|
#1
21-10-2006, 02:22 PM
|
|||
|
|||
حدث مع رجال الهيئة
في يوم الاحد الساعه 1 الظهر ركبت سيارتي متوجه لمدينة الخبر وانا ساكن في الرياض مشيت وانا ماشي طبعا مسرع بالطريق وصادفني امن الطرق وعطاني مخالفه سرعه <<حسبي الله عليهم كان عندي شغل هناك خلصته ونمت شوي وجيت ووصلت على الساعه 12 بالليل كنت تعبان من الطريق نمت وصحيت الساعه 9 الصباح شفت نفسي فاضي رحت لم المملكه بجيب لي شي انا طالبه من هانك قبل ذا الكلام بااسبوع وانا جاي بدخل صادفني احد المشايخ وانا امشي جا جمبي وقال لي امشي وانت ساكت وبلاش فضايح قلت وش تبي قال معك الهيئه قلت زين وامشي يوديني الغرفه حقت الامن واخذت شوي جو مشايخه 2 قالو لي تعال القسم معنا قلت وش السالفه ياجماعه تراني ماادري توني صاحي وجوعان ولا بعد افطرت قال تعال الموضوع مو مطول قلت زين وامري لله ويركبوني معاهم ويمشون للقسم حق الهيئه بعد ماوصلو نزلوني وحطوني بغرفه صغيره وجا لمي واحد قال لي تعال يا((ملكع)) قلت طيب ..!! مو مشكه واجي قال لي البنات اللي معاك امس وينهم وانا ابتسم قلت اي امس ياخوي تراك غلطان امس انا منيب في الرياض جاني كف يمشي مليون قال لي امس انت بسيارتك وبنفس اللوحه وبنفس الشخص طردناك من المملكه لشارع العليا واختفيت قلت ياابن الحلال والله العظيم اني مو في الرياض انا رايح الخبر ومعي مايثبت كلامي معي مخالفه بسيارتي ودوني سيارتي واجيب المخالفه شاتني مع بطني عورتني الظربه وقلت له يااعزيزي انا ماافطرت وانتم شلتوني وانا مالي ذنب على الاقل ابي ابي اكل او لاتظربني مع بطني انا الى الحين ماسك نفس وبقوه وهو اللي يتسلط على بطني ويبيني اعترف ويظربني الين قمت احس نفسي ادور من الدوخه حاولت اقاوم شوي كلبشوني بالطاوله وقامو يشوتوني ويظربوني حتى من النذاله الهندي اللي يصلح الشاي معهم انا في الحاله ذي بديت افقد وعيي على شوي شوي واغما علي .... بعدها صحيت لقيت في يديني اثر من حق البصمات الازرق ولقيت مرشوش بمويه على ثيابي وغرقان فيها ومشغلين التكيييف على اعلى شي انا قمت برداااااااااااااااااااااان ناديت جاني واحط يخوف وجهه اسود اللون قلت له ياخي حرام عليكم رمضان جاي والناس تدور الاجر دورو الاجر فيني وشوي شوي علي قال لي خلاص الحين تتحول على قسم الشرطه وبعدها على السجن قلت ليه ان شاء الله باااي ذنب قال لي انت اعترفت بكل شي ؟؟؟؟ قلت متى ؟ قال مدري اسأل نفسك قلت وش قايل لكم ؟ ووش انا مسوي والله اني ماسويت شي وهو يحط رجله على رقبتي قال بتنطم ولا ذبحتك قلت اذبحني لكن شف ترا ان طلعت من هنا قسم بالله العظيم اني لاااسااويك بالزفلت يازفلت قال لي ((ياعدو الله )) قلت ماتستحون الحين انا ماسويت شي ومعي مايثبت وسيرتي ولا احلى منها ليش كذا تخربونها قال ولا كلمه وطلع انا جتني ضيقه لدرجة اني نمت مادريت او اغما علي صحيت لقيت العسكري يدبج فيني مع بطني وانا جاايع بغيت اموت من البقوس ركبوني في الجيب وودوني لقسم الشرطه من كثر مانا تعبان لما وصلت القسم قلت انا وين في الرياض ؟ ولا وين اول مادخلوني الحجز ناديت العسكري قلت له جوالاتي معكم ومحفظتي قال جوالاتك موجوده بدون شرايح وبدون ميموري ومحفظتك الهيئه مسلمينها لنا بدون اي فلوس وكاتبين في الورقه انه استلم جميع اغراضه ومبصم انت عليها وقلت ابي اي جوال ابي اتصل في اهلي في ابوي في اي احد اتصلت على اخوي وجاني علمته بالسالفه كلها قال لازم يدري الوالد راح لم ابوي وقال له السالفه كلها ابوي راح لم الامير سلمان بن عبدالعزيز الله يطول لنا بعمره ويحفظه وقال له السالفه كلها وجاب معاه المخالفه انا مانمت لان الحجز كان مره وصخ والناس اللي فيه استغفر الله ماعمري خفت ولاعمري كرهت اشكال غير اشكالهم ودوني على طول لم هيئة التحقيق والادعاء العام وحققو معي وكتبت جميع اقوالي هناك وبعدها طلعني ابوي ورحت انا وياه لم الامير سلمان بن عبدالعزيز وقلنا له السالفه استدعا الهيئه وماقصر والله قال لي من اللي اذاك واقول كل اللي مئذيني وكتب فيهم تعهد وان كان بيسوون شي مره ثانيه فصل من اعمالهم والحمد لله انتهت السالفه بس عشت اخيس يوم بحياتي ذاك اليوم الكئيب اللي بالحجز وياجماعه ان كان بتدعون على احد قولو له الله يجعلك تنحجز عند ناس وصخين زي ذوليك سبحانك اللهم استغفرك واتوب اليك ....................................... قصة اخري من المسجد وانا رايح للبيت المهم اخذت غرض من البيت وطلعت بسرعه الي قدامي جمس الهيئه وبيركب له شاب في عنفوان شبابه مثلي  ويحاول فيهم والله وشوي يحب رجلينهم الي ما يخافوون الله المهم ركبوه بالقوة في هذه اللحظه انا انقهرت  وتتطاير الشر من عيوني  وشعر راسي وقف  <<<< مثل هذا  وقلت بارجع للبيت شوي واكتب الموضوع هذولا حرااام الواحد يستر عمايلهم المهم رجعت البيت وكل العاده تعوذت من ابليس وما كتبته الى ان جت ساعة الحسم الي بعدها حلفت ان الموضوع ينزل واكتبه لو بوصيتي شفت مقطع بالجوالات شيءءءءءءءءءءء يقهرررررررررررررررررررررر  المهم انا اشتغل بالشرقيه حلو وكل ويك اند غالبا اجي الرياض عند اهلي المهم ذاك الاسبوع كان عندي اوف من يوم الاثنيين قلت خليني ياواد اروح للرياض عند اهلي حلو رحنا للرياض الله لا يعيدها من روحه المهم وصلت الحمد لله على السلامه المهم كان الجو ببالرياض جو خرااااااااافي امطار وبرد و الجو فله المهم قلت ذاك اليوم الي هو يوم الثلاثاء الاسود باطلع على الساعه خمسه العصر بروح اخذ لي غرض من التحليه وانا راجع المهم وانا راجع للبيت قلت بامر اشتري لي كابتشينو شرينا الكاشتبينو عاد رجعت للبيت من وين  قلتو لي من وين اقولكم راجع للبيت من عند ركزوا معي للي يدلون بالرياض راجع من عند طريق الامير عبدالله بس جاي من عند فال حلو المهم في واحد هناك يبيع نعناع المدينه عند الثانويه التجاريه عرفتوه ترى نعناعه تعبان لاتشترون منه لا بجد شريت منه وانا راجع تخبرون في مطبات على شارع الحوامل عساهم مايولدون لانهم هم السبب المهم وانا طبعا مهدي عشان المطبات الا لفت نظري  بنتيين يمشووون ووراهم ولد يستذكي يسوي نفسه يكلم بالجوال والعالم الله