[فوفو]

صباح الخير على أحلى أعضاء وعضوات

مرت اكيد اجازات اسبوعية الواحد مو عارف يروح فيها

والأماكن نفسها صصارت تطفش من كتر الروحة ليها


فجات على بالي فكرة

يريت كل عضو وعضوة

يكتبوا فين يروحوا في الوييك اند

مطعم مقهى مول

وايش تكلفتو

وايش وضعو

اوبين اريا ولا في بارتشينس للعوائل

وفين مكانو طبعا اهم شي هههههه عشان نوصلو

يعني زي كدا

عشان تتجمع عندنا اكبر خيارات ممكنة

وممكن أماكن جديدة أحد ما يعرفها يصير نروحها


يريت نبدأ عشان الوييك اند قرب

انا حبدأ و أقول الأماكن اللي أروحها

1- طبعا مع الشباب لو خرجت اروح إما لاكوستا في البحر خيمة الشباب

او نروح بريك تايم او تيتانيوم في شارع التحلية ( مقاهي )

2- مع أهلي ممكن نروح نتعشى في فدركرز في التحلية

او ستيك هاوس او تشيليز ( طبعا نادرا حسب اول الشهر ) هههههه

وممكن نروح صواري لاند مارك او سلطان مول او روائع المكتبات نمشي الصغار

بس هادا للي فبالي دحين


يريت كل واحد يحط المكان اللي عجبو وراحو عشان نغير الروتين حق كل اسبوع




انتظر مشاركاتكم