|
#1
24-06-2005, 07:35 PM
|
|||
|
|||
امثال مكاوية
امثال مكاوية قح ( بضم القاف) عقله زي الكيلون كلمة توديه وكلمة تجيبه( الكيلون قفل الباب يمين قفل ويسار فتح) القدر قال للمغرفة ياسودة و معجرفة قالت كلنا اولاد مطبخ زي بغل الطاحون لا عافية و لا نظر(و في رواية زي موظف .....الخ) سوي طيب وارميه في بحر جاري ان ضاع عند العبد مايضيع عند الباري لا من خيره اعطاني و لا من شره كفاني و حياة خالقك ماني مفارقك مو محبة فيك بس عشان اضايقك قبل ماخطب عبى الحطب وقال احط الكوانين فين؟ (الكانون: طباخة تعمل بالفحم) لا يتسرى ولا يبات بره( دلالة على الاستقامة) ارسل مرسول ولا ترسل فلوس حلم البساس كله فيران لا قدرك يغلي ولا مقلاتك تقلي وانا زليت (مريت) عليك من قلة عقلي قال يا حلاق شعري ابيض ولا اسود؟ قال دحين ينزل قدامك و تشوفه قالوا لفرعون ايش فرعنك قال ما لقيت احد يردني خنفسانة شافت بزورتها ع الحيط قالت ياعمري لولو في خيط رد أبو وردان هو اللي زي وزيك يجيبوا وحشين؟ بده يعرف القار و القرير والبيضة كيف تصير مكسحة وتقول للصايغ تقل الخلخال خاطر الاعمى قفة عيون تفلوا ف وجه الرزيل قال دي مطرة زي يوم الشتا قصير و نكد ايش ينفع الظراط عند طلوع الروح غير يقرف الحاضرين و يفرق الملايكة أعمى قال لآأطرش خلينا نشوفك الباب مفتوح و الصدر مشروح و اللي يجي يجي واللي يروح يروح اللي عنده قرش محيره يشتري حمام و يطيره اللي ما عنده شي يشغله يفتح الباب و يقفله زي الحلاق يضحك على الاقرع بطقطقة المقص زي الشيال ما يذكر ربه الا في الحملة الثقيلة زي القنفذ لاينحضن ولاينباس ) شرس البعيد) زي أباريق المسجد كل واحد شكل زي سلاقين البيض اول بأول زي قبور اليهود بياض و قلة رحمة زي قراية اليهود ثلثينها كذب زي كلاب الازقة يعضوا ع الماشي زي مزح الحمير كله عض و رفس زيطة و عيطة على مخيطة( المخيط: ثمرة شجر النيم)(يطلق فى الخلاف على الشئ التافه) صباح الخير يا أعور قال دا شر بايت ومسك الختام مثل كانت ستي الله يرحمها تقوله لمن البنت ترجع بيت اهلها غضبانة: وقت الكباب صكوا الباب ووقت الملوخية اجمعوا الاهلية عاد اتخيلو المكاويين وهما يقولوها  زي نينتي يعني ستي
__________________
|
|
#4
25-06-2005, 10:40 AM
|
||||
|
||||
|
الأخت طعومة جدة شكرا على مشاركتك المتميزة وأتمنى نقل الموضوع إلى منتدى الحجاز فهو الأنسب وشكرا
__________________
توكلنا على الله
|
|
#6
01-07-2005, 01:37 AM
|
|||
|
|||
|
أمثال لذيذه زيك ياطعمومه
تسلمي والله
|
|
#7
03-07-2005, 01:19 PM
|
||||
|
||||
|
ايش دا ياطعومة
امثال مكاوية قح القح. بس آخر لذه 
__________________
|
|
#9
27-07-2005, 10:00 AM
|
|||
|
|||
|
يا ابويا ايش الكلام هادا كلام خطيررررررررررررر مرة
تسلمي يا اختي طعومة 
__________________
 
|
 |
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| أضحك وكأني رايقة البال | DoDa AlBtOoOtA | الشعر | 3 | 26-02-2008 10:40 PM |
| حصريااا...... امثال عــــام 2007 | بنت المدينة | طرائف والألغاز والفرفشة | 6 | 09-06-2007 02:56 AM |
| امثال بالشكل الجديد | بنت المدينة | ركن الذهبية العام | 17 | 03-04-2007 06:14 AM |
| امثال كومبيوترية | طعومة jed | طرائف والألغاز والفرفشة | 5 | 04-09-2006 03:02 PM |
| فتاة تموت وهي تستعرض جسمها في البال توك | كل الحب | ركن الذهبية العام | 5 | 03-05-2005 03:00 AM |
العرض العادي
