اكاذيب الشباب علي البنات

[sami haroon]

مع انى عارف ان كل الشباب هنا هيجروا ورايا بس لازم النصح

1-حبيبتي عارفه والله انا مش عندى حركات الشباب مش بكلم بنات اصلا ولا بحب الحركات دى
(( خلى بالك بايت كدا يعرف كل بنات العالم ))


2- مش عارف ياحبيبتى حاسس انى اعرفك من زماااااااااااااااااااان


(( شكلها كدا فيها شبه من 40 واحده عرفها قبلها ))


3- حبيبتى حاسس انك مش زى كل البنات حاسس انك مختلفه عنهم


(( ليه فوق راسها ريشه ولا من كوكب ثاني ))


4- حبيبتى حاسس ان فى حاجات كتيره انا وانتى متشابهين فيها


(( سبحان الله اخوها في الاسلام لازم يكون في شبه ههههههه ))


5- ياريتنى ياحبيبتى عرفتك من زمان كنتى عرفت طريقى من وقتها


(( معليش كان عندك زحمه (على اساس انك ظابط مرور ) ))


6- حبيبتى انتى بس تؤمرى وانا انفذ دا يوم سعدى


(( اكيد دا فى الاحلام ))


7- حبيبتى صباعك مكشوف ياريت تخبيه بمنديل ولا حاجة اصلى بغار عليكى مووووووووووووت


(( لا ياحرام الغيره حرقت قلبك ))


8- نفسى اجى اخطبك بس اعمل ايه انتى عارفه ظروفى ولازم اكون نفسى


(( ح لازم تكون نفسك ما انت شغال فسح وفساتين وفلوس طالعه ومفيش حاجة داخله يبقى هتكون نفسك ازاى ))


9- نفسى ياحبيبتى اشوفك دلوقتى حاسس ان الدنيا كلها ضلمه وانتى هتنوريها


(( اكيد متراهن مع صحابه انك حلوة وعايز يأكد ليهم الكلام دا ))


10- حبيبتى انتى عارفه لما حبيتك حبيتك من قلبى


(( قلبك طب عشان خاطرى قوليلها من اى قلب ))


11- هى بقى : علاقتى بيك مفيش حد يعرفها خال مالص بالص لانها من خصوصياتى


(( لاكن اخوتها يعرفوا وباباها وماماتها دول من اى حد ))


12- لما بشوف رقمك او اسمك على الموبيل قلبى بيطير من مكانه


((لا قصدك عقلك بيتجنن دى هدى ولا سحر ولا كذا ولا كذا ولا كذا ))


13- حبيبتى نفسى تديلى صورة ليكى عشان قبل ما انام اشوفها واحطها تحت راسى وانام واحلى بيكى

(( متصدقيش دا عايزها عشان لما يزهق منك يلاقى سلاح فى ايده يهددك بيه ))


14- عارفه ياحبيبتى البنات بتجرى ورايا عشان ياخدوا رقمى بس انا معاكى انتى وبس


((طبعا ترتيب الجمله الصح انا بجرى ورا البنات عشان يدولى رقمهم وشويه وهبوس ايديهم ))


15-حبى انا امبارح منمتش خالص فضلت طول الليل افكر فيكى انتى سرقتى قلبى وعقلى وروحى ودلوقتى النوم

(( تلاقيه نايم من المغرب ونام وشبع نوم ولا فى دماغه حد ))


16- حياتى كل لما ادخل على الايميل بفضل مستنيكى لما تفتحى عشان اكلمك لانك انتى الوحيده الى عندى على الميل


((الحقيقه ان الباشا عاملك بلوك وضايف بنات كتيره وكلهم عاملهم بلوك ويقعد بقى يفك البلوك عن واحده بس ويقعد يكلمها لحد لما يزهق يعملها بلوك ويدور على غيرها ))..

دى بعض الامثال الى شفتها بتحصل بجد وحبيت انكم تعرفوها لاننا هنا كلنا اخوات

[فوفو]

ههههههههههه

موضوع حلو جدا يا sami


شكرا لك

[sami haroon]

اهلا وسهلا والله عاش مين شايف يا ابو الشباب

[طعومة jed]

ههههههههههههههههههههههههههه

كلنا عارفين البكش دا ومع زالك في بنات بتصدقو

تسلم سامي

[دموع تبتسم]

ماشاء الله ياسامي شكلك خبرة ماجبت الكلام هذا من فراغ

[sami haroon]

مرسي ياجماعة علي مروركم الكريم

اما بمناسبة ترا انا مالي علاقة مع البنات بتاتا اخاف منهم سمعتي مش لعبة

[الخيال الساحر]

ههههههههههههههههه

المصيبة ان الكل بيعرف الكلام دا

وكثييير ليسة بيصدقووووووه

الله يعطيك العافيه

[sami haroon]

العفووووووووووو مرسي علي مروركم