الذهبية - أنا ميت من الطفش يا ناس .. تعالو شوفو القصة دي اتمنى تعجبكم !!

سلااااام

كيفكم اش اخباركم؟؟

اقول لكم انا مررررررة ميت من الطفش

فترة الاختبارات طفش في طفش

المووهم

انا جالس هنا لحالي

ولا مواقع تتفتح زي الناس ولا ماسنجر

كل شي زفت

زفت زفت والله زفت

احلف

من الطفش قاعد أألف لكم في القصص

كالعادة يعني

و جايبلكم دي القصة

يالله

كان يا ما كان .. في قديم الزمان و سالف العصر و الأوان

كان في ولد اسمه .... اش نخلي اسمه؟؟ دوللي.... كان في ولد اسمه دوللي
المهم هادا دوللي كان ... متعرف على وحدة اسمها دينا

المهم في يوم قال لها (( دينا ابا اشوفك؟ ))

المهم دينا كلام كتير و كيف و ما كيف .. المهم انهم اتفقو على دي الحركة : انه دوللي يمر عليها في الصباح
و اهل البنت في الدوام

المهم مر عليها اليوم الأول و هي خااايفة

راحو اتمشو في شوارع جدة (( نخليها جدة )) و راحو الكورنيش و رجعها الساعة 11

اليوم التاني بيعيدو الحركة دي ... لكن صدف و قابلهم تفتيش .. عاد دوللي انفجع مو عارف ايش يسوي و هو مع حبيبته

المهم لما وصل عند العسكري .. العسكري مشاه .. لكن دوللي مع الربشة دعس دعسة خلت العسكري يطالع فيه

المهم العسكري لاحظ شي قام لحق دوللي

و قاعدين يتلاحقو في شوارع جدة لين ما قالو بس

و ما اتمسك دوللي .. حوس بهم و ضيعهم

واليوم التاني برضو صادفهم تفتيش والعسكري لحقهم ودوللي حوسبهم مرة تانية

اليوم التالت دينا كانت خايفة ما تبا تجي لكن دوللي شيطان اصر عليها

ومرو من طريق تاني ... لكن برضو صادفو تفتيش

ولحقوه مرة تانية

ولحقو و لحقو و لحقو لييييييييين ما وصل دوللي طريق مسدووود

خلاااااص عزالله دوللي راح فيها

المهم دوللي موعارف اش يسوي لما شاف العسكري هو جي

فتح له الطاقة

الا العسكري يقول له

يا الطيب ترى عباية الوالدة نادرة من الباب

معليش اذا القصة ما عجبتكم بس الطفش يجيب هوايل