما اعدي الميدان تكون روحي عدت مني


وين الناس؟
:338:

صحيح كلامك يا مريومة

مشكلة الشحاتين اصبحت مزعجة في جده

واكيد لو ما لقو تشجيع من الناس ما كان زاد عددهم

اتمنى من الناس تفهم ان الفقير والمحتاج فعلا للمساعده لا يخرج للتسول

هاؤلاء الناس الى لازم نبحث عنهم ونساعدهم


والحجات الى ينبشوا الزباله والى كل يوم يدقوا على البيوت عشان يسألوا عن ملابس قديمه. انا استغرب كيف يتثنوا من حملات التفتيش!!!!!!

بسم الله الرحمن الرحيم

السلام عليكم ورحمة الله وبركاته.

ملاحظات رائعة....

الإخوان في المجلس البلدي استحدثوا قناة لسماع رأي سكان جده ارجوا من الجميع ايصال ملاحظاتهم مباشرة وهذه رسالتهم


أخي العزيز آمل أن تجد بعض الوقت لتمكننا من خدمتك من خلال تعبئتك للإستبانة التي أعدتها أمانة محافظة جدة لقياس مدى " رضى المواطن عن أداء أمانة جدة " ولاشك أن رأيك له قيمته ، أقلّه التواصل معك مستقبلاً ، حتى تسهم معنا في تحسين أداء الأمانة الذي نسعى اليه جميعاً. اشكرك مقدماً على تفاعلك مع هذا الإستبيان الذي نأمل أن يكون خطوة على الطريق الصحيح.


أخوك / م. حسن بن محمد الزهراني

عضو المجلس البلدي بجدة




u1/survey.doc




Please forward your feed back to asdqaalamanh@yahoo.com



لك خالص تحياتي وتقديري

رائع يا ابوعمر

انشاء الله ارسلهم الملاحظات في اقرب فرصة

:160:


http://forum.zgoldz.com/s/e/122.gif

اولا موضوع جدا رائع من عضو مهتم بمدينه لها تاريخها العريق.

ثانيا: الرابط حق الامانه كويس علشان نراسلهم بس الخوف ان يكون ما احد يقراه ويوضع في سلة المهملات

ثالثا : ان اول ما قرأت الموضوع جاتني كل الاشياء المتضايق منها

ولكن اخواني واخواتي الاعضاء سبقوني بها.

شكر لك على الموضوع المميز:334: :663: :334: :613:

:659:
كل شي تقريبا يبغالها ترميم من جديد :584: :584:

وتحياتي :630:

اسكن في حي الربوة وبالتحديد خلف سيتي بلازا الواقع في شارع الستين وامام مبنى قوات الامن الخاصة
الشارع الذي اسكن فيه فيه حفريات ... من اكثر من 7 سنوات ولم تفكر البلديات في رقع الاسفلت
وكلما مريت من الاسفلت اللي امام بيتي والسيارة تاكل المطبات من سنين .... وانا ادعي على البلدية واهلها اللي ما فكرو مش في السفلته في ترقيع السكة بشوية اسفلت
ما ادري ما في قسم شغله يدور يشوف الحفر الاسفلتيه واللي لها سنوات طويلة ما تردمت بالاسفلت ‘
حتى الشارع الرئيسيي الذي امام مبنى قوات الامن الخاصة (شارع 25 اتجاهين) اعادو من سنة سفلتة واحد اتجاه وتركوا الاتجاه الثاني
مش عارف هي البلدية ما عندها خطط في صيانة الشوارع اللي اتمناه الان بس يرقعوا الكم مطب اللي في الشارع وبس
للمعلومة: ارسلت على الايميل ما كتبته

والوضع يبقى على حاله وعلى المتضرر الرجوع للقضاء اقصد اللي مو عاجبه يرحل من البلد (شعار البلدية العملي) ... وسامحونا يا بلدية لان منهجكم الراقي( لا تطوير ولا صيانه فعليه ولا اعتراض والا ترى نزعل منكم وما نشيل الزبالة من امام بيتكم حتى تعرفوا ان الله حق )
لا تقولوا اني متحامل انما كلامي كلام انسان يعاني من سنين خاصة لما تجي مطرة تصدقوا ما اقدر اروح المسجد علشان الحفر المليانه بالموية لايام عدة غير المساكين اللي ما يعرفوا الشارع اللي يوقعوا بسياراتهم طخ طخ طخ
ويبغونا نصفق لهم ...

تخيل يامحمد انك المسؤول وطلبت ميزانية لعمل اللازم واعطوك فقط 8% من اللي طلبته!! كيف تتصرف!!
هذا واقع البلديات!!
يضاف الى تركة كبيره من الفساد الإداري الذي يحتاج الى وقت.. طبعا هذا ليس دفاع عن البلديه بقدر ماهو توضيح لواقع..
طبعا لاتتكلم عن فائض الميزانيه لأن البلديه لايصلها الا ماتعتمده الماليه فقط.!!!
الآن بدل ان نلعن الظلام دعونا نشعل اول شمعة ....لنصل لما نريد وشكرا على الطرح.

