عقدة اوديب (الاسطورة الاغريقية وعلاقتها بعقدة اوديب في نظريات فرويد)

[فلاوي]

هاااااااااااااااي يا جماعة

زمااان عن المواضيع

عقدة اوديب الشهيرة


اللي اعتمد عليها ابو الطب النفسي فرويد في تحليلاتو

ايش هيا عقدة فرويد

هيا الحالة المرضية اللي يكون فيها الشاب يحوب امو لدرجة العشق ويغار عليها حتى من ابوه

طب ايش اصل القصة دي؟

اسطورة اغريقية للملك الاغريقي اوديب

احكيكم هيا


هو ملك اغريقي لعب القدر في حياتو.. كان ابن أحد الملوك.. وكان من عاداتهم قراءة مستقبل الطفل لما يولد

فلما عرفوا والديه مستقبلو وهوا انو حيقتل ابوه ويتزوج أمو خاف والدو واتخلى عنو

وامر بقتلو ولكن الحارس ما قدر فأعطاه لمزارع .. المزارع سافر وباع الابن أوديب لأحد الملوك الي لم

يرزقو بالابناء فرباه أحسن تربية. ورباه كأنو أمير .. لما كبر أوديب كان في حانة وكان في نوع من

المشعوذين الي يطلق عليهم مستبصرين (أي في إمكانهم رؤية المستقبل) وأخبرو عن قدرو بأنو

حيقتل ابوه ويتزوج امو.. خاف أوديب أنو يسويها اعتقادا بأنو والديه هوما الي ربوه .. فهرب. سافر

حتى وصل مدينه تدعي ثيبس (مدينتو الاصلية) قبل ما يدخل المدينه كان في جسر.. وهو يمشي

عليه واجهو موكب ملك ثيبس ( أبوه الحقيقي ).. طلب منو الحراس انو يبعد عشان يمر الملك..

ولكنو رفض. لانو مغرور كأبن ملك برضو.. فاتضارب معاهم وقتل الحراس والملك.. وهو ما يعرف انو دا

الموكب هو موكب ملك وما يعرف انو دا الشخص الي قتلو هوا ملك وهوا ابوه.. لما وصل للمدينه كانت

تحيط بالمدينه لعنه التنين سفنكس محد يقدر يدخل او يخرج منها.. من أراد ان يدخل كان لازم

يحل لغز سفنكس.. قدر اوديب يحلو واتخلصت المدينة من اللعنه ودخلها كبطل.. في نفس الوقت

وصل خبر موت الملك.. فما كان أفضل من البطل يسير حاكم عليهم.. فاتزوج أرملة الملك السابق

والي هيا أمو.. وحكم بعد كدا لفتره طويله وانجب الابناء ..

بعد فترة

انتشر الطاعون في المدينه .. ما عرف ليش اوايش يسوي.. جاب واحد من المستبصرين.. وقلو أنو

السبب هو مقتل الملك السابق.. دي لعنه لانو قتل من دون ما يؤخذ بثأرو..

سار يبحث عن قاتل الملك السابق.. ويسأل زوجتو عن كيفيه مقتلو .. كانت الزوجه فرحانة لان اللي

قتل زوجها السابق ما كان الابن زي ما كانت النبوءه وانما مجرد قاطع طريق.. ما كانت تعرف

المسكينة انو هوا نفسو ابنها

حتى جا المزارع وعرفو لجرح في رجل أوديب وقلهم الحقيقه كلها


كانت الصدمه كبيره.. لما اكتشفت الملكه الام انها تزوجت ابنها.. وقالت: حصلت على ولد من ولد

وزوج من زوج

وشنقت نفسها

صدمه اوديب كبيره.. حاول التهرب من قدرو فلحقو القدر.. أوديب فقع عينيه الاثنين بيدينو لأ نو

الحقيقة كانت قدامو وما قدر أن يشوفها.. وترك المدينة.. واتجول في البلاد حتى مات

لزيزة القصة صح؟