|
بنت المدينة
طيب والصغار كيف نقدر نحميهم من دي الفتن ؟ إزا إحنى كبار ونتأثر بحاجات كتيره من حولنا فما بالك بالمراهقين ... تصدقي إخويه مدي بناتو .. أعمارهم سته واربعه سنوات جوالات !!! |
ورقة خريف
مش هنا وبس ... في كل مكان ! لكن بسبب عدم مقدرتنا على تطوير سبل لشرح فوائد هذه التكنولوجيات يستقبلها المتلقي دون فهم لفوائدها ... يعني زي قولة إلي مايعرف للصقر يشويه ! لو سمحتولي بأستخدام دا المتل ! أتصور لو أعطيت لولدك جوال وشرحتله آيش المواصفات وآيش المحتويات و كيف تقدر تستعملها و آيش الأشياء الي ممكن تتقبلها أو لا ... هوا لوحدوا يكون مفهوم خاص بيه للفوائد والعيوب ... ونحنى فوق دا كولو ما نقدر نراقب جوالاتهم 24 ساعه وآيش أستقبل وآيش أرسل ! ... عشان كده انك تفهمو من البدايه وتنورو هي أفضل وسيله والمتابعه تكون في حدود المعقول . |
لحظة حب
دي قاعدة من العيب كسرها ... إننا نقول ما نبغى دش وما نبغى بلوتوث ومانبغى إنترنت !!! لأنو لو منعتيها في بيتك ... حيلاقوها من طرق أخرى غير سوية ... صح على كدا لازم يكون الواحد مننا فاهم تمام هوا بيتعامل مع آيش ... عشان نعرف فين الصح وفين الخطأ ونستفيد بأكبر قدر ممكن من دي التكنولوجيات إلي بتدخل علينا وتفرض نفسها بلقوة. أنا أشوف لو أعطيت المتلقي كميه كبيرة من المفاهيم والشروحات عن دي التكنلوجيا لوحدوا حيبرمجها لمصلحته ويستنفع منها وينتج من خلالها ... عيبنا إننا محنى فاهمين كيف نستخدم دي الأشياء لمصلحتنا ... إلا من رحم ربي. اما الناس المريضه فما تقدر تمنع عنهم كل شي و علاجهم هو السبيل . |
| الساعة الآن 01:03 AM. |
Powered by vBulletin® Version 3.8.6
Copyright ©2000 - 2025, Jelsoft Enterprises Ltd