|
#1
05-06-2007, 02:57 AM
|
|||
|
|||
اللغمن البخاري
معلومات عن الاكل البخاري واسمائه رز بخاري <<<<< ودا معروف اكيد مــــنـــــتـــــو <<<<<< ودا كمان معروف وللي ما يعرفو هو عبارة عن عجينة محشية بلحمة مفرومة ويستوي عن طريق البخار والقدر تبعو يكون ادوار وفيه ثقوب ان شاءالله بس اوصل جدة اوريكم صورة القدر فرموزة <<<<<<< ودا كمان معروف وهوا عبارة عن برضو عجينة محشية بلحمة وتعتمد على كمية البصل الكبيرة والكمون ويستوي في التور الفخاري مثل فكرة التميس اليغمش <<<<<< يختلف اليغمش عن الفرموزة وهوا ان اليغمش يستوي في الفرن عادي وعادة يكون ناشف لكن الفرموزة بالفحم او بالتنور الســمــســو <<<<< وهي عبارة عن عجينة هشة مثل عجينة البف باستري محشية لحمة مفروممة اللغمن <<<<<< هذي الاكل دمااااااار شئ مو طبيعي والي يدوقها او الي يعرفها فاهمني وهي عبارة عن عجين مثل الاسباغيتي باليد يتعجن وينفرد وفيه منو جاهز وناشف وعليه مرقة حمرا فيها لحم وخضار في بعض البخارية يحطو خضار كثير زي الملفوف والفاصوليا والفول النابت والبدنجان الاسود والبطاطس زي خضار المرقوق وفي بعضهم الي هما احنا نكتفي بالكرنب والفاصوليا الز واخف وعشان المرقة تكون خفيفة الجوطازة <<<<< هذي بالنسبة للبخارية بديل الخبز يستعملوه للتغميس وهوا عبارة عن عجين يشكل بطريقة معينة زي الكور ويستوي بالبخار نفس طريقة المنتو بس مرة لذيذ يغمسو بيه ادامات اللحم او الخضار الخوشن <<<<<< زي المنتو بس قبل لا يحطوه في قدر البخار يقلوه الين يصير لونو ذهبي يحطوه في قدر البخار التشوشبرا <<<<< هذا معروف اعتقد عبارة عن شوربة حمرا تكون فيها قطع صغيرة من العجين محشية باللحم الجواوا <<<<<<< وهادي برضها شربة بس تكون فيها قطع العجين كبيرة وتكون الشربة ثخينة نسبيا الهونان <<<<<<< نفس الجوطازة بس تختلف في المقادير اللاظة <<<< صلصة حااااااارة نااااار مولعة مثل الصلصة الحارة الي في المطعم الصيني بس تكون ناشفة وتقدري تحتفظي بيها لفترة طويلة طريقة عمل اللغمن مقادير اللغمن : لحم مقطع قطع صغيره جدا فاصوليا مقطعة طويله بطاطس مقطعة طويله ونحيفه جزر مقطع طويل ونحيف كرنب شرائح خفيفه بصل مقطع قطع صغيره جدا 4 فصوص توم مطحونه بهارات (بهار مشكل + ملح + فلفل اسود + ماجي ) طماطم معصوره ملعقة صلصه طبعا عجينة اللغمن هادي تلاقيها في السوبر ماركت موجوده على العموم هيا تشبه الإسبكتي بس أعرض شويه تنفع مكرونة الباستا الطويله أو المكرونه الصينيه الطريقه : ح تحطي الزيت ولا السمن في القدر وتكشني البصل والتوم وبعدين تحطي اللحم وتقلبي بإستمراروتحطي البهارات كلها والماجي والفلفل الأسود والملح وتقلبي لمدة دقيقتين بعد كده تحطي الطماطم المعصوره والصلصه وبعدين تحطي مويه وتقلبيه وتخليه على النار لمدة نصف ساعه بعد نصف ساعة يكون اللحم استوى نصف استوى تقومي تحطي الخضاروتقلبيه وتحطيلووو شويه مويه وتخليه على نار متوسطه الين ما يستوي اللحم والخضار وتبقي مرقه شويه كأنو إيدام يصير تسلقي المكرووونه حقت اللغمن تغرفيها في صحن التقديم وتحطي إيدام اللغمن عليها وقدميها مع الشطه البخاريه والخل الأسود