انه جالس يرقمهم بتقلون وشلون دريت اقولكم وحده منهم وهو طبعا لازق فيهم من ورى قريب مررررررررره وحده منهم التفتت عليه ناويه تضربه بالشنطه وهو سحب راسه والناس انتبهوا للموقف يعني الحركه صارت على اللفه والعالم زحمة خلقه والسيارات زحمة برضوا يعني حركه كانت ملفته للنظر انا كنت اطالع فيهم ومادريت الا بصوت بوري جيب ( مدري وش يسمونه الخليجيين )البوري هو المزمار بتاع السياره الظاهر سيموونه .............. لق عليه بصوت عالي احسبه وراي يوم طالعت الا هذاك الهيئه ويصايح وما اسمعه لانه بسيارته وانا بسيارتي والله ما حلفتوني على بالي يصيح على الشاب الي مسوي المشكله مع البنات وربي فرحت يوم جووا قلت كويس خليهم يتفاهمون معه متعرض بنات المسلميين ولا حوامل  المهم الا اخينا بلله طلع يتكلم علي انا المهم قلت له تكلمني قال ايه انت ومطير عيونه تقول صايد له صيده ثمينه حسبي الله عليه المهم قلت له الحين تارك هذا وانا أأشر على الولد الي مسوي المشكله وتكلمني المهم الناس تركوا الولد وصارت عيونهم علينا المهم اخذته العزة بالاثم ويوقف سيارته قدامي قفل الطريق علي وينزل ابن اللذين المهم انا بسيارتي الى الان المهم ويجي ويدخل راسه مع طاقت ( دريشة , نافذه ) السياره والله يا ناس راسه قدام راسي وبياخذ مفتاح السياره قلت له هيه وش فيك انت صاحي ولا مجنون تبي بطاقتي عطيتك اياها الا عاد الناس تجمهروا ماصدقوا خبر والافغاني هذا سوالي فيها قام يصايح بصوت عالي ويقول ياصايع يا داشر قلت له الصايع والداشر انت واشكالك ويجي يمد يده وبيمسكني مع ثوبي عاد نزلت من السياره والقطه مع ثوبه مدري الا العسكري يصيح بصووت عااااااااااااااااااااااااااالي ويزاعق تقول ميت ابوه تضررررررررررررررررررررررررررررررررررررب الشااااااااااااااااااااااااااااااااخ تضررررررررررررررررررررررررررررررررررررب الشااااااااااااااااااااااااااااااااخ تضررررررررررررررررررررررررررررررررررررب الشيخ نالي نفسك احط صور ضحك قلت له اضربك انت وياه المهم الا يجوون الشباب يفرقوون بينا وطبعا بطاقتي والله اعطيته من اول شيء يعني مالها داعي الفلسفه قدام الناس المهم قال اركب الجيب قلت ايش قال اقولك اركب طبعا الطريق واقف تخيلوا السالفه والناس متجمهره الله لا يجزاءه خير والله لا يبيحه المهم قالوا الششباب يابن الحلال اركب معه واتعوذ من ابليس المهم بعد اخذ وعطاء اقتنعت وركبت معه بالجيب جيت باركب قدام قال لي ورى رحت باركب ورى بالمرتبه الثانيه قال ورى ورى قلت له والله مايخسي الا انت تركبني بالشنطه قال اقولك اركب قلت احمد ربك اني ركبت المهم اااااااااااااااااااااااااااااااااااااااه باشرب مويه انقهررررررررررررت واحتررررررررررررريت المهم ركبت معه عساه المرض وانا والله طول الطريق اتحسب عليه المشكله ما معي شماغ يعني لو معي تقدر تلطم لا احد يشوفك وشوفوا من وقاحته ماخذني يلفلف فيني بصحارى مووووول قسم بلله وقح المهم بعددها رحنا لقسم الملك فهد يقولون اخس قسم هيئة بالرياض المهم الققسم كلكم