[JuSt a GiRl]

السلام عليكم ورحمة الله وبركاته

دُعاء المطحونين : ..


اللهم ارحمنا من استبياع الجيل الجديد.. وحرائق السكة الحديد

واستقصاد كل مدير.. ونداله القرايب الصغير منهم والكبير

اللهم أغثنا من كل عميل.. ومن فواتير موبينيل

اللهم أرحمنا من تشريفه عربيات المسئولين، وزحمة الشوارع في كل حين

وسحب الرخص في كل كمين.. من الغلبان مش من المتين

اللهم اهدى لنا سواقين الميكروباص
ومديرى شركة الباص

اللهم ارحمنا من الشئون القانونية وشئون العاملين

واللي بيقفوا فـ وسط الشارع فجأة وبدون إشارة يمين

اللهم قنا شر الكليبات..

وشر غمزات البنات.. ولؤم الستات وغباوة الحموات

وهيافة الصحف والمجلات و أونر الجروبات

وقطع الحرارة فجأة عن التليفونات وقت الزنقات
والمدارس اللي بتطلب تبرعات بالألوفات

والمنتديات اللى محتاجة زيارات

ووقوع السيرفر وقفلة السايتات

اللهم ارفع مستوى الفريق القومي..لمستوى إنبي والحدود.. أو حتى مستوى أسمنت أسيوط

أو أرسل يارب عليه صاعقة.. بدل ما يخلونا نموت..

اللهم سدد أقساطنا.. وضلل عنا مآمور الضرايب

اللهم ارزق جيل الوسط عقود عمل في ليبيا وقطر

اللهم افتح لجيلنا القديم الطريق الفسيح

حتى ننظف الملابس بالمناديل

اللهم ارحمنا من الاكتئاب مرض العصر والشباب

واكفنا شر صاحب الدقن الكداب

وصاحب التصريحات النصاب

اللهم ارزق كل بنت بعريس هدية.. أهبل ومعاه ابتدائية

وكل شاب بوظيفة وشقة وعربية

اللهم أحرق الـ6600

واضرب الحرامي بالحرامية

ونجح أي طالب في أي كلية

وأرزقنى بمشترك جديد وبيعيد ثانوية

آميــــــــن يــــارب العالميـــن