[مريومة]

السلام عليكم ورحمة الله تعالى وبركاته
الموضوع فعلا مهم جدا جدا
وله تفرعات كثيرة
وما نقدر نجاوب بنعم او لا على طول
لأن كل حالة لها رد يخصها
مثلا
اذا قلنا مريم طبيبة ومتزوجة بس ربي ما رزقها اطفال وزوجها طبيب او انسان مشغول
فتعتقد ايش المناسب لمريم؟
2- مريم متزوجة وطبيبة وماعندها اطفال وزوجها مقتدر ويبغاها تقعد في البيت عشان هو فاضي في المساء طيب؟ تقعد ولا ما تقعد؟
حيعتمد هي مريم ممكن تنسى انها تعبت الين جابت هالشهادة التعبانة ولا ما تفرق معها الشهادة وراحة بالها واستجابتها لطلب زوجها احسن؟
3 مريم طبيبة متزوجة وعندها اطفال وزوجها يبغاها تشتغل عشان .... تساعده في حياتهما لنه عاجز عن تدبير امر المعيشة ( مع اني اكره هالصنف الاتكالي من الرجال )
ايش تعمل تجي على صحتها ونفسها وتشتغل عشان يمشي المركب (ولا يفتح الرجال فمه بكلمة اذا في تقصير داخل البيت) ولا ايش بالضبط؟
ترى انا اذكر طبيبة كل شوي ليس تفاخرا ولكن اعتقد هي اكثر وحدة ممكن تعترض على موضوع المكوث بالمنزل لاعتقاد الكثيرات ان حصولها على شهادة الطب شيء يجعلها تنسى نفسها وحياتها وانها أنثى وام قبل كل شيء


انا عن نفسي
لو اضمن ان يجيني رجل يتكفل بامور معيشتي واطفالي من إلى فأعتقد إني حكرث كل جهدي له ولأبنائي ولبناء اسرة تفهم ايش يعني أدب وأصول وقيم افتقدوها اطفالنا بسبب تربية الشغالات العقيمة والمقرفة .
ان انا انجح في اسرتي افضل عندي مليوووووووووووون مرة من النجاح الذاتي في بناء اسم
ومرتبة ومركز على حساب اسرة
في النهاية
كثييييييييييير من رجالنا وللأسف يبغاها عاملة
عشان تشيل حالها
فالمسألة ما صارت تعمل ولا ما تعمل
المسألة ترجع للرجل
قادر ولا غير قادر
والقضية مهمة
ورائعة للنقاش
ودمتم

غياب اسبوعين تانين للانتهاء من الامتحان الثاني
دعواتكم جميع
:)