الموضوع راااائع جدا والاخوان ماقصروا وربنا يعطيكم العافية

بخصوص البلدية زي الكورنيش من اول يعدلوا فيلو ولحد دحين مانتهى !!!

ولا تبنو منتزهات عالبحر بحر جده غلق من كتر المنتزهات والكباين سارت المنطقة محدودة!!( دي مالها حل طبعا )

وزي ما ذكر اخ محمد في احياء بجده مره محفره وحالتها حاله ولا احد سائل

وجـــــــــــــــــــــــــــــــــــــدة غيـــــــــــــــــــــــــــــــــــــــــــ ـر

تقبل اخي خالص تقديري

بصراحه نقول ايه ولا ايه الزحمه ولا الحدايق الغايبه ولا الشوطئ المستخبيه . ولا الكورنيش اللي كلو صراصير وقمامه اعزكم الله . جده مدينه مجنونه فيها كل شي وغايب عنها كل شي . فيها شوطئ بس مين بيروحها ؟؟؟
فيها حدايق بس مين يدخلها ؟؟؟ وفيها شوارع كبيره وكباري . بس برضو البلد زحمه . فيها كافيهات واسواق كتيرو فاضيه ..
كل يوم نشوف حفريات وتحسينات . ونقول خير وبرضو الشوارع مكسره والحفريات فيها معلمه ..
مشاريع وميزانيات بس مانشوف شي . فين المطار الجديد .وفين الكباري الجديده والانفاق .
باختصار جده بتختنق من الزحمه والشحاتين وتلوث الجو وووووو ..
الموضوع محتاج حلول جذريه

الرطوبه عاليه :334:

بصراحة مشكورييييييييييين على الموضوع الرائع و انا عارفة انو جاية متاخرة بس في عندي حاجة بسيطة حابة اقولها طبعا بالاضافة للشكاوي السابقة و هو المكتبات .... ليش مافي مكتبات بحيث الواحد يقدر يجي و يقرا و يستلف و يتعامل مع البشر بشكل طبيعي و يفيد و يستفيد ؟؟؟

إزا سمحتولي أشارك لأن الموضوع شدني لـتأزم الحال

1- أشياء كتير ماتعجبني

على سبيل المثال المتخلفين ، الأحياء العشوائية ، سفلتة الطرق والأزقة ، ضعف الحس الأمني

ضعف الوازع الوطني لدى الجداويين وكأن البلد ما تعنيلهم شي.

بلدية جدة ... ما عندك احد

فالتغيير يكون أولا مننا نحن الي بنتناقش هل عندنا بالفعل العزيمة للتغيير ولا بس كلام منتديات ؟

ومن نحن ؟ هل نحن مؤثرين داخل الإسرة والعمل ولدينا مناصب حساسه أو نعرف أناس ذوي نفوذ ممكن يحققولنا رغباتنا او يلتفتوا لها........

وبعدين حنقول ونتناقش بلتفاصيل

فالسؤال نكلم مين ونخاطب مين ؟ ولا كيف ياجماعة ؟

http://dag402.jeeran.com/pnkCrnbar.gif

السلام عليكم ورحمة الله وبركاته
http://dag402.jeeran.com/pnkCrnbar.gif


اسعد الله اوقاتكم ويصبحكم ربي ويمسيكم
بالنور والسرور والخير والسعاده ..
http://dag402.jeeran.com/pnkCrnbar.gif
Abuomar
يعطيك العافيه على الموضوع المفيد لسكان مدينة جده
ياجماعة الخير مدينة جده ثاني اكبر مدن المملكه العربيه السعوديه
بعد العاصمه الرياض
وجده يقال عنها عروس البحر الاحمر وباريس العرب هل يعقل ان تكون العروس
شوارعها مكسره احيائها قديمه من قلة الاهتمام
يعني البلديه بجده ما عندها شوية سفلت ترميه في الشوارع المكسره
المشكله انه اللى يخطط بلدنا هندي ولا بالكستاني يقولون عنه مهندس
الدليل تخطيط الشوارع عجيب غريب
اولا : شوارع اسفلت فيها ليس مطابق للمواصفات المقاييس
ثانيا : شوارع صغيره بسبب تكبير الارصفه التي لا يمشي عليها الا شخص واحد في اليوم
ثالثا : كثرة الحفريات في الشوارع يعني من يوم وانا صغير ما عمري في حياتي
شفت شارع ما انحفر خلال الشهر مرات ولا حاشوف طبعا
طالما مسئولي البلديه غير مبالين بما يحصل في شوارعنا
رابعا : المدن الحديثه او المحدثه شوارعها لا يوجد فيها دوارات
ونحن ماسكين في الدوارات بيد وبرجل ولا حنفكها

وتقبلو خالص التحية http://www.mms3000.net/images/smilie...on%20(491).gif

جده وما ادراك ما جده مشكله ازليه اعتقد صعب ان تحل او تتحسن لعدة اسباب اهمها ان كل امناء جدا كل ماجاء واحد تحصله يحط حره في المواطن ويصدر قرارات جده يعني مافي شي في صالح المواطن غير غيرو لون المنزل من الخارج البويه لازم تكون لونها كذا تقول هي هذا مشكلة جده.. مشكله جده شوارعها وكل المشاركين ذكر هذا وهذا دليل على ان هذي المشكله واضحه للصغير قبل الكبير ..

