الذهبية - بعض الناس

بعض البشر يفخر على كل الاشكـــال

ويحسب بأنه صار عنتر زمـــانــــــه همه يكـــــون مفنّـــدٍ بيـــن الاجيـــال باللبس والمشيه ولهجــــــة كــــلامه تلقاه لابــس سـفرة العــيـد ونــعـــال ووسط السناتر عايـــشٍ في غرامـــه يمشي و راسه ثابــت تقــول تــــمثـال ما يلتفت لـو شخــــص سلّه حسامـه خايف يطيــــح بنظــرةٍ ذاك العــــقــال لي فوق راسه هو مسوي عــــلامــه يقول كشخـــه دامــني ولــد رجّـــــــال ما يدري غـــروره دلـيل انهزامــــه وما يدري ان الشخص قدره بالاعـمال لـــــي هو يسويّها وترفــــع مقامــــه ويقول ما اسمع كلمـة القيـــل والقـــال همه في نفســه رافــــعٍ دوم هامــــه يحســـــب بأنـــه مالك الارض بالمـــال ما يدري انه في طريــــق الندامـــــه اقول له ياخــــــوي تنصيـــك الامثـــال من شخص فاهم للظروف ف زمانه وش فايدة مـــــالٍ ونيســـان وعـــــــيال دامك بعيدٍ عـــن طريــــق الفهامــــه لو كـــــــــل شخصٍ قال مثلك بالاقـــوال ما اقول غير الله يجـــــيب السلامـــه