بابا ماما مليت من السيكل ابي كامري

[sami haroon]

الصورة الاولى هذي صورتها الصباح بدري مع طريق الدمام وانا ماشئ لفت نظري راعي هالسياره وهو شائل في الصندوق (قعود او حاشي او جمل)المهم انه حاشي ومعه اربع مدري خمس من الغنم
الحاشي ماكان مستريح وكان يروح يسار ويمين والسياره تهتز معه اذا راح يمين راحت يمين واذا راح يسار راحت يسار
لسان حال الحاشي يقول (نعنبوك من زمن اللي اخرتها مع الغنم في صندوق سياره)



الصورة الثانيه :: هذي جاني عليها بهاذيل علشان اصورها اسبوع وانا كل يوم امرها واحصل راعي هالسياره مغطي عليها وكل يوم الين حصلت عليه فرصه يوم الاربعاء العصر وصورتها .,,
انا اللي مستغربه هالولد الحين يتوقع ان ابوه وامه بيقرون الرساله اللي على هالجدار , عاد بهالمناسبه ياجماعة الخير ماتلاحظون ان ظاهره الكتابه على الجدران اصبحت منتشره بكثرة والله ياعندنا في الحاره مافيه جدار سليم ماعليه كتابه
مدري هل هالشباب يحسون انه متنفس او انه يفضفضون عن شئ في دواخلهم ,
اذكر واحد في احد المدن راسم سياره على الجدار والله انك تقول سياره حقيقه والثاني راسم رجال اللي يجون للمدينه وهو مايعرفون هالرسمه يقولون وش هالشخص اللي واقف جنب الجدار دائم ,
مثل هالمواهب يجب رعايتها ودعمها وتبنيها على النقيض تماما يجب معاقبة اللي يكتبون على الجدار لمجرد اللعب فقط والعبث .,,
اذكر واحد مره كاتب على جدار مدرسه (العلم نور والنور من الكهرباء والكهرباء خطيره فلماذا نتعلم ؟ ) اخس يالعبقري وش هالاستنتاجات



الصورة الثالثه كنت في الشفاء واقف عند الاشاره فجاه طالعت السياره الي قدامي والا مكتوب على الزجاجه الخلفيه اللي شفتوه في الصورة اعلاه ؟
اللهم اني صائم بس وش المقصود في مشاوير خاصه ؟



الصورة هذي صورة القمر في يوم 14 من الشهر المنصرم ومصوره برضه بجوال
انشاءالله يكون الموضوع عجبكم