العودة   الذهبية > منتديات الذهبية المنوعة > ركن الأدبيات والثقافة > القصص والأدبيات

« آخـــر الــمــواضــيــع »
         :: متوسط العمر المتوقع لمرضى سرطان القولون والمستقيم (آخر رد :اميرة ابى)       :: طريقة صنع البان كيك (آخر رد :om abeer)       :: طريقة المعمول بالتمر الرائع (آخر رد :om abeer)       :: طريقة الفوتشيني (آخر رد :om abeer)       :: إيدي هاو يضع علامة برونو غيماريش وهو يتطلع إلى المرحلة التالية من مشروع نيوكاسل يوناي (آخر رد :هدي فاروق)       :: العلاج فى المانيا للعرب (آخر رد :اميرة ابى)       :: طريقة تحضير السبانخ في المنزل (آخر رد :om abeer)       :: تعريف القانون الدستوري (آخر رد :merehan)       :: كيفية التخلص من غزو النمل بسرعة (آخر رد :سمي)       :: نصائح لمكافحة الحشرات بق الفراش (آخر رد :سمي)      

إضافة رد
 
أدوات الموضوع انواع عرض الموضوع
  #1  
قديم 21-07-2005, 10:17 PM
sami haroon sami haroon غير متواجد حالياً
عضو خطير جدا
 
تاريخ التسجيل: Apr 2005
الدولة: السعودية - جدة
المشاركات: 16,324
Angry بندر وريم ( قصة حقيقة )




