[أحلاهم وأتحداهم]

********************************************
(( مسفر))
طلعوا اهل مسفر ومعم الريم من الصاله ومسفر يحتريهم بالسياره
اللكل ماعدا رنا : السلام عليكم
مسفر مستحي لان الريم معهم يحسها وحد غريبه : وعليكم السلام ..اكيد الشيخه مثل العاده متاخره
العنود: لازم تسلم على كل الصاله وتجي
مسفر:هههههههه هذي اختك متى بتعقل ...الا العنود وش جيبك معنا روحي مع زوجك
العنود معصبه: زوجي بالدوام وبروح معكم للبيت
مسفر وهو يناظر البوابه ينتظر رنا تطلع شاف وجه يعرفه ويدق له قلبه لوجين طالعه والابتسامه ماليه وجهها طالعه وعبايتها طايره بالهواء واضح كل جسمها وفستانها وشعرها الاحمر الناري الملفت للنظر .. حس انه مشتاق لها وزعلان منها لانه شاف عيون الرجال للي بتاكلها ضغط على الكرسون بايده بقهر
ام مسفر: استغفر الله الفاسقه طلعت
الريم: مسفر تعرف هذي
لف عليها مرتبك ومستغرب: اعرفها ..؟؟
العنود: نواره تقول انها درست معك ببريطانيا
مسفر: ايوه بس هي بمجموعه وانا بمجموعه ونادر نشوفها
الريم ارتاحت لان غرورها مايرضيها ان لوجين تعجبه
ام مسفر : استغفر الله حتى صوتها عالي بالشارع
لوجين : بااااااااااااااي نونو
نواره تلوح لها باي
لوجين بعد مافتح لهاجوهر السايق السعودي مادخلت على طول لفت راسها كان قلبها حاسها ان حبيبها هنا شافت مسفر جئت عينها بعينه دقات قلبها زادت وحست بمغص ببطنه من الشوق
مسفر( لامو هنا اشوفك مو بهذا المكان مو قدام الريم وامي ) نزل عينه بسرعه يدق بالجوال على رنا قبل لاتفضحه عيونه ... حس ان كل اللي بالسياره يسمع نبض قلبه
لوجين وقفت بمكانها تناظره وناسيه كل شي حولها وناسيه اللكل ..نبها صوت جوهر السايق: تفضلي طال عمرك
العنود : هذي بنت الكاسر استغر الله
الريم: انا شفت وقاحه بس بهذا الشكل مامر علي
مسفر ساكت ويسمع وده يقول لهم( لا انتم موفاهمين شي لوجين مسكينه تبغى من يمسك بايدها ويعلمها الطريق الصح هي ربت نفسها بنفسها وكويس جئت لهنا ..) ماقدر يقاوم رفع راسه شافها وهي تدخل السياره منزله راسها ووجهها اللي كان يشرق ابتسامه اختفى وصار وجه جامد
رنا دخت بحماس: السلام تاخرت عليكم
العنود وهي خايفه ان مسفر يهاوشها: كان نمتي داخل ..لاتعيدينها مره ثانيه
مسفر بروان لانه لو تاخرها كان مالحق على لوجين : لا عادي كم رنان عندنا خذي راحتك
اللكل ..؟؟؟؟؟؟؟؟؟؟؟؟؟؟
وطبعا انفتحت سنفونية الحش بالعرس عند الحريم
*************************
(( الجوري))
الساعه 3
بالسياره اول شي وصلوا الجوري لبيتهم
الجوري وهي ملاحظه نفس السياره اللي صار لها يومين تلحقهم وتوقف عند بيتهم : باي بنات
ذوقو والبندري الهلكانات : باااااي
الجوري:هههههههه انتبه يا صندار لاتنام معهم
البندري: والله انك فاضيه حرك يا صندار
مشت السياره وظلت الجوري تناظر بالسياره الجمس وهي معصبه ..بدر يشوفها وهو مبتسم ... كان ودها تروح لسياره وتغسل شراع صاحبها بس راجعت لما تذكرت ان الساعه 3 وان نوره ممكن تشوفها من النافذه
دخلت للبيت
عمها كان بستقبالها هو وزوجته
عمها: بدري كان مارجعتي
الجوري:آف انا قلتل ان الزواج بيطول
عمها: لساعه 3 الفجر انتي صاحيه
الجوري : اسمع ترى انا معي الجنسيه البريطانيا واذا كنت تحس اني عار عليك ارجع لبلادي اريحك انت وزوجتك
زوجت عمها خافت انها جد تسويها وتطالب بفلوسها وتروح عليهم : ياحبيبتي عمو ماكلمك الا خايف عليك
عمها: اسمعي لاتجلين تقولين كل دقيقه برجع بريطانيا كانك خدامه هذا بيت عمك وغصب عن انفك بتجلسين فيه ... سمعتي واذا شفتك مره ثانيه راجعه الفجر وريتك شغلك
الجوري توها بتتكلم الا زوجة عمها سبقتها : خلاص انتي روحي غرفتك ارتاحي وان شاء الله مراح تتكرر مره ثانيه
الجوري وعارفه ان الزفت نوره هي اللي محشره عمها بس سكتت لان راسها يعورها مالها خلق صراخ ومشاكل ..