عارفيين وشلون عباره عن فلة ومستاجره وصايره معتقل لهالاشكال المهم سيارتي طبعا كان يلحقنا فيها مين العسكري انا والمطوع والمطاعه منه براء وصلنا قبل العسكري هذاك تاخر قلت الله يستر لا يكون صدم بسيارتي هذا حده هايلكس المهم فتح باب الكراج ودخل الجيب والا يقول لي انزل ونزلت الا يجيني المطوع ويوقف عند راسي شوي ويحط خشمه بخشمي تقووول بياخذ الشفه والله حركات سرااابيت تدروون وش يقول يقول قبل شوي مسوي فيها رجاااااااااال وربي ماني مصدق اطالع فيه قلت انت صاحي ولا مجنون قال مسوي فيها رجال هااااه قلت رجال قبل لا اشوف وجهك المهم قلت له شوف وربي تراه خربانه خلااص لا تخليني اتوطئ ببطنك بهالحوش والله مايفكنا احد هالكلام كله والناس طبعا تصلي المغرب يعني ماكان بالقسم الا انا وياه وباب الكراااج مفتووح المهم وانا وياه نتلاعن مادرينا الا السياره الي داخله علينا تمشي مليووون عاد طلعت الكراج مرتفعه والله وجه سيارت حك بالطلعه الا الابله الشرطي داخل علينا بالسياره قلت له بصوت عالي وانا مقهور سيارتي توه جديده جديده قلت له شوي شوي عسى يدينك الكسر المهم الا وقف السياره ونزل العسكري ويروح هو والمطوع يفتشون السياره قسم بلله قلبوها قطعه قطعه يقول لي ابن الايه وين حاط المعروض عيني عينك يتبلاني المعروض طبعا للي مايعرف عباره عن رقم تلفون مكتوب على ورقة بخط كبير لسهولة الترقيم حركات الشباب مايعوق معهم شيء طبعا هالكلام قبل البلوتوث  المهم قلت له اي معروض قال لا تستهبل قلت له والله انك مرييض انت المهم وهو يقلب بدرج السياره اسمع صفق يدينه بالدرج قلت له وش فيك انت شوي شوي الا و اشوف الكابتشينو الي شريته ولا شربته مكبوب على السياره من داخل واطالع بالعسكري قلت له يهووووووووووووووودي انت تكب الكوفي بالسياره قال ابك لا تزعجنا من زين هالسياره والله لو انه لقزز قلت لقزز الله يخلف بس المهم خلصوا من السياره ومن شنطة السياره جاني المطوع قال طلع الي بجيبك قلت وش تبي قال طلع محفظتك قلت من جدك انت قال ليش اعرفك امزح معك  المهم واعطيه محفظتي ويفتشها وهو يفتش يقول وين الارقام يا ناااااااااااااااااااااس يغببببببببببببببببببببببببببببن المهم والا يلقى ورقه صغيره فيها ارقام تحويلات بالعمل قال هذي الارقام ويش قلت وش رايك بارقم باربع ارقام وخليها تكمل الباقي من راسه يلعن ام الغباء ياناس رقم تحويله اكستنشن اربع خانات 1234 احد يرقم باربع ارقام المهم ويطلع بطاقتي الوظيفيه هو طلعهاااااااااااااااااااااااااااااااا قال ايههههههههههههههههههههههه وشايف نفسك من اليوم عشانك قلت له يا ابن الذين متى شفت نفسي قال لا لا انت مشكلتك كبيره طحت بيدينهم ولا احد سمى علي  المهم قال لي وش تبي بالبنات الي تغازلهم قلت له يا ابن الحلال والله والله ماغزلت وعلمته سالفة الشاب مع البنت قال ليش تتطالع فيهم قلت ياخي نامر بالمعروف وننهى عن المنكر ولا النهي عن المنكر الرسول قايل بس للهيئه قال لا ماقال بس وجهك كله معاصي قلت والله المعاصي بوجهك قال ايه شوف