بأول ايام العمــر التقيت فيهـا
من يوم ماشفتها قلبي اهديته لها
كنت اقرى واشوف عبارات وامثال عربيه عن الحب والرومنسيه الحب من اول نظره وكنت اضحك واضحك لاسمعتها واقول في داخلي معقول حب ويدوم سنين ويكون من اول نظره من العين احكي لكم روايتي مع بنت أخذت روحـي معها
في يوم من ايام العمـر نادني الوالدمن داخـل الدار وصلت عنده ولحد باب مجلسـه قلت له سم يابو بندر
قال سم الله عدوك ياولدي بندر انت كبرت واصبحت تفهم الحال وتفهم كلامي اللي بقولـه لك يا ولدي لا تقاطعني واتركني انهي حديثي
وارجوك لاتلومني على شي فات
أنا من كلام الوالد خفت وتوقف الدم بعروقي
رفعت له نظري وقلت له:لبيك يابوي أسمعك
الوالدانت لك عم وانا مقاطعه من سنين بسبب
مشاكل دارت بيني وبينه وانا احس أن ايامي بدت تودعني أن نبضاتي في يوم بتعلن رحيلي
حاولت انطق واقول يالله يومي قبل يومك رفع يده
وقال ارجوك لاتنطقها لو اهديك ثواني عمري الباقي ولااشوفك قبلي
الدمع مني نزل وانا بعمري ما بكيت
قلت له يبه أمرني باللي تبيه
قال آبي أشوف اخوي عمك قبل مماتي
قلت غالي والطلب رخيص
واتفقنا على ان في يوم نسافر لديار عمي المجهول
وصلنا للخبر مكـان مايسكن بديت اتبع وصف ابوي وأنا متعجب من وين يعرف عنوانه
فضولي زاد وسألته
جاوبني وقال اخباره اتابعها يوم بيوم ولانسيته دايم الدوم
قال ابوي هنا وقف يا بندر
قلت هنا! أنا قدام قصر كبير
وصلني الردعمك تاجر
دقينا الباب اقصد بوابة القصر العظيم
بعد ثواني كنا في داخل بهو واسع باين أن مجلس جلس ابوي وانا المح بعيونه نظرات الخوف والتردد
انتظرنا ووصل السيد وصاحب القصر
وبعد الترحيب والتحيه
لاحظت عمي يكلم ابوي في برود
سأله عني قال ابوي هذا ولدي بندر اخبار بنتك ياخوي ؟
تعجب عمي وقال ومن وين تعرف أن عندي بنت
رد عليه بنفس الجواب القديم
مرت دقايق يتحاورون ويتكلمون
وشوي شوي الصوت تجاوز جدران البهو الوسيع
ابوي كان هادي لكن عمي كان غاضب ويتوعد
نطق بكلمه وقال لا يمكن أنسى اللي سويته فيني
قال ابوي هذا شي قديم مضى ماله معنى
وانا ياخوي احس مماتي قريب
لاتحرمني منك باقي عمري
حاولت اتكلم نظره من أبوي تركتني أتراجع عن قراري
وبصوت حاد وبقسوة قلب نطق عمي وقال
اطلع برى القصر أنت وولدك ولا تحلم أنى اغفرلك
ترجيت الوالد وقلت مكان انهنت فيه يابو بندر مانجلس به ثواني
وبلا موعد مع القدر
حوريه او ملاك
دخلت المجلس وبجنون ودمعها على الخد يسري
وصوت نوحها يسمعه القاصي قبل الداني
وارتمت بحضن أبوي وبكت
وقالت عمي لاتتركنا سامح ابوي
مالي احد غيركم لاتتركنا
ومن خلفها صرخه تردد صداها
ريم اطلعي ماهو عمك مالك بها الدنيا احد غيري أنا
تررد الملاك رفعت الراس وضمت كف ابوي وقبلتها
ونطقت سامحني ومشت مترددة تطالعنا بعيون كلها حيره
عمي قال المقابله انتهت وانا وقتي ما يسمح
بعد 8 ساعات كنا في بيتنا وبوسط الرياض
ابوي اخذ الصمت له عنوان
وانا احترمت صمته
قال ابوي هذا عمك مهما صار
قلت يبه الشي اللي مضى اكيد قوي وخطير
عمي ماهو ناسيه وعايش معه لوقته الحاضر
قال امك المرحومه هي الي عمك ماهو ناسيها
فهمت قصده من دون مايتكلم اكثر أبوي تزوج من امي
والعم كان يريدها قبل
قصه ولا في الخيال
مرت سنه وأنا طيف ريم ودمعها مافارق خيالي ثواني
كأني ما فارقتها يوم ياما حلمت ورسمت ايام عمري معاها
لبستها ثوب العروسه ووقفت معها يديني تحضن كفوفها
جبت الولد من ريم وسميته
كانت كل حياتي بعد اللي صار ريم
اعترفت لنفسي اني حبيت هالملاك
وفي ليله من الليالي
ودعني الغالي
دفنته وبكيت حالي من دونه
واعتزلت العالم من بعده
سجنت نفسي
ونسيت دنيتي واشغالي
ومر أسبوع من وفاته
وانا داخل اسواري
دق جوالي قمت متثاقل اشوفه
رقم غريب يالله ازعاج هالعالم
رميته سمعت النغمه من ثاني
قلت مالك الا ترد
ولو كان غلطان ولا لعاب ياويله
الو ومن معي
