[فوفو]

مساء الخير يا أحلى أعضاء

حابب أشارككم بدورة استفدت منها كتير اللي هي :
توسيع عمليات الادراك
Cognitive Research Trust

الدورة بتتكلم عن مهارات التفكير وكيفية وضع الخطط والقرارات المهمة وحتعلمنا ادوات نستخدمها للحصول على افضل النتائج وأقل خسائر ممكنة

ندخل في الموضوع >>> كل دا وما دخلنا

بسم الله
عدد الأدوات كثير جدا ويصل لستين أداة وانا طبعا ما درست غير عشرة منها وان شاء الله ادرس الباقي
حنزل كل أداة في مشاركة مستقلة واعذروني اذا قصرت فشي .
--------------------------------------

الأدوات دي بنستخدمها فحياتنا اليومية من غير ما ندرك انها ادوات بتساعدنا في اتخاذ قراراتنا
يعني مثلا الواحد لمن يبغى يشتري بيت
حيقعد يفكر طب انا اش حستفيد وايش اللي حتضرر فيه
ويشوف السلبيات والايجابيات في القرار دا واش الاشياء الجانبية اللي ممكن تحصل
هوا هنا من غير ما يدري استخدم شي اسمه PMI يعني اللي هيا اختصار لثلاث كلمات
الايجابيات والسلبيات والمثير ( انترستنج)
يعني حيقول من الايجابيات
اننا نتوسع في البيت وكل شخص له غرفة خاصة بيه
وحتصير نفسيتنا احسن و الخ ...
والسلبيات
حيقول البنك حيخصم من راتبي وحنعيد ترتيب الميزانية ونحاول نضغط على نفسنا ونبيع السيارة وتصير عندا سيارة وحدة بس الخ ...
طبعا هذي الأدوات نحن بنتعلمها عشان نستعملها بقصد ونستعمل باقي الادوات معانا عشان نصل لأفضل قرار وافضل اختيار

هذا ما لدي للآن وسأتابع وضع الاداة الثانية في اقرب فرصة

بس عندي ليكم تطبيق بسيط عشان تتسلوا

مثلا كل واحد فيكم قرر يشتري سيارة وافرضوا يا بنات زوجك ولا بابتك قلك نقي السيارة اللي تبيها

ابغى كل واحد يكتب الايجابيات والسلبيات والاشياء المثيرة في القرار دا

طبعا سامحوني اذا ما قدرت اكتب افضل من كدا بس ان شاء الله اتحسن

الى اللقاء