لكن كسر هالقاعدة

[مريومة]

يقول الشاعر المبدع : حمد السعيد
للزين قالوا من قديم ٍ علامـات *** عين ٍ ومبسم والجسم والرشاقة
لكن كســر هالقاعده هالمتينات *** من واقع ٍ ماهو كلام وبـلاغة
اللي محليهن ولو هن ثقيــلات *** دايم خفـاف الدم وفيهن لباقة
الله يا هن يا جماعه لطيفات *** وعلى الكــلام الحلو فيهن طلاقة
ماهو ضروري بالرشاقة رشيقات *** وزود الوزن ماهو بعيني إعاقة
صحيح بعض اللبس يعني إهانات *** والوزن بالضّيق عديم العلاقة
بس مو ضروري يلبسن إسترتشات *** يا زينهن واللبس واسع نطاقه
لا بارك الله فيك يا الضيق بالذات *** تـرى السعه مرات يعطي أناقة
قالوا : الرجيم اليوم همّ البنيات *** قلت : الرجيم أدري يبي له فـراغه
قالوا:الرياضة ، قلت: ماهن مريضات *** للسكري ، لا مامعاهن بطاقة
قابلهن الله بلا رجيم ورياضات *** بهدي لهن مني من الورد باقة
هن دفء هذا المجتمع هالرقيقات *** هن ملح هن سكر لذيــذٍ مذاقه
هن لا سألتوني عن الحب بسكات *** بقول هن فيهن من الحب طاقه
ماهو كلام اللي كتبته وإشاعات *** أنا ربطتني مع متينة علاقة ..!!0