[JuSt a GiRl]

بسم الله الرحمن الرحيم
السلام على من اتبع الهدى

اخواني واخواتي الموضوع ده عايزين اننا نقراه بتمعن عشان هو بوابتنا للنجاح باذنه تعالى

مرحلة الخطوبة:

هتكلم دلوأتي مع البنات وبعدين مع الشباب

اسمعيني هقولك ايه:

اولا:الشخص اللي هيبئا خطيبك ده لسه غريب عشان لساكم في بيتين مش في بيت واحد عشان كده اوعي تدلدقي عليه - تتقلي يعني -ولا تحاربيه

بس حسسيه بحنية مع شوية قوة شخصية.





ثانيا:ماتخبيش عنه حاجة تتعلق بيكي بس مش ضروري يعرف كل حاجة تخص اهلك عشان لو لاسمح الله اختلفتم مايبقاش بيعرف حاجات مالهاش لزوم.






ثالثا:حبيبيه بنفسك وحسسيه انك راضية فيه مش تكلميه بفوقية وتحسسيه انك احسن منه عشان مايطفشش.






رابعا:عامليه برسمية وبلاش تدخليه معاكي على المطبخ واوعي ان حصلت حاجة في العيلة تقومي راكضة وقايلاله افتكري ده لسى خطيب مش زوج.

خامسا:مش كل عزومة وفرح وعزا تقومي حاشراه معاكي عشان لو حصل حاجة وحشة لاسمح الله مايبقاش وشك وحش قدامه يعني لو خارجة انت واهلك بس معلش لا وده بيفيد انكم تقربو من بعض اكتر وتكتشفو بعض في الهواء الطلق.

سادسا:عامليه على انه قريب وحبيب مش على انه زوج يعني مش تتكلمي تلات اربع ساعات على التيلفون معاه وتقولي معلش بالحلال ولا تلبسي قدامه حاجات مش ولا بد وتقولي احنا كاتبين الكتاب خليه يبقى مش شايف منك غير الحاجة العادية عشان لو ربنا رزقكم وعشتم تحت سقف واحد يشوف منك حاجات مش شايفها قبل كده.

وهنكمل لسا في باقي .. ده لو الحوار عاجبكوا

ولو حد عنده تعليقات ولا حاجه يا جماعه خلينا نتناقش ..

يُتبع ..