|
#1
23-02-2009, 10:01 PM
|
|||
|
|||
أشهر الكلمات المضحكه في السعوديهـ هع
أشهر كلمات مضحكه فــي السعوديه
-------------------------------------------------------------------------------- الدلخ : وهذاا إنسان غبي جداااا.ويرفع الضغط ....وينرفز ....واكثر من يعااني منه المدرسين ....واهله. المنسم : ذلك راجع إلى تهريب الهواء من رأسه و السبب في ذلك هو أن في رأسه فتق لذلك تلقاه دايم يغطس رأسه في سطل موية عشان يعرف من وين التنسيم . المهوي : هو مرحلة متأخرة من التنسيم و المهوي وصل لمرحلة متأخرة جدا بحيث يفقد أهله الرجاء منه ... السلنتح : قليل الأدب جحلط ( بتشديد اللام ) : وهم مرحلة متقدمة للسلنتح مزّلب : يعني بايعها بتراب ! مسفّح : يعني طاير في العجّة وهو ما عنده ما عندي جدتي , يعني بالعربي الفصيح من جنب العارضة الصتيمة : وهو الشخص اللي ماعنده ماعند جدة جدتي ...!!...ويصدق أي شيء يقال له المسبة أو المسبوة : هو الشخص اللي يكون مروع في صغره لدرجة أنه يصبح شبه فاقد للعقل ... المفهي : هذا الله يخلف مهما تقول له أو تصارخ عليه تلقاه فاتح فمه و بس و إذا كلف عمره و تفاعل معك رد عليك و قالك : هه ... الحقنة : هو الشخص الغثيث اللي ما يفكك لين تعطيه اللي يبيه منك و مهما تسوي له عشان تصرفه عن الموضوع حقه ينشب في حلقك لين يأخذ منك اللي يبيه , وهذا يفسر قول العرب : أغث من حقنة !!.... العلة : هذا اللي ما تأخذ أنت منه أي شيء و لا عنده استعداد انه يسمع منك مهما حاولت وهو كالمرض يعلك لين تنفقع مرارتك منه ...... العربجي : يظن معظم الناس أن العربجي هو الشخص الشديد حق المشاكل و اللي ما يمشي إلا وهو مشخص ببنت البكار ( أسم لطريقة لبس الشماغ عند العرابجة ) و حاط مفاتيحه في سلسلة و لا بس نعال سجاديه و يسحبها تسحيب لين جاء يمشي و دايم فاتح صدره و رازه على فوق و كانك ولد أبوك قله شيء بس . لكن في الآونه الأخيرة ظهرت إشاعات تقول بأن العربجي هو اللي يسوق الحمار(الله يعزكم) لكن صرح مصدر موثوق من عائلة العرابجة بأن هذه إشاعة مغرضة أطلقها عليهم أحد الخكاري... المرجوج : هذا ما عمره صلح شيء صح في حياته ما يمديك تفتح فمك إلا و طار في العجة بدون ما يفهم وش السالفة . و الارتجاج الحاصل له يختلف تماما عن مشكلة المسبة أو المسبوة حيث يكون الارتجاج هنا نتيجة صدمة و ليس نتيجة روعة . المطفوق : من فصيلة المرجوج ... إلا أن مايميزه هو انه اذا مر من عند كاس أو جيك أو ابريق أو أي شيء فيه سائل لازم يكبه ( أي يسكبه ) برجله وهو مايدري ،، ولا تخليه يمر بجنبك وانت معك صينية فيها بيالات لأنه لازم يطخها بيده أو بكتفه ..!! أيضا لاتخليه يصب قهوة لضيوف لأنه لازم يكب القهوة على ثوب واحد منهم..!!!!!..... الملكع : أما هذا فيعرف حتى السكن(اي الجن ) و مقطع السمكة و ذيلها و مهما تحاول تلف و تدور معه تراه فاهم و عارف وش تبي بالضبط فلا تتعب نفسك . زعّيط : مسوي نفسه يفهم في كل شيء وهو من جنب العارضة. المصرقع : هو كل شخص ما يهمه شيء و اللي يطري على باله بيسويه لأنه ماخذ الدعوة سعة صدر و هبال ... المفلت : هو كل شخص ما تقدر أنك تأمنه على شيء لأنه مهوب تكانة و يتميز بكل أنواع الإهمال و التطنيش.... الخكري : ببساطة الخكري = نعومة + دلع + ليونة والله لايبلانا ... اللزقه: هذا الشخص اللي علطول معك وقدامك ووراك وكل شي وتطلع مع الباب تلقاه تركب في السياره تلقاه يطق القزازه وهكذا خخخخخخخخخخخخخخخخخخخخخخخخخخ
__________________
|
|
#2
23-02-2009, 10:35 PM
|
||||
|
||||
هههههههههههاي
المفهي : هذا الله يخلف مهما تقول له أو تصارخ عليه تلقاه فاتح فمه و بس و إذا كلف عمره و تفاعل معك رد عليك و قالك : هه ... اكثر شي عجبني انو فيه عايله للعرابجه ههههههههههااي تسلمي على الموضوع الرووعه يعطيك العافيه خيتوو
__________________
|
|
#3
23-02-2009, 11:02 PM
|
|||
|
|||
|
يع ـــــــــــــــــافيك يا امورهـ
__________________
|
|
#5
24-02-2009, 06:19 AM
|
|||
|
|||
|
ويدكـ يا امورهــ
__________________
|
 |
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| انواع عرض الموضوع | |
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| [®][®]لجل عيـــــــــــــــــون بنات السعوديهـ [®][®] | عوضوك بغيابي | ركن الأدبيات والثقافة | 2 | 06-12-2013 08:42 AM |
| اجمل الكلمات | مخاوي الليل | ركن الذهبية العام | 2 | 08-12-2008 04:32 PM |
| قوة الكلمات | ابو صدقه | ركن الذهبية العام | 1 | 03-04-2008 10:14 PM |
| قوة الكلمات | sama | ركن الذهبية العام | 6 | 18-03-2006 08:48 PM |
| من أسرار الكلمات | همس الجروح | ثقافية | 6 | 25-05-2005 03:00 AM |
العرض العادي