هلا بندر
كان اللي يتكلم بنت
وصوتها كان خيالي
قلت نعم من انتي
قالت ماعرفتني اكيد
قلت اكيد من
أنا ريم
رددت اسمها بصدري وقلبي
سمعت بصوتها انكسار وحزن
وهي تردد لاتقول نسيتني
قلت ماعاش من ينساك
عظم الله اجرك واعذرني على التأخير
قلت عاذرك والله يجزاك كل خير
بندر انت تعبان.؟
قلت لا لكن مانمت الا ساعات
قالت اتركك تنام وترتاح فمان الله
ريم
هلا
لاتتركيني ومن التعب ماحسيت بروحـي
نمت وكأني من دهر مجافيني النوم
ماصحيت الا على نغمة الجوال
رديت عليه وقلت نعم
سمعت صوتها وهي تردد خوفتني عليك
يومين وانا احاول اخذ اخبارك
اخذت واعطيت معها بالكلام
وتكررت المكالمات بيني وبينها
ضمتني فيها ريم بحب وحنان
عوضتني عن سنين حرماني
اصبحت تعرف وقت نومي وقت مايدخل الزاد جوفي
اصبحت حياة بندر ريم وحياة ريم بندر
وفي يوم اعترفت لها بحبي المكتوم
ريم النفس ضاقت من الأنتظار
والقلب تعب مثل الجسد وهو يحاول يصبر ويجاهد الروح
سمعت همسها وهي تنطق محمد يادفا قلبي وضماه اسمعك
ريم أنا احبك
احب صدى صوتك وضحتك
اشتاق لك
ريم علمتيني معنى العشق
من سنه مرت من اول ماشفتك
ابتدت اول ايام عمري
بندر قلت لبيك أنا
احبك
آه واخيرا ياقلبي ترجم حروف الغلا
وانثر الورد على جبل الوفا
وغرد مع الطير
وسابق الريح واعزف الحان الشوق
تصالح مع امواج البحر
وتغنى مع شمس الأصيل
وانسى كل الهموم
واذكر كلمة احبك يوم غادرت من شفاه ريومـه
وسكنت منزلك ودارك
ريم أنا اوعدك اني لك حياة وممات اوعدك أنا بكره مسافر
سمعت شهقه من صدرها الحنون وين ناوي تتركني
قلت مسافر للخبر ابي احقق الحلم واترجمـه للواقع أنا جاي اخطبك من عمي
ردت علي خايفه كل شي ينتهي
قلت انا وعدتك اني لك حياة وممات ومايفرقني عنك غير موتي
ودعتها وجهزت نفسي للسفر
ماقدرت اصبر قررت اني للخبر اسري بليلي
ومرت الساعات وانا في البهو الوسيع
دخل عمي وهو يطالعني بنظرات غريبه
وقال انت
أيه أنا بندر ولد اخوك المدفون تحت تربته
ماعندي اخو كم مره أنا كررتها وان مات الله يرحمه
في البدايه لمحت بعيونه نظره حزينه لكن تراجعت وحلت مكانها نظره بلا معنى
حسيت انه في لحظـه تأثر
عمي أنا ابيك في طلب
قول اللي عندك وقتي انا ثمين
ناقصك مال سياره جديده بيت وظيفه
قول انا احب اتصدق واعمل الخير
بعد كلامه تمنيت اني اصرخ بوجهه واقول
إنسان بلا مشاعر جبل من القسوه والجمود
أنا بخير ونعمه ومانقصني شي
طالع فيني بإستغراب اجل طلبك وش يكون
قلت ريم هذا هو طلبي
ابي اتزوجها بعد اذنك ياعم
شفت بعيونه استحقار العالم كله ومن تكون لجل تطلب ريم
جرحني ذلني هزأني وفي النهايه طردني
رجعت للرياض كيف وشلون مدري
وجوالي طول الطريق تتردد نغمـاته
اه ياريم انكتب علي اعيش بدونك
دخلت البيت وانا منهار ضايع بين عبراتي وبحور آلامي
استمريت على هالحال يومين يمكن اسبوع او شهر
وصلتني رساله من ريم
وين الوعد ياخاين العهود
انا بدونك دنياي بلا مرسى وامل
بداخلي قلت وانا اتنهد
يابعد دنياي كيف قسيت عليك أنا
دقيت على جوالها
ردت علي وهي تبكي وتردد وينك عني
بندر ليه تجافيني وين الوعد
بكيت معها واختلط دمعي بدمعها ريم احرموني منك
ابعدوني عنك ريم ذبحوا قلبي وحفروا قبري بيديهم
آه ياريم أبكي ولا أكتم بصدري آهاتي
أشكي ولا أعالج شكواي بصمتي
انـا هويتك والشاهد خالقي
لكن حكم علينا ابوك بحكمه الظالم
لكن انا عند الوعد ياربيع القلب
ماتركك لو تنهد جبالي لو أن السماء تقبل الأرض
حاولنا ننسى همنا الكبير واعيش معها مثل اول
اعيش على صوتها وحبها
حاولت مع عمي وكررت محاولاتي
وارسلت من يتوسط لي عند السيد العظيم
لكن كان جدار مايهتز وعنيد مثل الصخر
تناسينا هالأبو الظالم ورجعنا نعيش حياتنا
وفي يوم كلمتني ريم ونوحها يسابق كلامها
ريم يانور العين وشفيك
أنا يابندر ربي استجاب لدعاي
ريم وش تقولين عمي وافق يزوجني لك