وجهك حاط بوجهك قفل يقصد السكسوكه  وبعد تبي تنهى عن المنكر قلت اقول انا حاط قفل وانت وش حاط المهم قال خلينا نصلي وبعدين نتفاهم معك شوفوا الحين بنصلي المغرب مع ان وقتها طلع  ودخلنا دخل القسم هي طبعا مثل اي تصميم اي فله سكنيه عاديه المهم يوم جينا نتوضا داخل قال لي لا تتوضا داخل روح توضاء هناك يقصد برى البيت عند الملحق يوم رحت هناك طلع حتى وانتم بكرامه نور الحمام خربااان المهم صلينا ا الا على جيت جيوبهم وجموسهم بالحوش وكل واحد يحكي قصصه ورواياته وكل واحد يصورني من فوق لتحت وكل ما جاء واحد قام الثاني ويكلمه باذنه وهذا يقول ايييييييييييه المهم انا والله من القهر الي فيني قسم بلله خفت تجيني جلطه والا سكته يا ناس الرسول اللهم صلي وسلم عليه متعوذ من قهر الرجال المهم جاني وجه بن فهره قال فلان تعال الغرفه هذي يوم جيت الغرفه الا غرفه بلاااااااااااااااااااااااااط وفيها كرسي حتى مكيف مافيها بس اشوا انا كنا بالشتاء دخلت الغرفه عاد تخيلوا الوضع جاي ويك اند مسير على اهلي ولا غير ذلك نسيبي عازمني نفس هذا اليوم والساعه الان يمكن وصلت 8 العشاء المهم فتح عسكري علي الباب وواحد والله محترم الله يذكره بالخير قلت له يابن الحلاااال تكفى جيب لي كاس مويه المهم راح وماقصر جاب لي المويه المهم كل شوي فاتح علي الباب ووواحد من مبزرتهم طلبه بالمتوسطه متعاونيين معهم يدربونهم ممن الحين يعني الواحد تقريبا عمره 16 او 17 بالكثير واذا فتح الباب الواحد منهم يقول انت الي ضاااااااااااااااااااااااااااااااااربن الشيخ والثاني زيه بعد عشر دقايق انت الي ضاااااااااااااااااااااااااااااااااربن الشيخ والثالث نفسه المهم يوم جاني الرابع قلت له ياورع وانا منقهرررررررررررر قلت له قسم بلله لا ادخلك هنا وافترسك انحاااشوا ولعاد جو المهم فتحوا علي بعد صلاة العشاء وصلينا العشاء جماعه وما كان موجود هو عساه مايرجع الا يوم خلصنا التفت على واحد من هالمطاوعه قلت وين رئيس القسم باقابله قال رئيس القسم مايداوم الا الصباح يعني الدرعى ترعى دنيا سايبه المهم قال ليه وش سالفتك قلت له السالفه كلها ووالله كان ابن اجواد وقلت له يابن الحلال تراني معزوم ولا شوفوا من نذالتهم حتى جوالي ماخذينه ولاقفلوه حاطه على السايلنت يوم عطوني جوالي ومحفظتي لقيت في الجوال حوالي عشرريين مسد كول من نسيبي واهلي مايدرووون ويني من العصر طالع ومعزوم ولا ارد على الجوال ومايدروون ويني حسبي الله ونعم الوكيل المهم قال لي ابن الحلال الي صلى فينا العشاء انا باحاول احل السالفه مع الشيخ كل واحد ينفخ الثاني يقوله ياشيخ المهم جاني بغرفتي الي انتم خابرينها قال لا سالفتك كبيره انت ظارب الشيخ قلت يابن الحلال والله لا ضربته ولا صار بينا كلام المهم بعد اخذ وعطاء قال باحاول مع الشيخ يتنازل عن القضيه والمحضر حركاااااااااات يهووووود وربي بيركبووون علي الخطاء المهم قلت له شوف اتركوا بطاقتي عندكم وبروح وارجع لكم بالليل قال لا لالا لا يمكن قلت اجل ويش الي يمكن يا تحولوني على قسم شرطه