|
#1
04-10-2006, 08:50 PM
|
|||
|
|||
اعتـــــــــراض حمــــار
اعتراض حمار
عجبي عليك يابن ادم يا كبير الدار قومت الدنيا وماقعدت لما قالوا حمار هو اسمي شتيمه ولادى حاجه عار خلقني ربي وخلقك ولا حدش له خيار وانا مهما زاد الحمل فوقي صابر على المشوار لا في يوم اقول اشمعنى اخويا واخد منه تار ولا يوم ابص لرزق غيري واطق منه واغار ولا ارفع في يوم عيني على جارتي واصون الجار ولامهر ادفع لحمارتي وشبكه وسوار ولا شبكه اجمع في تمنها ولا اجهز دار ولا حرمي حامل تتوحم عايزه خيار ولابنت تخرج عن طوعي وتجيب العار ولا ابن يدمن ويهلوس ويقع ينهار عايش حياتي ومتهني وليه افكار؟ باكل وبشرب وانهق ومفيش اسرار وعندي ابن ادم يخدمني ليل ونهار ان جعت يشتري برسيمي باغلى الاسعار وفي مرضي يفضل يعالجني ويدعي الستار خادم امين من غير راتب ولاحتى ايجار دلوقتى عرفت يابن ادم مين فينا الحمار!! ؟ 
|
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| انواع عرض الموضوع | |
|
|
العرض الشجري