عادات اهل مكه في السابع
 

دي الحفلة تكون في اليوم السابع للبزورة وتكون في العصر يعني وتجي في دا اليوم الدايه((كلكم تعرفوها بس دحين مافي لا دايا ولا نيله غالبا تكون ست النونو اللي قايمه بالدور دا)

وكمان بعدها تغني::

يا دايا هري هري يا دايا بيت العري
يادايا محلا مشيتك يا دايا إنتي وبزراتك
يادايا يا ست الكل يادايا منديلك فل
يا دايا هشي هشي يا دايا بطنك تمشي
يا دايا طلي في السما يا دايا عساكي العمى
ياديا اركبي البابور يادايا طلي في الناظور
يادياا انعن ابو شيبك يادايا والمشط في جيبك
والعيال يردود ياديا هري هري

وبعدين تجلس الدايا على الارض ومعاها البزوره يعملو دائره .........

وتحط النونو في غربال كبيرمفروش بقصب وتهزو وتغنيلو ووراها الاطفال:

غربلو ياغربلو حتى النونو يتغربل
غربلو يا غربلو حتى االرز يتغربل
غربلو ياغربلوا
خلي الصايغ يعملو يعملو ساعة دهب
والباقي خاتم لاموه
غربلو يا غربلو حتى الحب يتغربل

وبعدين ترفع صوتها وتدق الهوند وتقول

العليا العليا القبه الخضرا المجليه
رسول الله بيض الله وجهو

يردو عليها (( يستاااااااااااااهل))

وتقول كل اسامي العيلة واحد واحد وتقول بيض الله وشه ( وجه)

وبعدين تبدأ تدق بالهوند (( الهون )) عند راس النون وتقول

أسمع كلام أمك ولا تسمع كلام ابوك
لا تضرب أمك بس أضرب أبوك
لا تعصب أمك بس عصب أبوك

وبعدين يوزعوا حلاوه على الصغار والعاب

وشموع وتصير حرائق في الشعر لاتذكروني بالذي مضى

معليش كتبتوا بلهجة أهل جدة ... سامحوني
واذا فيه تجاوز للكلام برضوه ... سامحوني

وشموع وتصير حرائق في الشعر لاتذكروني بالذي مضى

:335: :335:

حرقت شعر مين أعترف

ما اقولك ... هذه اسرار
وبعدين تحبي الفضايح ليه ... خلي الطبق مستور

خلاص نخلي الطبق والطابق مستورين :545:


:638: :638:

الله يرحم ايام زمان

الماضي حلو لكن الحاضر احلى

احنا الين دحين نسوي الحاجات دي

الحمد لله في شي من الماضي متمسكين بي

تسلم جدو http://forum.zgoldz.com/s/9/074.gif

شكرا على مرورك طعومة

موضوع جميل يحفظ ماضينا ويذكر ابنائنا بها

اذكر كتاب جميل قرأته بعنوان أهل الحجاز بعبقهم التاريخي للشيخ حسن عبدالحي قزاز

يذكر معظم مظاهر أهل الحجاز و ماضيهم الجميل

مشكور يا ابوحمد

شكرا على تعقيبك يا ريس

والله زمان يامحمد مشكور على الكلام العسل دى:309: وهذاعجبتو سار يغنيها

يسعدنا مرورك ymf وتعليقك

وليه زمان محمد مالايام هاي يساووا عندنا كمان اسبوع للبيبي ،، عندنا زمان متل هيك تقريبا مع بعض الاختلافات انو بينحط في غربال ،، هالايام بس يحمو الطفل ويلبسوه حلو ويفرقوا حلويات مع دق الهون عند راسه وترديد نفس العبارات تقريبا،،
شكرا لموضوع اللطيف

العادات متقاربه فعلا مع الاختلافات البسيطة

احلى شي سابع البزورة والله لا يحرمنا من عداتنا وتقليدنا

والله البزره يحزني في السابع احسو اتهبل ولا اتجنن مدري احس في شي غلط :335:



يسلموووو بابا على الموضوع :159:

موضوع حلو يسلمووو

حتى في المدينة عندنا نفس العادات في السابع :157:

والله موضوع حلو وحتى الآن يسوا رجعتنا لزمان شكرا على الموضوع الرائع وتحياتي

قليل من الأسر في مكة باقيه على عاداتها اما الوقت الحالي نادرا ما تلا قي او تسمع احد عنده سااابع وعلى قدااام كمان محتلاقي ولا احد عنده سابع