انا من يوم عرفت نفسي وعمليه الصرف الصحي في طول الانتهاء كما يقولون
العشوائيه في كل شي في الاسواق في الاحياء السكنيه في الشوارع حلقات الخضاء اما حلقات الخضار مشاء الله تحصلها في كل شارع اي واحد ممكن يشتري بضاعه من الخضار ويبسط بها على اي رصيف في جده ما عندي مشكله لا وحقون البلديه يشترو منهم..

وكما ذكر احد الاعضاء ان اسفلت جده شي لا يعقل من حشاشته لو جاء مطر ولو بسيط ما عاد تلاقي الاسفلت . تلاقي طلعت لك الحفر .. انا اعتقد انه في فساد ادراي وكبير كمان مو اي شي

جده واجهه حضاريه وسياحيه ليش للسواح فقط بل لكل مسلمي العالم لانها بوابة مكله للحج والعمره
تخيل يوصل الحجاج وفي طريقهم الى مكه شفت كيف المناظر للورش والمباني العشوائيه التي تقابلهم عند خروجهم من المطار لا والمضحك ان بجوار الورش بيفتتحو جيان اكبر هايبر ماركت ايش هذا التناقض هذي تحتاج الى وضع صوره وحل مفارقاتها ( الاخطاء الميه مو السبعه)

منطقه البلد واها من منطقه البلد تاريخ جده ومجدها لم يعد بها سواء المتخلفين . اذهب الى اي حي من احياء جده القديمه لم تغد لها ملامح سواء المتخلفين من كل الاجناس اليس هذا من اسباب الفساد وهو بالفعل بؤره للفساد ..

البحر المتنفس الوحيد لاهل جده لم يعد احد يستطيع ان يراها الا بشق الانفس اعجبني قبل فتره كاركتير في احد الصحف رافعه تحمل عائله من جد من الجهه المقابله لجده لكي يروى بحر جده ..
كل الشاطي مقفل اما شاليهات او منتزهات او واجهه مسوره..
طيب اين الحدائق اجعلو للناس الذين لا يستطيعون ان يذهبو الى المنتزهات حدائق ليس بالضروره ان تكون داخل جده كم من المساحات الفضاء في شمال جده وجنوبها وشرقها ..

اشياء كثيره وكثيره جدا ما تحتاجه جده لوكان هناك اخلاص ومخافة الله في العمل لعمل الكثير بالقليل ولكن.... اتمنى الاخلاص في العمل لتصل جدا الى احسن مدينه عربيه ...ومع كل هذي السلبيات فمازالت جده هي جده في قلوب محبيها ...

شكرا للموضوع واسف للاطاله

جدة ياهوى الولهان فيها تجمعوا الغزلان
 

:651: نحن معكم لتطوير جدة, وعلاجها من التجاعيد لتصبح عروس جميلة تحتذى بها جميع المدن العالمية بإذن الله. يد وحدة ماتصفق يجب أن نكون سوياً للمشاركة في تطوير جدة بأفكار جديدة شابة. وبالتوفيق إن شاء الله,,, الله معاكم ياأهل جدة,,, وأميرنا المحبوب /خالد الفيصل بجانبنا دوماً.

وانا اايدكم ويدي بيدكم تسلمووووووو

يطردوا الوافدين من جنوب جدة أحسن شي ترى في منهم كتييييييييييييير
تشاديين - صوماليين - بنغاليين - باكستانيين - يمنيين - هنود - و بقية الأفارقة ... الخ .
تراهم هم أساس البلى في جدة .
و كده راح ينظف جزء كبير من جدة .

أشياء كثيرة لأ تعجبنا في جدة ولا توجد لها حلول :
1- العمالة الوافدة وبالدات في جنوب جدة وتحت الكباري وبعض الأحياء التى تشعر أنك خارج المملكة وأيضا جرائمهم
2-الفوضي والمعاصي الكبيرة وأخاف أن يخسف بمدينة جدة بسبب ( الشاليهات ودرة العروس ومرسى الأحلام) وين الأمر بالمعروف والنهى عن المنكر؟؟؟؟؟؟؟
3- المدينة الوحيدة التى يوجد بها تسول (جدة) ومكافحة التسول (الله بالخير قلبهم طيب)
4- كثرة الدعاية والأعلان يشوه جمال جدة ( الجشع والطمع للتاجر والبلدية)
5-......................؟؟؟؟ أشياء كثيرة
وصدقني لا توجد حل لهدة المشاكل (كما يوجد ناس تدفع من أجل النظام فهناك ناس تدفع لتخالفة)
وشكرا ياأبن جدة وأعلم أن جدة بلد الرخاء والشدة وهدا أسمها مايتغير (أسم على مسمى)

من الأشياء التي لا تعجبني في جدة الحفريات في الشوارع و التي أهملتها البلدية .

انقطاع الماء الدائم و الذي يجب ايجاد حل سريع له .