[سحابة]

شكل الحب بعد كم سنة !

الحب سنة2007:

الشاب الروش والشابة الروشة ماشين فى الجامعة ..
الشاب الروش خبط فى كتف الشابة الروشة غصب عنه ..
الشاب الروش: آسف ..(ولما خد باله إنه خبط بنت تدارك قائلا) .. ياقمر
الشابة الروشة : هي هيء .. ولا يهمك ..
الشاب الروش: أفتكر أنى شفتك قبل كده .. يمكن فى أحلامي ؟
الشابة الروشة: أيوة أيوة لما كنت راكب العربية بتاعتك ال ال
الشاب الروش : أيوة أيوة ال بي ام البرتقانى ..
الشابة الروشة : ساعة ماركزت النور فى عينيه ياقاسي ..
الشاب الروش : آسف ياحبيبتى ماكنتش أقصد بس عينيكى خطفونى من أول نظرة وكنت عايز أعرف اذا كانوا عاديين ولا لانسيس بس اطمنت لما عرفت إنهم مزروعين ..
الشابة الروشة : كده أنا عذرتك ياحبيبى .. وعرفت ان نيتك كانت كويسة .
الشاب الروش: هأشوفك النهاردة في (أي مصيبة تشيلهم) ياحياتي ..
الشابة الروشة: طبعاً يا حبى وأنا أقدر أتأخر ..
جايز

الحب سنة2009:

الشاب الروش والشابة الروشة ماشيين فى الجامعة وهو خبط فى كتفها من غير قصد .
الشاب الروش: آسف يا حبيبتي ..
الشابة الروشة: ولا يهمك يا حبيبي .
الشاب الروش : أدينى نمرة الموبايل بتاعك عشان أقولك أني بحبك بعد المحاضرة ..
الشابة الروشة:............... وابقى ابعتلى ميسد وأنا هأعرف إنك بتحبنى عشان مش فاضية أقعد اسمع ..
الشاب الروش: كده أنا أحبك أكتر .. باي !
يمكن

الحب سنة 2011:

البيبي الروش والبيبى الروشة بيلعبوا في في الحضانة (سنهم 5 سنين)
البيبي الروش: حنو أوى السندوشت اللى معاكى ده (حلو أوى السندوتش اللى معاكى ده).. تديهونى وأتكوزت عنفى دنوقتى حانا قدام الكناس كله (و أتجوزك عرفى دلوقتى حالا قدام الكلاس كله) ؟؟
البيبى الروشة: موافقة بس تاخدنى لفة عالعجلة بتاعتك ..
وبعد الفسحة ..
البيبي الروشة: الواد سامي اللي في أولى ابتدائى بعتلى ماسيدج بيقولي أنه عايز يكتب عليا النهار دة عرفي أقوله إيه ؟
البيبي الروش: قونينه إنى طنقتك يا عمني (قوليله إنى طلقتك ياعمرى)
دى الحكاية احولت خانص .. قصدى احلوت خالص.

الحب سنة 2013:

الشاب الروش والشابة الروشة ماشيين فى الجامعة وخبطها فى كتفها غصب عنه
الشاب الروش: آسف ..
الشابة الروشة: لا ولا يهمك....
ويمشى كل واحد فى طريقة من غير مايبص عالتانى...
..
..
..
..
..
..
..
..
..
..
..
..
..
عارفين ليه عشان مبقاش فيه حب .
حاسبوا على نفسكم ياجماعة فى العصور دي وياريت نحافظ على معنى الحب الحقيقى قبل مايضيع .. وسمعنا يابنى لما النسيم .. وربنا يتوب علينا يارب من الأغانى وسنينها ..
ويارب يعجبكوا الموضوع مع انه مش قد كده يعنى معرفتش أكتبه كويس .



مع خالص حبي وتحياتي

منقوووووووووووووووووول
مع تحيات
سحابة