|
|||||||
 « آخـــر الــمــواضــيــع » |
 |
|
|
أدوات الموضوع | انواع عرض الموضوع |
|
#1
04-08-2007, 01:35 PM
|
|||
|
|||
][][§¤°^°¤§][][انا وأمي وحديثٌ ذو غزل .. !!][][§¤°^°¤§][][
انا وامي وحديث ذو غزل .. !! .. يمه شلونك عساكي بخير .. ؟! .. انا بخير ياوليدي .. شلونك عساك بخير .. يمه وش هالحكي الله يهداك .. عسى ماشر ياوليدي وش صار وانا امك .. تسأليني عساي بخير .. ايه ياوليدي عسى ماشر .. وين الشر يايمه وانتي الخير كله .. يايمه طول ما انتي فيه انا وربي يايمه بخير .. الله لا يحرمني منك ياولدي .. اشوفك اليوم غير .. مدري يايمه احس اني مشتاقلك حيل , ودي يايمه اضمك , ودي والله ابوس رجلك , ودي ياميه والله ودي .. .. علامك ياولدي وش بلاك عسى ماشر , توك معي , من شويه كنت عندي .. كيفك يايمه بالحساب .. ؟! .. اسالك وش فيك تسألني كيف انا بالحساب .. !! .. انتي هلحين علميني .. .. انت عارف اني افهم بالحساب وماني جاهله .. طيب بسألك .. كم نجمه بالسماء .. ؟! .. عددهم كثير وما احد يقدر يحصيهم .. .. كم حبة رمل بالصحاري يايمه .. ؟! .. من يقدر يحصيهم ياولدي اذا انت تعرف قول خلك احسن من امك .. .. لا والله يايمه ماني بحسن منك , لا وربي ما اعرفهم ولا اعرف عددهم لكن يايمه اكثر من الرمل والنجوم حبك بقلبي يايمه .. .. وانا والله ياولدي اعزك واغليك , الله يرفعك دنيا ودين .. تدرين يالقلب الحنون .. .. تكلم ياولدي .. .. شَعْرِكْ الليله زايد حلاه .. في هذي صدقت والدليل هالكم شعره البيض .. ايه صح تعالي خليني اعدهم .. اممممممم ا .. 2 .. 3 .. 4 .. 5 اممممم بس خمس شعرات .. اول الغيث قطره ياولدي .. .. ما بعد المطر غير خير .. وقلتلك انتي الخير كله يالحبيبه .. بالمجاملات خذ ولد , محد يقدر عليك .. لا وربي ما اجامل وبعدين تعالي بقلك .. ماني جايتك مافيني اقوم .. .. يازينك وانتي تِنَكِتِي يايمه وربي عسل لكن بعلمك وش دلالة هالكم شعره البيض .. .. لا والله نزل المطر .. هات ياقلبي وقول .. .. الشعره البيضاء الاولى .. تدل على رفعه دنيا ودين ان شاء الله .. اللهم امين .. والثانيه .. .. الثانيه طال عمرك زيادة وقار ودلاله على حكمه ونضج .. اللهم امين .. والثالثه ياوليدي وش تقول عنها .. .. هذي طال عمرك تدل على قلبك الابيض الطيب الحنون .. اللهم امين .. والرابعه ياقلبي .. .. هذي ياحياتي اعمالك البيضاء عند ربي بإذنه تعالى .. اللهم امين .. والخامسه ياوليدي الغالي .. .. الخامسه طال عمرك تدل على طهرك وعفافك وحبك لنا حنا عيالك والجميع .. اللهم امين .. تدري ياوليدي .. هلا يالغاليه .. .. كلامك ريحني واثلج علي صدري واسأل الله انه يرزقك الجنه انت واخوانك وكل المسلمين .. يايمه حنا من لنا غيرك .. وايش نبي بهالدنيا غير رضاك والجنه .. تكفى ياوليدي ادعي لأبوك بالجنه .. آآآآه يايمه ابوي مات وانا صغير .. الله يرحمه ويغمد روحه الجنه .. اي والله اسال الله انه يرحمه ويغمد روحه الجنه ويسقيه من ماء الكوثر ويجمعنا معه بالفردوس العظيم .. يمه كلميني عن ابوي الله يرحمه .. .. آآآآه ياوليدي وش اقول واش اخلي .. ابوك كبير ياوليدي ابوك مامثله احد في حبه ووده لي ولكم انتم ياعياله .. كان يحبك يايمه .. ؟! .. استح ياولد .. وغير السالفه .. لا ترجع الذكرى وابكي عليه .. معقوله نسيتيه وتخافين ارد ذكراه لك وتبكين .. لا وربي ماهو قصدي وربي مانسيته ولا عمري انساه .. تحبيه .. ؟! .. ايه احبه .. كيف ما احبه وانتم عياله , كيف ما احبه وهو صاحب القلب الكبير .. وهو كان يحبك .. ؟! .. مو بس يحبني الا يعشق الارض اللي امشي عليها .. .. وربي ما الومه يايمه مثلك نادر بالوجود , آآآآآآآآآآآه يايمه ليت يومي قبل يومك .. الله يعطيك طول العمر ياوليدي وتشوف اولادك واولاد اولادك .. بوجودك يالغاليه .. .. ياااااااااارب اسعد بشوفتهم , واشوفك عريس ياوليدي .. ان شاء الله يايمه لكن تدرين انا لو بتزوج راح اسكن في ذيك الغرفه .. اي غرفه .. .. هذيك الغرفه اللي جنب غرفتك , عشان اكون جنبك لو احتجتيني , ولا اقولك اخاف اولادي يزعجونك بلعبهم لا انا بسكن بالغرفه الثانيه البعيده شوي لكن بحط بينها وبين غرفتك انترفون عشان لا بغيتيني تناديني .. ولا اقولك لا لا لا لا لا لا يايمه ما ابي اتزوج ابي اكون نعلك اللي تمشي عليها , ابي اكون ثوبك اللي تلبسيه , ابي اكون نسمة هواك اللي تتنفسيه , ابي اكون عندك ويمك اذا رمشتي اسمي عليك , واذا جلستي ادعي الله يستر عليك , واذا نمتي اسأل الله ترعاك عينه , يايمه والله مامثلك احد , يايمه والله مامثلك احد , يايمه والله مامثلك احد .. .. تدري ياولدي .. ما اقول غير الله يستر عليك .. امين يايمه واسال الله انه يستر عليك , واسال الله انه يغفر لك ذنوبك , واسأل الله لك الجنه والفردوس العظيم , واسأل الله انه يعافيك , واسال الله انه يهنيك ويهدي من يعاديك , واسأل الله انه يرحم والديني ووالديك .. واسال الله انه يغفر لكل مسلم ومسلمه ويهديهم جميع .. اللهم امين , اللهم امين , اقول ياولدي .. .. هلا يمه .. وش هالريحه اللي فايحه بالبيت .. .. يمه هذا غداك .. الله يعوض عليك .. .. لاااااااااااااااااااااااااااااااااااااااااااااا .. انتهى .. قبل كم اسبوع وبعد ان انتهت صلاة الجمعه وخرجت من المسجد ما ادري وش فيني حسيت بشوق لأمي بشكل غير طبيعي وطول ما انا بالسياره متجه الى البيت قاعد اتكلم بيني وبين نفسي وكأني في حوار مع والدتي الله يطول بعمرها ويرزقها الجنه وإياكم فنتج عنه ماكتبته اعلاه .. واتمنى ان ينال اعجابكم .. بقلم المحب لكم .. اخوكم الحالم ودمتم بود وحب وتسامح والله يرعاكم ,,,, 
|
|
#2
04-08-2007, 03:10 PM
|
|||
|
|||
|
ياحليله وحليل امه
الله يخليلنا امهاتنا يارب احس الام تحب الولد الي يمازحها كتير ويتغزل فيها الله يكسبنا رضاها حسيت نفسي ابغى ابكي وانا اقرى رحت كلمت امي على طووول تسلم عالموضوع الاكثر من رائع
|
|
#3
04-08-2007, 07:33 PM
|
|||
|
|||
|
يا قلبي ليك يالحالم الله يسكن جميع أمهاات المسلمين الجنه يارب
يسلموالحالم على الموضوع الحلو اللي يستحق القراءة فالجنه تحت قدام الامههات
|
|
#5
05-08-2007, 03:08 AM
|
||||
|
||||
|
ياهلا وغلا بالاخت العزيزه .. بنت المدينه
اشكرك على المرور والتعليق ولاحرمني الله تواصلك اقتباس:
تصدقي يوم قريت كلامك يوم تقولي ياحليله حسيت اني بزر توه فاقص من البيضه خخخخخخخخخخخخخخخخخخخخخخخخ اقتباس:
اقتباس:
الله لا يحرمنا منهم ويسكنهم فسيح جناته اقتباس:
وتقبلي مني أرق وأطيب الامينات
|
|
#6
05-08-2007, 03:10 AM
|
|||
|
|||
|
ياهلا وغلا فيك اختي العزيزه .. همسات قلم
اشكرك على المرور والتعليق ولاحرمني الله تواصلك اقتباس:
اللهم امين .. اللهم امين ويسلملي هالقلب وصاحبته وتقبلي مني أرق وأطيب الامينات
|
|
#7
05-08-2007, 03:25 AM
|
|||
|
|||
|
ياهلا وغلا بالاخت العزيزه .. طعومة جده
اشكرك على المرور والتعليق ولاحرمني الله تواصلك اقتباس:
اللهم امين .. اللهم امين
|
|
#9
07-08-2007, 10:13 AM
|
|||
|
|||
|
ياهلا وغلا بالاخت العزيزه .. لحظة حب
اشكرك على المرور والتعليق ولاحرمني الله تواصلك اقتباس:
الله يخليك يارب وتقبلي مني أرق وأطيب الامنيات
|
|
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| انواع عرض الموضوع | |
|
|
العرض العادي
