شاب تنح وخطيبه اتنح

شاب راح يوصـّل خطيبته على بيت أهلها ، ولما وصلوا على باب العمارة وصار لازم يفترقوا ،

الشاب ركى نفسه على الحيط وقال لخطيبته : اعطيني بوسة

قالتله : لا لا عيب ، بعدين بابا بيزعل

قال لها : ابوكي ما شايفنا ،

قالتله ، بخاف حدا من الجيران يشوفنا ويقول لبابا

المهم البنت بقيت تماطل بالشاب اكتر من ربع ساعة ، ولكن هو شاب عنيد وتـنح وفضل

يطلب البوسة من البنت ويلح عليها وهي ترفض وتقول له لا لا بعدين

المهم ، وبلا طولة سيرة ، وبينما الشاب والبنت متـنحين ، هو يطلب بوسة وهي ترفض نزلت بنت صغيرة

(اخت الخطيبة ) وقالت للشاب : عمو عمو ، بابا بيقول لك ، اذا اختي ما راضية تعطيك البوسة ، بعطيك البوسة انا ، وإذا انا مش معاجبيتك ببعتلك اختي التانية تعطيك اياه ، وإذا بدك منبعتلك ماما تبوسك بس لو سمحت زيح حالك شوي عن زر الانترفون