لاا يابندر انت تعرفه مستحيل يغير رايه
اجل ريم القلب وش الشي الجديد
قالت اليوم هو عندي العيد
ريم: بندر تماسك واسمع الخبر
كنت اليوم بالمستشفى اصلح تحاليل
من تعب كنت اشكيه من ايام
وطلعت النتيجه
أنا يابندر؟؟
ريم انطقي تكلمي يكفيني مافيني
أنا مريضـه بالسرطان والطبيب المداوي يقول
حالتي صعبه ووصلت للشي الحرج
جمود وصمت وذهول كسا ملامحي حسيت بعمري كبر100سنه
وانا احاول اسمعها صوتي
واللي قاهرني تردد وتقول ربي استجاب لدعاي
يابندر لاتحزن افرح هذا اللشي اللي انا ابيه واتمناه
بندر دنياي من غيرك مابيها الموت اهون علي ولا اعيش مع إنسان غيرك
انا ابكي وابكي ودمعي فاضحني
وشوي اسمع عند ريم صوت ثاني صوت مصدوم وماهو مصدق كأنه صوت الجبل والعم الظالم سمعي مايخونني صوته يبكي
قفلت الخط وجلست في مكاني وانا اتذكر كلمات ريم افرح يابندر ولاتحزن
غبيه كيف افرح وهي من حياتي تروح
كيف الهنا والسعاده اعرف دربها وهي بعيده عني
ياكثر الأهات اللي بقلبي تلوع
والهموم اللي بصدري تنوح
بعدأيام وصلني خبر سفر ريم للخارج لجل العلاج مع العم المبجل الكريم
اناانتظر والأنتظار يحرق قلبي ومافيني من الحياة
فكرت اجمع كل ماملكه واسافر لعمري وحياتي هناك اقضي معها ايام العلاج
وكبرت الفكره في راسي وفعلا ماكملت غير شهر الا وانا هناك عند ريم
حلمي الأول والأخير
وقفت عند باب غرفتها ترددت كان ودي ادخل بكل لهفه وشوق واضمها وابكي بأحضانها
لكن خفت من العم يحاسب طهر الكون
طرقت الباب انفتح باب الغرفه وطل منه وجه عمي وزاده الهم فوق عمره عشرات السنين وشفته منكسر وحالته عجيبه
شفته والدمع بعيوني كاتم على انفاسي عيوني ترجته اشوف ريم من دون ماتنطق شفاي
قال تفضل ياولدي ماكنت مصدق لكن المهم وافق
دخلت لملاكي وانا اجر خطواتي هناك على السرير الأبيض ترقد
اماني عمري والتعب انهكها وبانت ملامحه عليها
ضميت يدها بيدي وكررت الوعد والعهد على سمعها
ورفعت راسي لعمي وقلتها زوجني ريم. طلبتك ياعم
هز براسه وقال اللي تبيه ياولدي يمشي
تبسمت ريم بوهن وتبسمت لها وحسيت بأول افراح حياتي
تم كل شي بسرعة البرق تزوجتها.وهي على فراش المرض احتفلت بيوم عيدي معها باالمستشفى الكبير
الممرضات والأطباء الأجانب سمحنا لهم يحتفلون معانا الجميـع هناك يحب ريم
بقيت معها وانا اصبرها على المرض واحلم انا وهي في بيتنا في سعادتنا
وقت ماتطلع عشت اجمل ثواني عمري
اصبح المستشفى الكبير يردد حب بندر وريم
وفي منتصف ليله من الليالي وانا بجنب ريم سهران
سمعتها تصرخ بصراخ عالي
وهي تتقلب على فراش المرض من الألم
انينها قطع قلبي وروحي
طلعت من الغرفه مثل المجنون انادي على الدكتور الممرضات
الكل من حولي يركض ويدخل للغرفه وصراخ ريم يتردد صداه بأذني
جلست ابكي في زوايه مثل طفل صغير فقد امه بظلمة الليل
وشوي شوي اسمع صراخها يهدى رفعت راسي والطبيب يطالع في عيوني
ويقول ادخل لريم تحتاجك
دخلت وانا كلي تعب منهك قواي منهاره
وقفت جنبها والأطباء حولي تبسمت في وجهي
وقالت تعال ياحبي
وقفت لاتبكـي امسح دموعك قلت مابكي أنا ارتاحي يابعد عمري
ريم بندر تدري ندمت ياربيع القلب على دعواي ورجواي
ماكنت ادري اني بضمك ويتحقق حلمي ومنأي
قاطعتها ريم لاتكلمين نامي وانا جنبك بسامر الليل لراحتك
قالت ريم بندر أنا اشوف الموت اشوفه يناديني
شهقت يومي وعمري قبلك انتي بتطلعين
نسيتي حلمنا بنعيش بالبيت وراح نجيب ولد ونسميه مشـاري
مثل ماتمنين بعيش معك العمر كله ريم
بندر أنا احبك وانتبه لنفسك وعيش دنياك بلا ريم لكن لاتنسى ذكراي
سمعتها تنطق بالشهاده وترددها وبعدها انفاسها ماسمعتها
حركتها هدت يدها من يدي انسحبت بسلام وسكنت بجوارها
صرخت صرخه الجريح المحروم ريم وناديت
لكن حكم القدر اخذ مني روحي
رددت الوعد ريم انالك حياة وممات
وهذاأناعايش اداوي بعدي وحرماني عن ريم





