نسيتـي كـم ركعتـي ثـم سجدتـي فـوق أوراقـي

[باكـي بصمـت]

بـلاش نعيـد بالموضـوع .. مـدام النّيـه الفرقـا عن أذنك .. لوتكرمتي وأنا أعرف وشهو ؟؟ الباقي !!

وداع لعذرك التافـه !! .. وكـذب جفونـك الغرقـا وداع لزيـف أشواقـك وصـدق وطيـب أشـواقـي

فمـان الله .. والذكـرى ؟ فراشـه لونهـا زرقــا على ورد الضمير .. تعيش وتعشق ريحـة أخلاقـي

تغطيها الضلـوع العـوج .. هاللـي نصفهـا حرقـا وتسـلا .. فـي بساتيـن الحنايـا وروض خفاقـي

فمـان الله .. والباقـي سنيـن وجيهـهـا عـرقـا أخاف أخـدش حياهـا لـو أبـوح بحلمـك الراقـي

وداع ومّره قلتيها .؟ شقـيّ ومـن عاشـرك يشقـا وأنا من يوم قلتيهـا وأنـا أعـرف ؟ ودك أفراقـي

نسيتينـي ؟ إلاهـك بالشعـر يالراهـبـه الحمـقـا نسيتـي كـم ركعتـي ثـم سجدتـي فـوق أوراقـي

تركتيني ..؟ لجل خدي عليـه مـن الزمـن صفقـا صفقني فقـري وجوعـي وعمـر ٍ أنخلـق شاقـي

تحدتنـي سنينـي .. وأنكسـرت ونيـتـي طـرقـا تمنيـت الطمـوح اللـي تحقـق لحضـة أغـراقـي

ولكـن .. أعرفـي بالله ؟ وحـق الغـرب والشرقـا وحـق النجـم والكوكـب وغيـم ٍ هــل بـراقـي

قنوع / وعزتي / فوق / احتياجي / توقف / وترقـا تعلمت / الشموخ / من النخـل لـو عافـه الساقـي

وسّري ماعرفه أنسان .؟ ولكـن !! تعـرف الورقـا أهي تعرف سبايب جـرح ؟ عـاش سنيـن بعماقـي

سبب هالجرح ..؟ أنزف هالقصايـد وأرحـل وتبقـا يرددهـا ..؟ بعـد موتـي !! جماهيـري وعشاقـي

فمـان الله .. ولـو بعشـق بـدّور غيـرك وبلقـا وأنتي لـو تحبيـن السمـا غيـري ويـن أتلاقـي

.
.
.
( جابر )