الذهبية - الدنيـــــــــــا حكــايات وعلـوم

ياصاحبي الدنيا حكايات وعلوم000قصص غريبه تذهل الي قراها
الدنيا لو تضحك معك دايم الدوم000خلك فطين ولا يهمك رضاها
كم واحد تبنى له آمال وحلوم000يفني وغيره يهتني في بناها
ياما افرحت عين واحزنت عين000وكم اعشقت عين وخانت غلاها
ياصاحبي شف حالنا امس وحالنا اليوم000دنيا تقلب يكفي الله بلاها
اليوم لامنه بغت عيني النوم000تنكدت روحي وعافت كراها
ماكل من علا بالصوت مفهوم000وماكل روح تلتقي في مناها
وماكل من يشكي معذب ومحروم000وماكل من يضحك همومه نساها
بحر الحياة إن صرت ماتعرف العوم000يرميك في غبه بعيده مداها
من راح يستسلم من احزان وهموم000يموت حي وحاجته ماقضاها
واجه هبوب الوقت بايمان وعزوم000لابد ماربك يهدي هواها
واصبر إذا شمسك حجب نوره اغيوم000الغيم يتفرق ويشرق سناها