يحل المشكله قال انتظر واستهدي بلله وكل الامور ستحل المهم الساعه الان حوالي 9 ونص وطبعا ماعطوني الجو الى الان المهم بالخير جاني حوالي الساعه 10 قال انا حبيت راس الشيخ وحاووولت فيه الى ان اقتنع انه يتنازل عن القضيه تعال حب راس الشيخ وتعذر منه قلت والله لو على قص رقبتي ماحبيت راسه يخسي قال لا ترفع صوتك قلت هذا متبليني الله لا يسامحه والله لا يبيحه وتقول حب على راسه مجنون انت قال يابن الحلال قلت والله حتى سلام ماتجي يدي بيده المهم بعد اخذ وعطاء جابوا لي تعهد اوقع عليه تدروون وش مكتوب فيه مكتوب فيه اقر انا فلان بن فلان انا الهيئه القت القبض علي متلبس وانا احاول انا اتحرش بالنساء ومنه الكلام واني حاولت ارقمهم قلت من جدكم انتم ماتخافون الله عيني عينك المهم ومن القهر اقطع التعهد قلت والله لا شتكيكم على الامير سلمان وانا فعلا وربي ناوي اشتكيهم المهم قال انتظرنا هنا شوي يقوله الشيخ الي على باله ماتوسط لي المهم نادوني مره ثانيه الا مسوين تعهد وهالمره مكتوب فيه ان الشيخ قام بنصحي ولم استمع له وراددته بالكلام كانت الساعه حوالي عشر الا الا عاد اعطوني جوالي واشوف انواع المسد كول وانواع الاتصالات والله بين حيره اوقع واروح احضر عشاي الي انا معزوم عليه والا ما اوقع واتحول على القسم واطلع بكفيل بس من هنا لين احول على القسم ويجي الكفيل يبي لي اقل شيء 6 ساعات المهم والله غصبا علي وقعت وانا طالع الي جايني ابن اللذين بيسلم علي بينصحني قلت له اقلب وجهك تخيلوا بلله عليكم والله حتى سالتهم اسم هذا الشيخ الي تبلاني والله رفضوا يقولون لي اسمه ااااااااااااااااااااااه بس شيء وربي يقهر وربي اني كل ماتذكرت السالفه ما انام من القهر عاد كلمت اليوم الثاني على رئيس قسمهم قال لي كتبت تعهد قلت ايوه قال خلااااص مالك حق قلت غصبا عني ابي الفكه منهم قال غلطتك اااااااااااااااااااااااااااااااه بس وربي اني قايم من النوم الان ومن قهري جالس اكتب الموضوع شوفوا الموضوع وش طوله مو ضحك ولا مقال ولا معلومات بس سالفه تقهرشوفوا كم اخذت معي الله لا يسامحه والله لا يبيحه الله لا يبيحه خيلوا رحت بعد فتره يمكن شهرين ولا ثلاثه انا واحد من اصحابي رحنا لصحارى مول في باب الي من الجانب طبعا في قسم رجال حوالي ككم محل المهم دخلونا هذاك اليوم ( للمعلوميه ترى شباب الرياض مايقدروون يدخلوون الاسواق الا مع محرم ) المهم دخلنا محل اشوااااااا ان المحل كله رجالي الا على دخلت بنتيين والله ما اقولكم محتشمات ولا متبرجات مره المهم دخلوا قولوا ضحكتين وطلعوا الا بوجههم المطوع خويي ماغيره هم طاحوا بيده والله والله والله ياجمع على الضعيفات الناس ياصيح عليها يا فاااااااااااااااااااااااااااااااااااااجره ياااااااااااااااااااااا متبرجججججه اغربي عن وجهي اخرجي من هنا وياشر على الباب ويصايح بصوت عالي اغربي عن وجهي يا متبرجه وهو مطير عيونه فيها طيب غض نظرك انا داخل المحل يلله مسكت نفسي قسم بلله كنت ابي اروح اطب في حوض بطنه انقهررررررررررررررررررررررررررت