|
اه عليكي ياجده 1
بسم الله الرحمن الرحيم
مادري من فين ابدء جـــــــــده واااه ياجـــــده را ابدء اكتب عن معاناتي مع جده مدينتي التي كنت احبها راح ابدء بمقدمة وعشان مايكون الموضوع ممل راح اقسم الموضوع الى عدة اجزاء اكتب فيها عن جـــده وماتعانبيها من جميع النواحي دي جــده الي كانت في يوم من الايام عروس البحر الاحمر واليوم و بسبب اهلها ايوه والله بسبب اهلها صارت عجوز البحر الاحمر والله ثم والله ثم والله ان اكثر من يكره جده في المملكه هم سكان جده نفسها اتمنى مايزعلوا مني اهل العجوز (العروس سابقا) بس راح نتكلم و نناقش الموضوع ونعرف ليش اتمنى من كل من يحب العجوز انه مايزعل مني وخلونا نتكلم بواقعيه اقلكم راح اتكلم عن ايش بداية من الموضوع الجاي * اخلاق اهل جده :610: * معاملتنا لبعض في جده * الخدمات بجده :532: * استعمالنا للمرافق العامه :530: * المرور و السواقه بجده:162: * الشباب اولاد و بنات بجده:320: وغيرها اشياء امكن تيجي على بالي و انا اكتب معاكم وياليتكم تشاركوني ونتكلم و نحاور بعض عشان نشوف احنا وصلنا لفين وربنا يتقبل مننا و منكم ومن العايدين اخوكم المحب ابو بدر |
كلا مك صحيح والله سارت عجوز البحر الاحمر
كل شى فيها سار مقرف اهلها وناسها وبحرها يالطيف الواحد يروح فيها يكره نفسو غير الاسبوع ماايقدر يكمل فيهاا |
بسم الله الرحمن الرحيم
شكرا على المرور بس الظاهر مع زحمة العيد محد فاضي يرد علينا من العايدين و كل سنة و انتم طيبين وربنا يتقبل مننا صيامنا وقيامنا ويبلغنا رمضان اعوامو اعوام بصحة و عافيه |
ابشرك يا ابو بدر
جدة في تحسن و تتطور مستمر وان شاء الله ترجع عروس احسن من الاول |
ميرسي يا أخ غيور على الموضوع الجميل وجده ولله الحمد كل مالها للأفضل
http://forum.zgoldz.com/s/g/003.gif |
ايش ارد عليك
كلام صحيح مع المعاناه اليوميه يمكن ومعليش على هذه الكلمه بسبب كبر مدينة جدة ودخول فئات من مختلف انحاء السعوديه سبب في اختلاف اخلاق اهلها وخاصة في الكلام والسواقه ووووو...... ومعليش لا احد يزعل من الصراحه لان أهلها ما كانو زي دحين صح ولا لا. |
.. جــــــــده غيـــــــــر ..
صراحه جده جوها مو شي بس انا تعجبني جده باهلها وناسها يمكن زي ماتقولين زحمة جده بس برضو حلوه ويسلموو على الموضووع تقبلي مرووري |
يسلموووو غيووور
مووضووعك في محله وياليت يكوون على اجزاء وكل جزء يحكي مشكله من مشكال جده وصدقوووني بدء الاتفات لجده من جهة الحكوومة ويكفي ان الحكومة الان بصدد تنفيد عدد من المشاريع سواء كباري و انفاااق وتطوير الاحياء واهمها مشروع خزام الكبير ممكن سمعته عنه والف شكر لك غيوور |
جده الي اثر في اخلاق سكنها واتغيرو وصارو مو ز زمان
انو دخل عليها كميات هائله من الاجانب لدرجة صارو اكتر من سكنها ودخلت معاهم عادات وتقاليد غر عادات اهلها الاصلين يعني الي يتزوج اجنبيه وتربي اولاده بطريقه غير شكل والعوائل الاجنبيه الي عاشت فيها وبدل ماناثر عليهم للاسف هما اثرو علينا واشياء كثير تانيه اقول ايش واخلي ايش لاكن دوام الحال من المحال وان شاء الله ترجع عروس احسن من اول |
رغم إني من أصول عربية قحط إلا إني ضد التعنصر مع غير العرب لأن هذه أرض الله وكلنا مسلمين والصحابة رضي الله عنهم كان فيهم الفارسي والرومي والحبشي والقرشي واليمني والبدوي وغيره وأستغرب من قول طرش البحر أو حتى طرش بر ! أليست ستنا هاجر رضي الله عنها أم سيدنا إسماعيل بن سيدنا إبراهيم عليهم الصلاة والسلام من بلاد ماوراء البحر وليست من العرب! وبفضل دعاء سيدنا إبراهيم عليه الصلاة والسلام وسعيها بين الصفا والمروة ظهرت زمزم وعمرت الأرض!! وأستغرب لأن جدة بالذات هي بوابة الحرمين الشريفين ملتقى حجاج بيت الله الحرام الذين جاوءا تلبية للحج ومع أداء الفريضة حق لهم ان يبحثوا لمنافع لهم فاحتضنتهم أرض الله !! أستغرب لأن جدة قامت من الأصل على أكتاف عرب وغير عرب من تجارة ومهن وغيره!! أستغرب من الأسئلة التي صارت هي شاغلنا من انت ومن اي قبيلة ومن اي عشيرة وذلك ليس للتعرف فقط وكأن هذا ماتعمر به الأرض و ماسنسأل عنه يوم القيامة!! وهذا بالذات جعلني ابحث عن اصولي لاعرف قبيلتي وعرفتها ومازادني ذلك ولا أنقصني شيء إلا أني تيقنت أني من هنا وليس من المريخ!! أخيرا سؤال بعض المسلمين لأخوانهم مالذي جاء بكم إلى هنا !! كأنهم ليسوا بشر ولايحق لهم العيش على كوكب الأرض فسبحان الله
|
| الساعة الآن 11:25 AM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd