في صفات او علامات تعرف بأن هذا او ذاك دلخ ومن هذه العلامات
1_اذا شفت واحد وقف سيارته تالي الليل جنب بابهم وفتح باب السياره
بسرعه واخذ كم حجره معه عشان يطارد قطوه كانت واقفه قدام باب
بيتهم فأبصم بالعشره ان المذكور دلخ
2_اذا شفت واحد في السوق ومنشي الغتره وقاعد يلاحق وحده
تسحب لها 3 او 4من عيالها وغير اللي على كتفها شايلته والحبيب
وراها من محل الى محل فهذا والعياذ بالله دلخ مستدلخ وهذا النوع
خطير على الحياة الفطريه
3_اما قمة الدلاخه الله يكفينا فهي ان ترسل لك وحده مزيونه بالحيل وشعرهااااا الطويل من هالبنات
المزيونات ذيك الرساله على بريدك او رسائلك الخاصه في المنتدى
اللي انت مرتز فيه وتكتب لك انها معجبه بكتاباتك واسلوبك وخفة دمك
وتجلس طول الليل وانت قدام المرايا تلمع في سنونك الصفر وبعد
كم شهر تتضح ان البنيه الأموره الحلوة واحد من هالفاشلين الشباب
وساقط 7 مرات في الكفاءه
وقتها اعرف انك وصلت هرم الدلاخه والله يعينك على المحشات