مشكلة الطفش

[عضــاض]

السلام عليكم ورحمة الله وبركاته

حبايبي :
مشكلة الطفش .
كترة هدي الكلمه فدي اليومين صح ؟.
لو نجي نلاحظ نفسنا ترى مافي احد مايقول (انا طفشان) صح ؟
طيب لو الواحد يبا يفكر فحل لهذي المشكله .
مو لانو ترى هذي المشكله ترى ممكن تؤدي الى اشياء اخطر من كده .
طبعا كلنا عارفين الطفش ممكن يؤدي الى الاكتأب وطبعا الاكتأب مشكله كبيره اذا منتو عارفين
كم كل يوم نسمع عن الوفيات في الجرايد بسبب الاكتئاب .
طبعا احب اقلكم بداية الاكتئاب تجي طفش وبعدين قرف وبعدين حبه حبه الواحد يبدء بالانطواء عن العالم الى ان يوصل للاكتئاب .
طيب لو نبا نحل هذه المشكله ايش نسوي طيب ترى بسيطه مره ممكن تنحل بأشساء كتير اهم شي انو الواحد مننا يفكر هو ليش طفشان ويحاول انو يسوي اي شي يحبو علشان لا يطفش .
انا حاسس انو كلامي كتير وشكلكم بتقولو هدا من فين جي الغلباوي هدا عموما اسف على الاطاله واتمنا انكم تفكرو من جد في الموضوع وليا كلام تاني عن الموضوع انشالله قدام شويه والى القاء

[بنت المدينة]

والله موضوع حلو ومشكله خطيرة فعلن لانو مستحيل نشوف احد بغض النظر عن سنو الا مايقول طفشان طفشانة
طبعن اهم نقطة ضعف الوازع الديني هوا الي بيوصل لاكتئاب وهادا مرض خطييير رغم استهان الكتير بيه

يعني الواحد يحاول يضيع وقت الفراغ بهواية يحبها يرسم يسبح يجري بس احنا كسلانين

ولو اتنظمت حياتنا ابدن ما نشعر بالطفش وهادا السهر كمان ... الله يكون بالعون

مشكور عالموضوع المهم

[hazmi jeddah]

الطفش له حل امسك المصحف ولا تقر بل رتل القران-او يكون في بالك ان الوقت نعمه ولازم نستغله ومحتاجين له سواء بالعمل او العباده وكلها خير ...............وشكرا