السلام عليكم جميعا ورحمة الله وبركاته
اما النت فبصراحة اعتبرها نعمة كبيرة
ولكنه ايضا باب للشيطان
وخلينا صريحين
النفس ضعيفة
النفس فيها لقافة
النفس اذا ما ربيتها تتمادى
النفس تحب كل ممنوع
عن نفسي
تجربتي كانت قااااااااااااااااااااااااااااااسية مع النت
لأني أول من أدخله للبيت
ولاقيت حرب عشواء من الجميع
ما عدا الوالد والوالدة الله لا يحرمني منهم
لأنهم ولله الحمد اعطوني ثقة كبيرة لا يمكن اطعنهم فيها
تصدقوا لأي درجة كان الوضع ؟
كنت اترك باب غرفتي مفتوح عند استخدام النت لأن الله يهدي أهل الخير الي مفهمين العالم
عن النت والشات والغرف
وانه فقط مجال للصياعة والتعرف على الشباب
وطبعا بدأت افهم اخواتي ايش يعني نت
اختي خليتها بنفسها تبحث عن موضوع الماجستير من النت
و بالتالي كسبتها في صفي لانها الاكبر والاعقل
( بالفعل الاعقل )مو عيب الواحد يعترف
بس اذا جيتوا للحق
عيونها كانت تطلع واضطر ارجعها تاني اذا شافت صورة مخلة للاداب
فالنت سلاح ذو حدين
يا تقتل فيه الشر الي بداخل كل نفس
يا الشر الي جوانا بيستخدمه سلاح ضدنا
لمن استشارتني اختي الثانية انها تدخل النت لبناتها في المنزل
حسيت ان القرار صعب
تتحاسب على نفسك
بس هالبنيات الي في سن المراهقة اشبتسوي فيهم؟
فقلتلهاا
خط التلفون يكون بالصالة
واي وحدة تبي تستخدم النت تتفضل تقعد عندنا حياها الله
وبالفعل كان في زاوية مريحة بالصالة مع كمبيوتر ثابت وطابعة
والي بي يقعد بغير الزاوية هم ما عندنا مانع
فالمسألة يبيلها اعطاء ثقة للي حولنا
وعدم اعارهم بالمراقبة
عن نفسي
النت استخدمه بشكل كبير في محاضراتي
وفي دراستي العليا
وما اقدر اعيش من غيره
ولله الحمد الادمان الي يتكلمون عنه ما حصل غير في وقت الاستكشاف.
وختاما اذا كل واحد فينا حط الخوف من الله
وان حياتك كلها ماتسوى شي امام ان ربنا ما ينظر اليك وتفقد رعايته لك بسبب صورة او منظر سيء
ويوم تحط راسك عالمخدة وتبي تنام بامان لازم تختار انت منو الي تبيه يراعيك ويحافظ عليك هاللحظة الي كبرته لين صار متمكن منك
ولا الي اغضبته وتهاونت في حبه وتقديره وانه ربك ومولاك؟
اذن بعد كل هالقرقر الي عورت روسكم فيه
أقول
ايمانك هو الي يحدد الثمار الي تبي تجنيها من النت
والله يبارك لنا في ايماننا ويطهر قلوبنا
ويجعلنا قريبين من الله حتى نلقاه وهو راضي عنا غير غضبان