يوم شفته \عندي تساؤل اخير وما ادري توافقوني براي ولا لا لو ان الهيئة تلغي اصبروا علي ان ماراح اقول تلغى مره لاوالله انا مسلم وداري ان ديننا يامرنا بالامر بالمعروف والنهي عن المنكر اقول لو الهيئة تلغى وينشأ بدلا عنها قسم يتبع لوزارة الداخلية بما ان وزارة الداخلية مسئولة عن الامور الامنية بالبلاد ويسمى هذا القسم بالشئون الدينيه ويعتبر قطاع مستقل مثله مثل المرور والشرطه والدفاع المدني وقوات الطوارئ وامن الطرق اخيرا الشئوون الدينيه وهم يهتمون بهذا الامر وراح يكون الفوائد عظيمة ترى السفينه اذا كثروا ربانها تغرق وتدخل الامور الموضوع يروح للهيئه بعدين يحوول للشرطه تعقيدات مالها اول ولا تالي اقوولكم وشلون الهيئة تضم لوزارة الداخليه اذا كانت الهيئة قطاع عسكري يكون اولا لها هيبتها وثانيا العسكري دايم بتلاقي عليه رقابه مو هجوله كالمدنيه عذرا للمدنيين العسكري دايم تقدر تعرفه عليه لوحة اسم تعرف هذا الشخص له اوقات مناوبات تعرف من الشخص الذي كان مناوب تقدر تعاقبه في حالة الخطاء اما المدني اكبر خطاء يرتكبه راح توبخه بلفت نظر لا غير ذلك العسكري مستحيل يدخل القطاع العسكري ارباب السوابق بعكس الهيئه فعلا والله اني اعرف ناس بالهيئه ماضيهم والله مروا على السجون ويوم دخلوا الهيئه صار ينظر للناس بماضيه الاسود وغير ذلك دائما التنظيم العسكري مقيد يعني ماتلقى الواحد يمارس صلاحيات غير مخولة له عليه رقابه بعكس ماهو حاصل بالهيئه الان ماتدري منه المدير من المتعاون معهم مع منه ضيف عندهم بالهيئه كل شخص مقصر ثوبه وله لحيه يتفلسف وماتدري من من الهيئه حتى احيانا تجد اشخاص ينصح ويامر بالمعروف بالاسواق وهو ظاهره ظاهر الصلاح بس ماتدري هل هو موظف هيئة ولا الان الدولة اصدرت قرار حكيم قبل اسبوع الا وهو ان الهيئة لا يلتحق فيها اي شخص الا بعد ان يمر بمعهد انشئ جديد سمي بمعهد الامر بالمعروف والنهي عن المنكر بجامعة ام القرى وعندي سؤال اخير ليش الهيئة وغيرها من الناس تسبق النهي عن المنكر قبل الامر بالمعروف مع ان الايات والاحاديث كلها بدون استثناء كلها تامر بالمعروف ثم تنهى عن المنكر ..................... منقوووووووول
__________________
 
|
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| بحث مهمات وواجبات «الهيئة» في عرعر | مخاوي الليل | الصحافة اليوم | 0 | 07-04-2009 07:46 AM |
| د. سعيد الشيخ: 2800 مليون ريال اجمالي زيادة رأسمال (5) شركات طلبت موافقة الهيئة | مخاوي الليل | إقتصاد ومال واعمال | 0 | 29-03-2009 12:33 AM |
| السعودية.. "الهيئة" توافق على زيادة رأسمال "المعجل" إلى 1.250 مليار ريال | مخاوي الليل | إقتصاد ومال واعمال | 0 | 17-03-2009 11:30 AM |
| أم علي باعت منزلها الآيل للسقوط ب120 ألف ريال وأهل الخير قدموا 23700 ريال تبرعات وتبق | مخاوي الليل | الصحافة اليوم | 6 | 04-02-2009 01:12 AM |
| الى الإخوة الأعضاء هام جداً | كل الحب | ركن الذهبية العام | 8 | 24-03-2005 03:00 AM |
العرض الشجري