__________________





رد مع اقتباس
  #2  
قديم 22-07-2005, 03:41 AM
دموع تبتسم دموع تبتسم غير متواجد حالياً
عضوة متميزة
 
تاريخ التسجيل: May 2005
الدولة: جًٍدًٍهًٍـًٍ,,,}{
المشاركات: 4,939
افتراضي

قرأتها من أحد المنتديات

وزعلت كثير لنهايتها المحزنه

رد مع اقتباس
  #3  
قديم 24-07-2005, 02:27 PM
sami haroon sami haroon غير متواجد حالياً
عضو خطير جدا
 
تاريخ التسجيل: Apr 2005
الدولة: السعودية - جدة
المشاركات: 16,324
افتراضي

ولا يهمك اختي امسحي دموعك
__________________





رد مع اقتباس
إضافة رد


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML متاحة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
تركني الغالي ورحل mimi_jed الشعر 2 08-08-2009 10:59 PM
تصفيات تؤخر مكافأة الحراس مخاوي الليل الصحافة اليوم 0 25-03-2009 01:53 AM
بندر الحجار الأقدم والسلمي أصغر الأعضاء مخاوي الليل الصحافة اليوم 0 25-03-2009 01:19 AM
ابو بندر مسافر يجيب عماله(كاركتير) htan ركن الذهبية العام 0 08-08-2008 09:00 PM
ملك القلوب ورجل الامه بنت المدينة أخبار فنيه و أخبار متنوعة 5 12-05-2007 10:56 AM


الساعة الآن 02:24 PM.


Powered by vBulletin® Version 3.8.6
Copyright ©2000 - 2024, Jelsoft Enterprises Ltd