الذهبية - ليش ساكت ؟؟؟

ليش ساكت

ليش بس أنا اتكلم
ليش بس أنا اتألم
أنا ما صدقت أشوفك
فضفض همومك تكلم
ليش ساكت؟؟
من عيونك فيك شي
طبعك الليلة غريب
قول شمخبي علي
قول يا أغلى حبيب
ليش ساكت؟؟
لـ متى هذا السكوت
التفت لي قول شي
أنا احس اني أموت
ضاقت الدنيا علي
يعني يرضيك انكساري
مالي عندك أي خاطر
انطفى وتشب ناري
ويعني عامل فيها شاطر
ليش ساكت؟؟
ويعني كل مرة أشوفك
لازم تصحي المواجع
الفرح كله يطوفك
وانت للأحزان راجع
لا تموتني بسكوتك
احييني مرة بغرامك
تصدق نسيت صوتك
يا اخي اشتقت لكلامك
ليش ساكت؟؟
أنا مليت انتظارك
بأخذ احزاني واروح
يمكن القى قلب ثاني
يحتضن هذي الجروح
ليه أنا اضيّع حياتي
وانا وياك اتألم
ولـ متى وانا احاتي
ولـ متى وانا اتكلم

وأنت ساكـــت