طريقة الشطه البخاريه ::تقشري 3 روس توم وتطحنيهم تحطي في قدر صغير نصف كاسه زيت وتحطي التوم وتخله على النار الين ما يصفر تحطي عليه غطايتين خل اسود وتحطي 4 ملاعق شطه حمرة شطه تكرونيه يعني وتحطي مويه كاسه كبيرة وتخليها على النار الين ماتشوفيها خلاص سارت بتطبخ شويه تطفي عليها
__________________
  
|
|
#2
05-06-2007, 04:30 AM
|
|||
|
|||
|
اه منك ياتوته والله مو ناقصنا تخمه انا اعرف اللغمن عز المعرفه كان عندنا جيران بخاريه الله يذكرهم با الخير كانت امهم تسوي لغمن يعجنو في البيت وانا معاهم هاتك يابرم في العجين شي مو معقول وبصراحه وانا بقراء الطريقه حسيت بطعمه في فمي بس ما عندي استعداد اسويه مررررررره
الا إذا تطوعتي انتي تسويلنا هوووووو اوك  يسلموووووو ويسعدك ربي
|
|
#3
05-06-2007, 05:54 AM
|
|||
|
|||
|
يعطيكي الف عافية علي الاكل من صبح الله لسة حتي مافطرنا
يسلموووووووو ياقمر
__________________
 
|
|
#5
05-06-2007, 12:32 PM
|
|||
|
|||
|
ورقة خريف جيرة البخاريه تتخن .. يحبو يرسلو للجيران .. ماعرفت الاكل البخاري على اصولو غير من الجيران .. عموما انا حجرب اعمل اللغمن بس بصراحه ماعندي استعداد اعجن المكرونه بنفسي خلقي ضيق .. حجرب بالباستا .. وانت وحظك يااتغديتو ياقلبتوها جبنة وعيش ..ههههههههههه..
 سامي .. عشان يمكن نفسك تاكل اكل بخاري على الغدى .. فيكون عندك فكره وتمتحن اهل البيت وتقلهم يطبخوا .... هيمو .. ولا يهمك نسويلك حفلة نجاح واجبلك ترتة لغمن
__________________
|
|
#6
05-06-2007, 02:20 PM
|
|||
|
|||
|
حركااااااااااااااااااااات يجنن اكل البخاريه
بس اكيد اللغمن الي يسوو في البيت اطعم من الجاهز يسلمووو عالاكلات اللزيزة 
|
|
#8
08-06-2007, 01:16 PM
|
||||
|
||||
|
يسلموا عليها
مشكورة كتيرررررررررررررررررررررررررر
|
 |
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| اتش اند ام توسع نشاطها التجاري في المملكة | مخاوي الليل | إقتصاد ومال واعمال | 0 | 14-04-2009 08:58 PM |
| 250 مليون دولار حجم الامتياز التجاري في المملكة | مخاوي الليل | إقتصاد ومال واعمال | 0 | 09-04-2009 01:12 AM |
| 20 %ارتفاع التبادل التجاري العربي الألماني | مخاوي الليل | إقتصاد ومال واعمال | 0 | 07-04-2009 09:59 AM |
| نظام جديد لخدمة العمل التجاري | مخاوي الليل | إقتصاد ومال واعمال | 0 | 25-03-2009 02:08 AM |
| حديث من صحيح البخاري | محمد | الاسلامي العام | 3 | 02-01-2007 04:49 AM |
العرض العادي
