الذهبية

الذهبية (http://forum.zgoldz.com//index.php)
-   الشعر (http://forum.zgoldz.com//forumdisplay.php?f=35)
-   -   خلااااص ضاقت بي الرياض !! (http://forum.zgoldz.com//showthread.php?t=21950)

الشمالي 05-09-2009 02:55 PM

خلااااص ضاقت بي الرياض !!
 
لامن رمـى ليـل العنـا همّـه علـي لْحالـي
وغيري قضى هالليل نايم في حضـن محبوبـه


وآنا اسهره متوسـدٍ حزنـي وضيقـة بالـي
من وحدة ٍ طالت وفرحـة خافـق ٍ مسلوبـه!


والذكريات اللي مضـت لـي زوّدت غربالـي
والنفس طابت.. والصبر عوّد علـيّ عقوبـه


"ياخالـد حمـود" الحكايـه كلّـهـا ياغـالـي
ودّي أفضفض لك خوافـي نفسـي المغصوبـه


مانيب شاكي من سواليـف الهـوى واطلالـي
ولانيب شاكي لك جروحي من جفـا رعبوبـه


مشتاق لك والله وانا كـل مـا ذكرتـك خالـي
أتذكّـر أيـام (الخُبـر) والجامعـه كـل نوبـه


اشتقـت للشرقيـه وكـل مابـهـا يحـلالـي
واشتقت لسنين الدراسه.. والسكن.. وقروبـه


ماكنت أحسّـك ساكـن بجنبـي ودوم قبالـي؟
كنت انت ساكن وسط قلبي وعارف ٍ مطلوبـه


ياهو كئيب الكـون وايامـي فـلا تهنـا لـي
ياخي بعد فرقاك .. عنـدي ماهـي بمحسوبـه


خلاااااص ضاقت بي الرياض بكبرها من تالـي
ماعاد لي فيهـا مكـان وحاجـة ٍ مرغوبـه!!


هي عامره بوجود أهلهـا فـي أمـان الوالـي
والعاصمه من كـل شعـب المملكـه مخطوبـه


بس البـلا لا ضـاق قلبـي عارفـه مايبالـي
هو ياخذ الحاجه .. ويتركني غريـق ذنوبـه!


خالد!! تخيّل.. من كثر همي وسـوء أحوالـي
مابه مكان ولا صديق اسلى وأسيّـر صوبـه!!


من شقتي .. لين الدوام .. لشقتي .. منوالي!
لا الوضع هـذا يصلـح لخيّـك ولا لأسلوبـه


مافادني صدري الوسيـع اللـي ملتـه آمالـي
وحشة .. وخلّت دنيتي مـن عقبهـا مقلوبـه


كثـر الشكـاوي ماتفيـد المحبطيـن أمثالـي
أدري.. ولاتشره على مـن يهـذي بغيبوبـه


يارب أبي تيسيرك لأمـري.. وغيـرك مالـي
وان كان – نقلي- (للخُبر) حاجه مهي مكتوبه؟؟


طالبك أنا كنز القناعـه/ واقتنـع فـي بالـي:
ويصير لي حضن الرياض أدفى من المحبوبه!!



وسلامتكم،،،

البدر الساهر 05-09-2009 03:01 PM


كلمات جميلة
تشكر عليها يااخوي الشمالي

وياريت تتحفنا بمثلها باستمرار


الشمالي 05-09-2009 03:13 PM

اقتباس:

المشاركة الأصلية كتبت بواسطة البدر الساهر (المشاركة 267189)
كلمات جميلة
تشكر عليها يااخوي الشمالي

وياريت تتحفنا بمثلها باستمرار


لهذا المرور عبق خاص استنشقه برئة أوراقي
شكرآ للطفك الذي غمرني .


تحياتي،،،

رحيل 04-10-2009 05:26 AM

حزينه حيل كلماتك

الله يبعد عنك الهم و الحزن

وشكرا لك على اطروحتك المميزة

احترامي لك

الامير 04-10-2009 02:58 PM

قسم ب الله انك شاعر
هههههههههههه


الساعة الآن 03:03 PM.

Powered by vBulletin® Version 3.8.6
Copyright ©2000 - 2024, Jelsoft Enterprises Ltd