يابويه مابي غيرك يغسل ( جثتي ) بالمّـي ..!!..

[باكـي بصمـت]

يابويه ليه تبكي كل ما شفتك وعينـك لّـي تخاف أموت يابويه ... وقبل الموت تبكيني

كفا يابوي لا تبكي وأنا موجود معك وحّـي أجل بعد الرحيل أشلون في قبري توطينـي

يابويه لو تموت الناس ماتسوى دموعك ذيّ وأنا يابوي ميت قبل أموت وأنت محيينـي

قسم بالله يابويه لجل عينك شربـت الغّـي جرعت الهم والحرمان وبحر الويل يسقيني

تحملت السنين اللي طوتني في عذابي طـيّ وصار الجمر بكفوفي .. وتحت أقدام رجليني

يابويه ماعلى عمري حسافه ولا بقا بي شّي ولكـن بطلبـك يابويـه تكفـا لا تخلينـي

يابويه مابي غيرك يغسـل جثتـي بالمّـي وتكفا قبل لا أتكفن .. يابويه فك لي عينـي

بأمر الله يمكن ألمحك وأرحل في عيني ضّي وأودع وجهك الطاهر مع دنيـاي وسنينـي

وأبي صورتك يابويه أمانـه حطهـا بيـديّ لعل الله يشفـع لـي إذا صورتـك بيدينـي

وخل الناس تحملني وترفع راسي ورجلّـي وتأخذني على قبري وتكسب أجرهـا فينـي

وأذا جيت القبر يا بوي نزلني شوي شوّي ووجهني لبيـت الله .. وقبلـه المصلينـي

وحط الطين وأدفني وعز اللي يعـزي فـيّ ثلاث أيـام يابـوي .. يجونـك المعزينـي

ورابع يوم يا بويه تذكر .. ضحكتي وعنـيّ تذكر وش كنت أقول يـوم أنـك تنادينـي

تذكر يوم كنت أنام في ظل النخـل والفّـي تجي يمي تصب الما..على وجهي وتصحيني

تذكر جرة الموال وصوت فـي حبالـه كّـي تذكر يوم أغني لك قصيدي وانت توحينـي

تذكر ضحكتك لا قلتلك يابوي عشقـي هـيّ تذكر كم قصيدة خافيـه مـا بينـك وبينـي

تذكر كل شي كان وأذكر.. يوم جابـر حّـي ولكـن أسالـك بالله يابويـه لا تبكيـنـي

.
.
.
.
.

( جــابـر )