****************************************
( البندري )
البندري رفعت جوالها شافت الساعه 3 الفجر .. تحس بمشاعر متضاربه قلبها يدق بسرعه كلها كم دقيقه وامها تصير حره وبين ايديها ..تقدر تقولها ماما بدون قبضان ..تبرمي بحضنها لساعات قبل لاتجي السجانه وتسحبها منها ... كلها دقايق وتشوف امها حست برجفه بجسمها وقلبها بيطلع من مكانه ... جالسه بالسياره متوتره واول ماوقفت عند بيتهم قلبها انقبض ماتبغى تنزل
ذوق: يله بنو وصلنا
البندري: وصلنا ..اها زين
ذوق: وشفيك مو على بعضك
البندري: مادري خايفه اكيد امي ووصلت من زمان
ذوق تبتسم: ادخلي وارتمي بحضنها اكيد هاللحين هي محتاجه حضنك
البندري تبلع ريقها : باي
****************************
( البندري)
البندري دخلت البيت كان ظلام وفي صوت بالمطبخ ... ماتدري ليه راحت بسرعه لدرج الا صوت محمد اخوها يوقفها : البندري
تشتغل الانوار ..لفت على صراخه اللي واضح انه معصب : نعم
محمد: مو انا قلتلك مافي طلعه
البندري مانتبهت للعجوز اللي طلعت من المطبخ مع مريم وغاده
البندري: انا قلت اب
ماحست الا وكف قوي على وجهها
محمد: مو انا قايلك لا تتاخري امي بتجي
ركضت ام البندري للبندري تبغى تضمها: ليه يامحمد ..
محمد اول مره يعصب على اخته كذا اقهرته ماستقبلت امه علشان تروح زواج اخت صديقتها
البندري تبعد امها ودموعها على وجهها : ابعدي عني .. عاجبك كذا اول يوم تجي فيه محمد يضربني
محمد زاد صراخه: البندري
ام البندري وقفت مصدومه شبه مشلوله
البندري: هذي اول مره تعاملني كذا وتضربني ..لانها جئت وجابت الشر معها ..
مريم : البندري وش هالحكي هذي امك
البندري : انا امي ماتت يوم انها يتمتني وقتلت ابوي
ام البندري ضاعت بدوامه هذا اللي ماحسبت احسابها اغلى عيالها دلوعتها البندري اخر العنقود سكر معقود تلومها على قتلها لابوها كانت تتوقعه من محمد من غاده لكن من البندري لا وليه
محمد: اسكتي سود الله وجهك ...
راحت لعند امه : يمه لا
البندري ناظرت امها : اكرهك
طلعت فوق بسرعه
للكل سكت ماعرفوا شيقولون ماتوقعوا البندري كذا ..
البندري رمت نفسها على السرير تبكي .. راحت كل زينتها من دموعها تبكي قساوها على امها تحس ان قلبها قاسي غصب عنها .. قلبها مايطيق امها اللي على وجهها علامات السماحه والطيبه .. الوجه الملايكي اللي قتل ابوها قدام عينها قبل 14 سنه وهي طفله تلعب بعروسته 6 سنوات تشوف هذا المشهد لاجرامي تشوف امها تجر بالسلاسل وهي تقولها: ليه ياماما طلعتي الدم من بابا انا احبك بس انتي جرحتي بابامن هنا ( تاشر على صدرها وقلبها )
ام البندري بهد ماجلسوها عيالها وشربوها المويه ..تحس بضيقه ماحستها وهي بالسجن.. دخلت سجن ثاني وسجن اكبر
محمد: يمه ماعليك منها مراهقه بكره تكبر وتعرف
ام البندري: مالومها ياوليدي انا حرمتها من ابوها
غاده: يمه لا وش هالحكي ..ترى البندري بس مقهوره لان محمد ضربها كف
ام البندري تناظر مريم زوجة ولدها واللي محمد يحكيلها وشكثر تحبها البندري : يمه مريم روحي شوفيها لاتسوي بنفسها شي
مريم: ان شاء الله يمه
ام البندري : واذا نمت قولي لي
*******************
(( لوجين ))
لوجين رجعت للبيت تفكر بمسفر حبيب قلبها اللي ماشافته الا لحضات .. شافته وحفظت شكلها ..اكيد ان الريم حبيبته كانت معه بالسياره ابعد عينه علشان مايضايقها .. آه يامسفر لو تعرف معزتك بقلبي ولو تعرف اني اموت بدونك ..
فتحت شنطته وطلعت بوكها اللي في صورته اللي كانت البوم الصور يوم عيد ميلادها باست الصوره وسكرت بوكها دخلت تتروش
**************