الجوهرة
ياللي خذيت القلب مني وقفيت
بذمتك ما قد طرالك ترده
ياخي ترى من جد مليت مليت
مليت أفضفض للصور والمخده
أخاف الله بقلب على شوفتك ميت
يفيض من جزر الغلا شوق مده
شفني على صدر التعب جيت واسقيت
غصن تمايل في محانيه ورده
لا رحم أبو حيك غلا وش سويت
في خافق خنجر تغليك قده
هذا انت ما في وصالي تغليت
معقول هان الود للي توده ؟
ماني بخايف من خناجرك لاجيت
خايف يبوح القلب في شوق سده
لي مدة بس أوصف على عينك البيت
واكتب على الخفاق ويصيح خده
( الجوهرة ) ولا مر اسمها قمت فزيت
غلاها عندي ياعرب فوق حده
ياللي خذيت القلب مني وقفيت
بذمتك ما قد طرالك ترده ؟؟
وسلامتكم،،،،
__________________
لا تنصدم لا شفت خلك يبيعك هذا الزمن فيه الغدر شي عادي
صعبه ظروف الوقت هذي تطيعك بيضه ومكسية بلون رمادي
أما تطيع شرورها أو تجيعك والا تعيش ايها بلبس الحدادي
ولا تامن الغدره ولو من رضيعك كل القيم ضاعت ومعها المبادي
محدن يصونك فيها الا نزيعك منهو لاجل رزقك عليكم ينادي
أجواء صيفك تختلف عن ربيعك لا صار حر وسموم وبرادي
خلك على ربك ترى الله شفيعك واترك خليق الله وخل العبادي
لا تنصدم لا شفت خلك يبيعك دام الغدر في هالزمن شي عادي
|