[بنت المدينة]

انا اقولك وجهة نظر زوجي في الموضوع اتكلمت معاه بصراحه كلامو كان مقنع

يقول انتي ماتعرفي المجتمع الي عايشه فيه متخلف لمن قاعد واحد صاحبو مره بيحكيه كيف شاف زوجت صاحبو وقديش كانت حلوة و.. و .. و .. وبعد دى كلو ماتقدر تعزرو او تعزر الرجال الي بيتصرفو كدى مع اهاليهم عشان مجتمعنا لسه مااتعود عالوضع ولا اعتقد انو حيتعود أنا جاتني وظيفه تعتبر لقطه بس للاسف زوجي رفض بسبب انو هو فقسم الرجال وانا حكون فقسم النسا قال والله حيهتكو عرضك لو عرفو انك زوجتي

فإنت عايش فمجتمع متخلف بصراحه ويبغالنا اشوااط واشوااط حتى نرتقى ونفهم

بس الحمدلله رغم دى انا زوجي بالعكس بطلع معاه عادي ونروح اماكن عامه مو مررره يعني

كمان لا تنسى انا في ( المدينه ) ونسبه الباديه اصبحت عندنا 90% ولله الحمد يعني تعال واتفرج


شكرا عالموضوع الرائع أخي زاكي