الذهبية

الذهبية (http://forum.zgoldz.com//index.php)
-   الحجــــــــــاز (http://forum.zgoldz.com//forumdisplay.php?f=54)
-   -   عادات اهل مكه في السابع (http://forum.zgoldz.com//showthread.php?t=6795)

محمد 06-01-2007 10:36 AM

عادات اهل مكه في السابع
 
ايش رايكم نرجع كم سنه لورى ونشوف عادات زمان ايش كانت تقول

حنتكلم عن السابع وايش الي يحصل فيه طبعا بكل فخر الموضوع

قرأت في إحدى المجلات بعض المصطلحات الحجازية وودت مشاركتكم معي في قراءتها وهي:

الرحماني: ((بس للبزوره ))


دي الحفلة تكون في اليوم السابع للبزورة وتكون في العصر يعني وتجي في دا اليوم الدايه((كلكم تعرفوها بس دحين مافي لا دايا ولا نيله غالبا تكون ست النونو اللي قايمه بالدور دا)

تحط النونو في ((طراحه )) مرتبه ملبسه بالستان الابيض ومشغوله بالدانتيل والترتر وتدوربالنونو وتغني ((يلا معايا ... ))

يارب يارحماني بارك لنا في الغلام
يارب البريه بارك لنا في البنيه ((والبزوره وراها ))
ربي سعدنا وهنانا وادانا مولود جديد من فرح قلوبنا غنينا
مبروك سابع سعيد


وكمان بعدها تغني::

يا دايا هري هري يا دايا بيت العري
يادايا محلا مشيتك يا دايا إنتي وبزراتك
يادايا يا ست الكل يادايا منديلك فل
يا دايا هشي هشي يا دايا بطنك تمشي
يا دايا طلي في السما يا دايا عساكي العمى
ياديا اركبي البابور يادايا طلي في الناظور
يادياا انعن ابو شيبك يادايا والمشط في جيبك
والعيال يردود ياديا هري هري

وبعدين تجلس الدايا على الارض ومعاها البزوره يعملو دائره .........

وتحط النونو في غربال كبيرمفروش بقصب وتهزو وتغنيلو ووراها الاطفال:

غربلو ياغربلو حتى النونو يتغربل
غربلو يا غربلو حتى االرز يتغربل
غربلو ياغربلوا
خلي الصايغ يعملو يعملو ساعة دهب
والباقي خاتم لاموه
غربلو يا غربلو حتى الحب يتغربل

وبعدين ترفع صوتها وتدق الهوند وتقول

العليا العليا القبه الخضرا المجليه
رسول الله بيض الله وجهو

يردو عليها (( يستاااااااااااااهل))

وتقول كل اسامي العيلة واحد واحد وتقول بيض الله وشه ( وجه)

وبعدين تبدأ تدق بالهوند (( الهون )) عند راس النون وتقول

أسمع كلام أمك ولا تسمع كلام ابوك
لا تضرب أمك بس أضرب أبوك
لا تعصب أمك بس عصب أبوك

وبعدين يوزعوا حلاوه على الصغار والعاب

وشموع وتصير حرائق في الشعر لاتذكروني بالذي مضى

معليش كتبتوا بلهجة أهل جدة ... سامحوني
واذا فيه تجاوز للكلام برضوه ... سامحوني



دموع تبتسم 06-01-2007 10:47 AM

وشموع وتصير حرائق في الشعر لاتذكروني بالذي مضى

:335: :335:

حرقت شعر مين أعترف

محمد 06-01-2007 10:50 AM

ما اقولك ... هذه اسرار
وبعدين تحبي الفضايح ليه ... خلي الطبق مستور

دموع تبتسم 06-01-2007 11:21 AM

اقتباس:

المشاركة الأصلية كتبت بواسطة محمد (المشاركة 50726)
ما اقولك ... هذه اسرار
وبعدين تحبي الفضايح ليه ... خلي الطبق مستور


خلاص نخلي الطبق والطابق مستورين :545:


:638: :638:

sami haroon 06-01-2007 12:12 PM

الله يرحم ايام زمان

محمد 06-01-2007 01:23 PM

الماضي حلو لكن الحاضر احلى

طعومة jed 06-01-2007 07:13 PM

احنا الين دحين نسوي الحاجات دي

الحمد لله في شي من الماضي متمسكين بي

تسلم جدو http://forum.zgoldz.com/s/9/074.gif

محمد 06-01-2007 08:29 PM

شكرا على مرورك طعومة

admin 06-01-2007 08:50 PM

موضوع جميل يحفظ ماضينا ويذكر ابنائنا بها

اذكر كتاب جميل قرأته بعنوان أهل الحجاز بعبقهم التاريخي للشيخ حسن عبدالحي قزاز

يذكر معظم مظاهر أهل الحجاز و ماضيهم الجميل

مشكور يا ابوحمد

محمد 06-01-2007 08:54 PM

شكرا على تعقيبك يا ريس


الساعة الآن 11:07 AM.

Powered by vBulletin® Version 3.8.6
Copyright ©2000 - 2024, Jelsoft Enterprises Ltd