هل زوجتك نكدية ؟ الى أي مدى ؟

[بنت المدينة]

قد يبدو لك الموضوع سخيفا أو تافها ... لكن أنصحك بإكماله حتى نهايته قبل أن تحكم عليه.. فموضوعنا جاد وجاد جدا ... ولكننا بدأناه بطريقة ظريفة لتلطيف الجو وفش الغل

جاوب عن هاي الأسئلة واحسب نقاطها لتعرف لأي درجة مرتك نكدة ؟


نعم = 2 نقطة لا = 1 نقطة
اجمع نقاط إجاباتك لتعرف درجة نكد زوجتك


1-هل مرتك دايما بتشتكي من حياتها معك ؟ وبتندم على اليوم اللي شافتك فيه ؟
2-هل مرتك بتعيرك دايما و بتقارنك بالاخرين ؟
3-هل مرتك بتختلق المشاكل مع أهلك ؟و ما بتحب تزور امك ؟ و بتتأفف من زيارة امك الكو ؟
4-هل مرتك من النوع اللي ببيع حياته عشان الدهب , وكل ما بتستلم راتبك بتجرك على محل الدهب ؟
5-هل مرتك بتخليك اتجيب اكل جاهز معك , لانو الهانم كانت في صبحية , أو لانها فاءت من النوم متأخرة ؟
6-هل مرتك ما الها سيرة في الدنيا الا الشوبينغ و السينما و الكوافبر ؟
7-هل مرتك بتتبع نظام help your self بلبيت ؟
8-هل مرتك مش مستعدة تتكلف بعزايم لأهلك و صحابك , و اذا اضطرّيت تعزم حدا بتجيبوا أكل جاهز ؟
9-هل مرتك من النوع اللي ما بتخطي خطوة الا اذا استشارت امها ؟ و أخباركم عند امها أول بأول ؟
10-هل مرتك من النوع الفافي كتير ؟ و كل شوي بتقولك تعبانة ( يعني مش طابخة بكرة )؟
11-هل مرتك من النوع اللي ما بتفلت سماعة التليفون ؟ و اذا قولتلها يلا خلصي , بتعمل منك انسان مش اجتماعي وبتتهمك انك بدك تعزلها عن صحباتها ( روح قلبها)؟
12-هل مرتك من النوع اللي ما بترضى تشتريلها سيارة مستعملة , لازم تكون من الوكالة ؟
13-هل مرتك من النوع اللي بغار بطريقة مش طبيعية , و يا ويلك اذا حدا من صحباتها اشترى اشي و ما جيبتلها متلو ؟
14-هل مرتك ما بتسمحلك تتطلع على حدا غيرها , و اذا بالصدفة لمحتك عم تتطلع على وحدة تانية , بتبهدلك ادامها ؟
15-هل مرتك اذا قلتلها تعالي اعمليلي مساج ؟ بتقوللك ( أنا بدي مين يعملّي مساج ) , و بطّنشك ؟
16-هل مرتك مش مستعدة تكويلك قميص بالبيت و كل أواعيك بينزلو على محل الكوي اللي تحت البيت؟
17-هل مرتك بترفض تعمل بعض الاكلات ( كوسا وورق عنب ) و بتقولك ( المطاعم معــبــيــه البلد) ؟
18-هل مرتك بتقرأ مسجاتك قبل ما انت تقرأها ؟ و أحيانا بتجاوب على المسجات عنك ؟
19-هل مرتك لازم كل ما صرفت اشي بتستأذنها ( خاصة اذا لأهلك ) ولازم يكون عندها كشف حسابك بالبنك و تعرف الشاردة و الواردة فيه ؟
20-هل مرتك اذا كانت بتشتغل ؟ ما بتخليك تشوف شكل راتبها , و لا بتعرف متى قبضته و لا وين صرفته ؟
21-هل مرتك من النوع اللي كل ما نزل موبايل جديد , بتعطيك القديم و بتشتري واحد جديد ؟
الاجابات


اذا كان رصيدك 21 نقطة فقط


انت انســان محظـــــوظ بمرتك ؟ لانو فيك تقول انها ملاك بيمشي عل الأرض , و بنقدر نقول انك عايش في شهر عسل لساته ما خلص . و هاي بحد ذاتها معجزة من معجزات الخالق ( سبحانه و تعالى)


من 22 نقطة الـــى 33 نقطة


مرتك عندها شوية نكد , لانه بدون هال شوى هذول ببطل اسمها مرة , بس بضّلها أرحم من غيرها , و ما بقدر أقولك غير (.... و يوفى الصابرون أجرهم بغير حساب ...)


أما اذا كان رصيدك 34 نقطة فما فوق


فأنت عبارة عن بقايا انسان متحلل بفعل عوامل النكد و القهر و الكبت النفسي , و ربنا سبحانه و تعالى وصفهن ( ...ان كيدهن لعظيم ...) , عشان هيك لازم اللي زي حالاتنا يلعبو كاراتيه كتير عشان يفرغوا شحنات القهر و النكد من وقت للتاني .